11. फसह

परमेश्वर ये मूसा और हारून ने फिरोन ने कने यो केवा ने हारु मेलीया की इस्त्राएलियो ने जावा दे। वणा ये वीने चेतावनी आली कि यदि वो वणाने नहीं जावा देगा, तो परमेश्वर मिस्त्र ने मनखा ने और जनावरा ना सब पहलोठो ने मारी नाखेगा। फिरोन ये यो हामली ने भी परमेश्वर पर विश्वास करवा ती और विनी वात मानवा ती ना कई दीदू।

परमेश्वर ये विन पर विश्वास करवा वला किनी भी मोटा सोरा ने वसाड़ वा हारु एक उपाय प्रबंध कारियो। हर परिवार ने निष्कल्क गाडरा ने लई वध करणू थू।

परमेश्वर ये इसराइलयो ती वण। गाडरा ना खून लई ने आपड़ा घर ने बाइणा पर लगाङ वा हारु किदु वणाने विन सीसी ने हैक जो और फेर अखमारी रोटा हाते विने एकदम खाई जावणू थू। वणाने वू खावा नू खावा ने बाद में एकदम वणाने मिस्र ने छोड़ वा हारु तियार रेवा हारु किदु।।

जेवू करवा हारु परमेश्वर ये इसराइलयो ने आदेश आलियों थो। वणाये वीनअनुसार सब कुछ करियु। आदी रात में,परमेश्वर हर एक मोटा सोरा ने मरवा हारु मिस्र ने वसमे थाई ने निकलियो

इसराइलियो ने हार घर ने बाइणा पर खून लगाडेलू थू,अणहारु परमेश्वर ये आपदा घर ने छोड़ी दिदा। विन मईते ना सब लोग सुरक्षित था। वि गाडरा ने खून ने कारण वसी गया था।

री रीलेकिन मिस्री लोगा ये परमेश्वर पर विश्वास नी कारियो थो। ओर वीन आदेश ने नी मानियो थो अणहारु परमेश्वर ने वणाने घर ने नी सोडिया । परमेश्वर ये मिस्रिय ना हर एक मोटा सोरा ने मार दिदा।

जेलखाना में केदिया ना मोटा सोरा ती लई ने फिरोन ने मोटा सोरा तक हर एक मोटा सोरा ने मार दीदा। आपड़ा दुःख ने कारण मिस्री लोग जबर रोवी रा था।ओर विलाप करीरा था।

वणीस रात, फिरोन ये मूसा ओर हारून ने तेडिया और किदु "इसराइलियों ने लइने ने एकदम मिस्र ती निकली जावो ।"मिस्री लोगा ये भी इसराइलियों ती एकदम जावा हारु आग्रह कारियो।