12. निर्गमन

इसराइली लोग मिस्र ती निकली ने जबर राजी था। वे एवा दास नी था, इसराइलियो ये मागियू, मिस्रियो ये वू सब कुछु आल दिदू,यह तक हुनु ओर चांदी और मूल्यवान वस्तु बि।दूसरा देश ने लोगा ये परमेश्वर पर विश्वास कारियो। इजरायली लोगा हाते निकलिया ओर वणा हाते थायजा।

दन ने दौरान वादला नू एक मोटो खम्भा वणा ने आगे आगे चालतो । और रात ने समय मा वू वाहल्दी नो खंभो वणी जातो।परमेश्वर जो वण वदला ने मई ते रेतो थो। परमेश्वर हमेशा वणा ने हाते थो।ओर यात्रा ने समय वणा नी अगवाई करतो। वणा ने खाली एतरु करनु थु कि विन पासे चाले

थोड़ा समय बाद, फिरोन ओर वणाने लोगा ये मन बदल लिदू इसराइली लोगा ने फेर ती आपडा दास वणाव नू चाहता था। जण हारु वणाये इसराइली ने पासे लागिया।यह परमेश्वर ही थो। जणे वणानु मन बदली दिदु। वणे एवू अण हारूं करियु केहकी वू चाहतों थो की हर कोई यो जाण ले फिरोन ओर मिस्र ना सब देवता ती वू शक्तिशाली हे।

जब इजरायली ने मिस्र ने सेना आवति देखी ते वणा ने मालम थायु कि फीरोन नी सेना ने ओर लाल समूदर ने वसमे गेराई गया है।वि जबर डरी गया और रोवा लागियां, अमाये मिस्र काई हारु सोडियु ? आपु सब मरवा वला है।

मूसा ये इसराइलियो ती किदु," बियो मति। परमेश्वर आज तमा हारु लड़ेगा और तमाने वसाड़े गा।" तब परमेश्वर ये मूसा ती किदू,"अण लोगा लाल समूदर आड़ी आगे बड़वानु के।"

तब प्रमेश्वर ये विने वादला नना खंभा ने लाई ने इसराइलियो ओर मिस्रियो ने वसमे मेल दिदो। केहकी मिस्री लोग इसराइली ने देखी नी सके।

प्रमेश्वर ये मूसा ने किदु समूदर आड़ी हात आगे बडाव। फेर परमेश्वर ये वायरा ती समूदर ने पाणी ने उगमणु ओर आथमणु कर दिदु, जिनती समूदर में थाई ने एक वाट वणी गई।

इजरायली लोग दो ई आड़ी पाणी नी दीवाल ने हाते हुकी जगा पर समूद्र में थाई निकली गया।

तब परमेश्वर ये वण वाट ती वादला ने तोकी लिदू केहकी मिस्री लोग इसराइलियो ने वसीन जाता हका देख ले। मिस्रिया ये वणा ने हावा हारु पाच्छे लागवा नो निर्णय कारियो।

अतः वणाये समूदर ने माध्यम ती विन वाटे पर इसराइलियो का पीछा कारियु,पणे प्रमेश्वर ये मिस्री ने घबराई दिदा। ओर रथो को अटकाई दिदा वि गांगड़ वा लगिया," नहावो। इसराइलियो की और ती प्रमेश्वर लाडिरो हैं।"

सारे इसराइली समूदर नी दूसरी आड़ी गया। तब प्रमेश्वर ये मूसा ती किदु तू फेर पाणी पर हाथ बड़ाव । जब मूसा ये एवू करियु,ते पाणी सामान्य स्थति में आवी जु। ओर सारी मिस्री सेना पाणी में डूबी गई।

जब इसराइलियो ये यो देखियु की मिस्री मारी गया । वणा ये प्रमेश्वर पर विश्वाश कारियो।वणाये विश्वाश करियों की मूसा परमेश्वर आड़ी ती भविष्यवक्ता हे

इसराइली लोग अण हारूं भी जायदा राजी था। केहकी परमेश्वर ये विन मरवा ती और दास ओवा ती वसा डी या ही तब वि परमेश्वर नी आज्ञा माननी ओर परमेश्वर नी आराधना करवा में स्वतंत्र था। इसराइलियो ने वणानो स्वतंत्रता नो तेवार माना वा हारु और परमेश्वर नी प्रशंसा करवा हारु नराई गीत गाया। केहकी वणे वणाने मिस्रियो नी सेना ती वसा डी या। था।

परमेश्वर ये इसराइलियो को हर वर में एक तेवार मनावा नू किदू।यो याद करवा हारु की परमेश्वर ये कतर मिस्रियो को पराजित कारिया और दास ओवा ती स्वतंत्र किया। यो फसव नो तेवार कैवा गा यो तेवार मनावा हारु एक स्वस्थ मेमना नी बली करनी थी। विने हेकणु थू, ओर विन वगर खमीर वालो रोटा हाते खाणु है