13. इसराइल ने हाते परमेश्वर नी वाचा

इसराइलियों को लाल समूदर ने पार लाई जाईन ने बाद, प्रमेशवर वणाने जगल में थाई ने सीने कहलातो हे वण डूंगर आड़ी लई गयो।यो वूस डुंगर थो जाह मूसा ये हलगती हकी रूखड़ी देखी थी।वण डूंगर ने नीचे वणाये तम्बू ने लगाड़िया।

परमेश्वर ये मूसा ती और इसराइल ने सब लोगा ने किदू,"तमाने हमेशा मारी वात माननी पड़ेगी और जो वाचा ऊ तमारे हाते बंधता हू वीने वणाये राख जो। यदि तमु एवु करो ते, तनु मारा पुरुस्कार बहुमूल्य,धन,याजको ना राज्य, ओर एक पवित्र जात ठहरोगे।"

परमेश्वर द्वारा वणाने पास आवा हारु लोगा ये तीन दन तक खुद को तैयार करियु । तब परमेश्वर ये सीने डूंगर नी टिकोली ती नीचे उतरी गयो।जब वू आयो ते भूकम्प आयो, विजली समकी, दुवाड़ो उठियो,ओर तुरही ने जोरदार शब्द थायु।।तब मूसा खुद डूंगर पर सड़ी गयो।

तब प्रमेश्वर ये लोगा हाते वाचा बांधी ने किदु, "ऊ तमारो परमेश्वर यहोवा हु। ऊ स हू जणे तमाने मिस्र ने दास्वत ती सोडविया है किना बी दूसरा देवता नी उपासना मत करना।

मूरत मत बाणावजो ओर विनी उपासना मत करना,केहकी मैं यहोवा,तमरो एकूस परमेश्वर हु।अनुचित रीति ती मार नाम ने मत लिजो दूसरा सबद मां छः दान तक काम करजो हातवे दन तमारे हारु विश्राम नो दन और मने हमक वा नो दन हे

आपड़ा आई ने दादा नू आदर करणु। हत्या नी करणी। व्यभिचार नी करणो,सोरी नी करणी आपडा पड़ोसी नी लुगाई विन घर,या विन काणाभी समान ने लेवा नी इच्छा नी करणी।

तब परमेश्वर ये इन आज्ञा दो पगड़ पर ये लिखीं ने मूसा ने आली। परमेश्वर ये पालवा हारु नरी आज्ञा आली थी। यदि तमाए इन व्यवस्था नो पालन कारियो ते वणा ने आशीष ओर सुरक्षा आल वा नी प्रतिज्ञा की। पणे वणाये ईन पालन नी कारियो ते वू वणानै दंडित बि करगा।

परमेश्वर ये इसराइलियो को एक मोटू तम्बू वणावा नु किदु मिलाप वाला तम्बू। वणे वणाने ठीक ठीक वतायु की अन तम्बू ने कतर वणावणु हे ओर विन मईते काई काई मेलनू है वणे वणाने तम्बू ने दो कमरा में बाटवा नू किदू ओर एक मोटा पडदो वणावा नु किदु परमेश्वर वण पडदा ने पासे आवेगा ओर वा रेगा।जाह परमेश्वर रे गा। वण जगा पर जावा नी अनुमति केवल महायजक ने है।

वण लोंगा ने विन मिलाप वाला तम्बू ने हामे एक वेदी वणावो । जो कोई परमेश्वर नी व्यवस्था नी अवज्ञा करे ते वू वेदी पर एक जनावर लावे। तब याजक विनी बली सडावे गा ओर परमेश्वर ने हारु बली ने रूप में हलगावे गा। परमेश्वर ये किदु वण जनावर नू लोई विन व्यक्ति ना पाप बाकी देगा। अण रिती ती, अब परमेश्वर विन पाप ने नी देखेगा। वू व्यक्ति परमेश्वर नी नजर में "शुद्ध " ठहरेगा। परमेश्वर ये मूसा ने ओर विन भाई हारून ने ओर विन वंशज ने याजक ओवा हारु चुना

परमेश्वर ये वणा लोंगा ने नियम आलिया था। वीना पालन करवा हारु वि सब तयार था।वि खाली परमेश्वर नो लोग केवाना ओर विनी आराधना करवा हारु तियार थाया था।

घनाई दन तक, मूसा सीने डूंगर नी टिकोली पर रिओ। वू परमेश्वर ती वात करतो थो। पणे लोग विनी वाट देखता देखता थाकी गया था। अण हारु वी सब लोग हुन लिन हारून कने गया ओर एक मुरत वणावी केहकी वि विनी उपासना करी सके अन रीति ती, वणाये भयंकर रूप ती परमेश्वर ने विरुद पाप कारियो।

हारून ये बसडा हरकू हुना नु एक मुरत वणावी। वण लोंगा यविन मूरत नी उपासना करणु सालु कर दिदु ओर बली सडावी। वणाने पाप नी हारु प्रमेशवर। जबर रिह में आवी गयो वू वणाने नष्ट करणु चाहतो थो।पणे मूसा ये वणाने नी मरवा नो अनुरोध करियों।परमेश्वर ये विन अनुराध ने हामलियू ओर वणाने नष्ट नी करिया

आखिरकार मूसा सीने डूंगर ती नीचे उतरी आयो। वूय वण दो पगड़ नी पटिया लिन आयो। जिन पर प्रमेशवर नी दस आज्ञा लिखेली थी फेर वणे विन मूरत ने देखियु। वू अतरो रिह में आवी गयो की वि पटिया चकनाचूर करी दीदी।

फेर मूसा ये विन मूर्त्ति ने पीसी ने विनाे आटो हरकु बुरादा वणई दिदो ओर विन बुरादा ने पाणी में मीला विने वण लोंगा ने पाईं दिदु। परमेश्वर ये वण लोगा पर एक मुसीबत मेली विनती नरा लोग मारी गया।

जण पटिया ने मूसा ये तोड़ी दी थी। विनो स्थान लेवा हारु मूसा ये वण दस आज्ञा नो पगडा ने नवु पटिया वणावी। तब वू फेर ती डूंगर पर साडियो ओर प्रार्थना करी की परमेश्वर वणाने माफ करे नवी पटिया लिन ने निसे उतारियो।तब परमेश्वर ये सीने डूंगर ती लिन प्रतिज्ञा ने देश तक इसराइलियों नी अगवाई करी।