22. यूहन्ना नो जनम

अतीत में परमेश्वर ये आपड़ा भविष्यवक्ताओ ती वात करी थी अणहारु वि लोगा ती वात करी साकिया था। पणे वण समय ती फेर 400 वर तक परमेश्वर ये किनती वात नी करी। तब परमेश्वर ये जकर्याह नाम ना भविष्यवक्ता कने एक हरगदूत ने मेलियो जकर्याह ओर विनी लोगाईं एलिशेबा परमेश्वर नो आदर करता था। वि दोइ डोकरा था, और कोई सोरा नी पैदा थाया था।

वण हरगदूत ये जकर्याह ती किदु, "थारी लोगाई एक सोरों पैदा करेगा तू वीनू नाम यूहना राख जे। परमेश्वर विने पवित्र आत्मा ती बर देगा। और यूहना लोगो को मसीह ने ग्रहण करवा हारु तियार करेगा।"जकर्याह ये जवाब आलियों,"ऊ और मारी लुगाई सोरा पैदा करवा हारु अमु दोकरा है। ऊ कतर जाणू की तू मनती हासिक कई रो है?"

वण हरगदुत ये जकर्याह को जवाब आलियों, "थार कने इस शुभ संदेश ने लावा हारु ऊ परमेश्वर द्वारा मेलेला है केहकी ते मन पर विश्वास नी कारियो,अणहारु सोरो पैदा थावा तक तू बोली नी सके गा।" एकदम ही, जकर्याह बोलवा में असमर्थ थो तब हरगदूत जकर्याह कने ती जातीरो। इन बाद, जकर्याह धरे जातिरो ओर विनी लोगाईं गर्भवती थाई।

जब एलिशिबा छः महीने नी गर्बावती थी, ते वुस हरगगदूत एकदम एलिशीबा की रिश्तेदार पर प्रकट थायो, जीनू नाम मरियम थू। मारियम कुंवारी थी और विनि हगाई यूसुफ नाम नो एक आदमी थो हरगदूत ये किदु "तू गर्भवती थागा और एक सोरों पैदा करेगा तने वीनू नाम यीशु राख जो। वू सर्व शक्तिमान परमेश्वर नो सोरों ओवेगा ओर सदा हारु शासन करेगा।"

मरियम ये जवाब आलियों,"यो कतर थागा, केहकी ऊ ते कुवारी हू?"वण हरगदूत ये हजाडिया, "पवित्र आत्मा तन पर आवेगा और परमेश्वर नी सामर्थ तन पर छाया करेगा। अणहारु हारु वू सोरों पवित्र थागा, ओर वू परमेश्वर नो सोरों केवागा।"जो वण हरगदुत ये किदु थू मरियम ये विन पर विश्वास कारियो।

यो ओवाने बाद एकदम बाद में मरियम ने जाई ने एलिशीबा ती भेट करी। जैसे ही मरियम ये नमस्कार कारियु, एलिशेबा नो सोरो विन माइते उछला। वणा हारु परमेश्वर ये जो कारियु थू विन बारा में वि लोगाई एक हाते आनदित थाई। एलेशेबा हाते मरियम तीन महीना तक रई ने बाद,मरियम धरे आवती री।

इन बाद, एलिशेबा ये आपड़ा सोरा ने पैदा कारियो। जकर्याह ओर एलिशिबा ये विन सोरा नू नाम यूहाना रखियू जेवू हरगदूत ये आदेश आलियों थो तब परमेश्वर ये जकर्याह ने बोलवा में सक्षम कारियो। जकर्याह ये किदु, " परमेश्वर नी स्तुति करी ! हे मार सोरा तू सर्व शक्तिमान परमेश्वर नो भविष्यवक्ता थागा। तू लोगा ने वतालेगा की वि कतर आपडा पाप ने क्षमा प्राप्त करी सके है!"