23. येशु नो पैदा थावणु

यूसुफ नाम नो एक धर्मी आदमी थो विन हाते मरियम नाम नी एक सोरी नी हगाई थाई थी।जब वणे हामलियु की मरियम पेट ती ही है। ते वू जाणतो थो की वु वीनू सौरु नी हे। पणे,मरियम ने बदनाम करणु नी चाहतों थो,अण हारूं यूसुफ ये विन पर कृपा करवा हारु वणे मनु मन तलाक देवा नी हाेसीयू। पणे इनती पेला,एक स्वर्गदूत ये हपना में आविंने विनती वात करी की।

वण स्वर्गदूत ये किदु,"हैं यूसुफ मरियम ने थारी लोगाई ने रूप में लावा। ती मति बी।विन माईते जो सोरूं हे वू एक पवित्र आत्मा नी आड़ी ती हे वे एक सोरी पैदा करेगा।वीनू नाम येशु रखना (जीनू अर्थ ही यहोवा वसाडे है ), केहकी वू लोगा ने वणाने पाप ती वसाडे गा।

अतः युसूफ ये मरियम ती पैनीजो और आपडी लोगई ने रुपबमे लायौ। पणे वणे विन सोरू थाया जा वा तक विन कने नी हुतो

जब मरियम ने सोरु जणवा नु समय आयु,ते वणाये बेतलम जावा नी लंबी यात्रा करी।वणा ने वा जाणुश थु।केहकी रोमी अधिकारी इजराल में रेवा वला नी गणती करी रथा सब लोग वा जा जहा वणा ना बाप दादा रेता था।राजा दाऊद नो जनम बेतलम में थायो थो।, ओर वू मरियम ओर यूसुफ नो पूर्वज थो।

मरियम ओर यूसुफ बेतलम गया। पणे वा जनावर ने रेवा नी जगा थी पणे वणा ने रेवा नी जगा नी थी।वणी जगा में मरियम ये आपडा सोरा ने पैदा कारियो। यूसुफ ये विने कुडमा में वाथारियू थू। वणा ये वीनु नाम यीशु राखियू

वणी रात,कने खेत में गुवाल आपड़ा गाडरा नी रखवाली करी रा था। एकदम ती, एक चमकदार स्वर्गदूत वीना कने प्रकट थायो, और वि बिगया।वण स्वर्गदूत ये किदु,"मत बीयो,केहकी मन कने तना हारु एक शुभ संदेश है बेतलम में मसीह, स्वामी पैदा थायो।

जाई ने विन सोरा नी खोज करो, और तनु विन सितरा में पोथेलो थको और कुड़मा में पडेलो मलेगा।"अचानक ती, आकाश स्वर्गादुतो ती बराई गीयू। वि परमेश्वर नी स्तुति करी रा था। वणा ये किदु,"सारी महिमा स्वर्ग में विराजमान परमेश्वर ने मले।धरती पर उन लोगा में शांति था जीनी वू चिन्ता करे।"

तब सवर्गदूत जातिरा। वि गुवाल बि आपड़ा गाडरा ने छोड़ी ने सोरा ने देखवां गया।एकदम ही वि वण स्थान पर गया जा येशु थो। और वणा ये वीने कुडमा में हुतेलो देखियों,जेवु सवर्गदूत ये किदु थू।वि जबर उत्साहित था। तब वि गुवाल पासा फरी आया जा वणाना गडरा था। वणाये जोबी देखियू थू ओर हामालियू तू विन हारु परमेश्वर नी स्तुति करी थी।

उगमणा में एक देश में थोड़ाक आदमी था।वणाये तारा नो अध्ययन कारियु।ओर वि जबर बुद्धिमान था।।वणाये एक असामान्य तारा ने देखियों।वणाये किदु की इनू अर्थ है यहूदियों नो एक नवों राजा पैदा थायो।अण हारूं वणाये वीन सोरा ने देख वा हारु आपड़ा देश ती यात्रा करवा नू निर्णय कारियु।एक लंबी यात्रा ने बाद में, वी बेतलम आया ओर विन घेर ने होदीयु जाह यीशु और विनी आई ने दादा रेता था।

जब अण आदमिया ये यीशु ने विन आई हाते देखियु ते घुटने टेकिने विनी आराधना करी। वणाये यीशु ने कीमती उपहार आलिया।फेर वि पासा धरे जतीरा