24. यूहना येशु ने बपतिस्मा आले है

अलिशिबा ओर जकर्याह नो सोरों यूहन्ना, मोटो थाई ने एक भविष्यदकता वणी गयो। वू जंगल में रेतो थो।ओर जंगली मोद ओर टिडिया खातो थो।ओर उटडा ने रुंगा ती वणेला सितरा पेरतो थो।

नराई लोग यूहन्ना नी वाते हामलवा जंगल में आवी गया। वणे यो कई ने प्रचार कारियु, पश्चाताप करो, कहकी स्वर्ग नू राज्य कने आवी गयू है।

जब लोगा ये युहाना नी संदेश हामलियो,ते नरा ये पाप ती पश्चाताप कारिया,ओर यूहाना ये वणाने बपतिस्मा आलियु। युहना ने देखवा हारु नराई धार्मिक गुरु आया। पणे वणाये आपडा पाप नो पश्चाताप नी कारियो और अंगीकार नी करियु।

यूहन्ना ये धार्मिक आगुवो ती किदू,"हे जहरीले सांपो! पश्चाताप करो ने तमार व्यवहार ने बदलो।परमेश्वर हर विन रूखड़ा ने वाडे गा जो हाऊ फल नी लावे, और वू वणाने वहाल्दी में दड़े गा।"देख, ऊ शीघ्र ही थारे आगे आपड़ा संदेशवाहक ने मेलूंगा जो थार हारु मार्ग तियार करगा।

कणेक धार्मिक अगूवो ये पुछियु की काई तू मसीह हे। यूहना ये जवाब आलियों,"ऊ मसीह कोई नी हु, पणे वु ते मार बाद में आवीरो है। वू एतरो महान है कि ऊ वीना खाहडा ने फीते खोलवा ने योग्य बि नी हूं।"

आगले दन,यीशु बपतिस्मा लेवा हारु युहना कने आयो।जब यूहना ये विन देखियो,तो वणे किदु,"देखो!परमेश्वर नो मेमना जो संसार ना पाप ने तोकी लईजा गा।"

युहना ये यीशु ती किदु, ऊ तने बपतिस्मा देवा ने योग्य नी हु।केहकी आवश्यक ते यो ही की ऊ थार आथ ती बपतिस्मा लू। "पणे यीशु ये किदु,तने मने बपतिस्मा आलनु सिए,केहकी करवा हारु यो काम सही है। " फेर यूहना ये यीशु ने बपतिस्मा दिदू।,जबकि यीशु ये कदी पाप नी कारियो थो।

बपतिस्मा देवा ने बाद में जब यीशु पाणी ती निकली आयो,परमेश्वर नी आत्मा कबूतर ने रूप में प्रकट थाई ने नीचे आविने विन पर बेहिगी।।वणी समय,परमेश्वर ये स्वर्ग ती वात करी। वणे किदु,"तू मारो लाडलो सोरों है। ऊ थार ती प्रेम करू हे, और ऊ जबर राजी हूं।

परमेश्वर ये यूहना ती किदू थू, "पवित्र आत्मा नीचे आविने जिन पर बहीजा जीने तू बपतिस्मा आलेगा।"वुस परमेश्वर नो सोरों है।परमेश्वर एक कुस है। पणे जब यूहना ये बपतिस्मा दिदू,ते वणे परमेश्वर दादा ने वात करता हामलियों , बेटा ये परमेश्वर ने देखिया,जो कि यिशु है, ओर वणे पवित्र आत्मा ने देखीयु।