25. शैतान यीशु नी परीक्षा करे हे

यीशु नो बपतिस्मा ओवा ने बाद में,पवित्र आत्मा विन जंगल में लईंगी यीशु वणी जगा चालीस दन ने रात रियो थो। वण समय में उपवास कारियो,ओर शैतान यीशु कने आविने पाप करावा हारु विनी परीक्षा करी।

पेला,शैतान ये यीशु ती किदु,"अगर तू परमेश्वर नो सोरों है ते अण पगड़ा ती कई दे की रोटा वणीजा केहकी तू खाई सके!"

पणे यीशु ये शैतान ती किदु,"परमेश्वर ने वचन में लिखेलू है;जीवतु रेवा हारु मनखू खाली रोटा नी आवश्यकता नी हे, पणे वीने जरूरत है वण हर वात नी जो परमेश्वर विनती कहे!"

तब शैतान यीशु ने मंदिर ने सबती ऊंची टिकोली पर लई जो।शैतान ये यीशु ती किदु,"यदि तू परमेश्वर नो सोरों है ते यहाँ ती नीचे कूदी जा,केहकी लिखेलु हैं,परमेश्वर तने तोक वा हारु आपड़ा स्वर्गदूत ने आज्ञा आले गा की थार पगाने पगड़ा ती ठेस नी लागे।"

पणे यीशु ये वू नी कारियु जो शैतान विन कई रो थो।विन बजाय, वणे किदु "परमेश्वर हर एक ती कहे हे,तू प्रभु आपडा परमेश्वर नी परीक्षा नी करे।"

फेर शैतान ये यीशु ने संसार ना सब राज्य देखाडिया। वणे विने देखाडियु की वि केतरा शक्तिशाली था। ओर वि कतरा खुश था। वणे यीशु ती किदु,"ऊ तने यो सब आल दूंगा यदि तू गोडा मांडी ने मारी उपासना करे।"

यीशु ये जवाब दिदू ", हे शैतान,मार कने ती जतोरे!परमेश्वर ने वचन में वू लोगा ने आदेश आले, खाली आपड़ा प्रभु परमेश्वर नी आराधना करों।परमेश्वर ने रूप में खाली वीनोस आदर करो।"

शैतान ये यीशु नी परीक्षा करी ने हार मान लिदी,अण हारु शैतान यीशु कने ती जातीरो। तब स्वर्गदूत ये आविने यीशु नी सेवा टहल करवा लागिया।