30. यीशु पांच हजार लोगा ने खावा नू खवाड़े है

यीशु ये आपड़ा प्रेरित ने प्रचार करवा हारु ओर लोगा ने शिक्षा आलवा हारु नराई दूसरा -दूसरा गांवा में मेलिया। जब वि पासा आया जहा यीशु थो।ते वणाये यीशु ने वतालियु के वणाये काई- काई करियु। तब यीशु वणाने झील ने दूसरा पाकती लई जाई ने थोड़ाक समय आराम करवा हारु किदु। और वि एक नाव पर सड़ी ने झील ने दूसरी पाकती जातीरा।

पणे वणी जगा नराई एवा लोग था। जणाये यीशु ने ओर विन चेला ने नाव में जाता हका देखीया। ई लोग झील ने दूसरा पाकती जावा हारु कनारे कनारे पर दोड दीदी।जब यीशु और वीना चेला पहुंचे तो लोगा नो मोटी भीड़ विनी पेला ती वाट देखी री थी।

वण भीड़ में लोगाईं ने ओर सोरा ने सोड़ी ने 5000 ती जादा आदमी था। यीशु ये वण लोंगा पर मोटो तरस खाई। यीशु हारु वी लोग वगर गुवाल हारका गाडरा ने समान था। अणहारु यीशु ये वणाने शिक्षा आली और वणाने वसमे जो बीमार था वणाने चंगाई आली।

दन ने अंत में, चेला ये यीशु ने किदु, " एवा देर थाई गई और कने मेरे कोई बि बाजार नी है। अण लोगा ने वदा करो केहकी वी जाई ने खावा नू काइक लईं ले।"

पणे यीशु यीशु ये किदु,"तनु वणाने खावा हारु काईक आल दो!"वणाये जवाब आलियों,"अमु एवू कतर करी सका है? अमाकने खाली पांच रोटा ने दो मछाली है।"

यीशु ये आपड़ा चेला ने किदु की वि लोगा नी भीड़ ने पचास -पचास ने समूह में बेहाड वानु के।

तब यीशु ये पाँच रोटा ने ओर दो माछली ने लइने स्वर्ग आड़ी देखीयु,ओर वण रोटा हारु परमेश्वर नू धन्यवाद कारियु।

फेर यीशु ये रोटा ने ओर माछाली ना टुकड़ा में तोडिया। वणे लोगा ने आल वा हारु आपड़ा चेला ने टुकड़ा आलिया। चेला वण रोटा ने ओर माछाली ने वाटता रीया, ओर वि सब लोग खाई ने तृप्त थाई गया।

विन बाद,चेला ये वण रोटा ना टुकड़ा ने भेगा कारिया जीने नी खादो थो और वू बारह टोपली भरवा ने बराबर थो। वी सब रोटा ने माछली वण पाँच रोटा ने दो माछली ती आयो थो।