31. येशु पाणी पर चाले है

पाँच हजार लोगा को खावा नू खवाड़ वा ने बाद,यीशु ये आपड़ा चेला ती नाव में जावा नू किदु।यीशु ये वणाने किदु तमु झील ने दूसरी पाकती जावा ने किदु फेरबी फेर बि थोड़ा क समय हारु विन भीड़ ने किदु की आपा आपने घरे जाओ। इन बाद,यीशु ये प्रार्थना करवा हारु एक डूंगर पर गयो ।ओर वू एकला थो,ओर वणे देर रात तक प्रार्थना करी।

वण समय,चेला आपड़ी नाव ने बेहिने जाई रा था, पणे वायरु वणाने विरुद्ध में आवी रु थू।रात नरी थाई गी थी वि खाली झील ने वसमे गया था।

वण समय यीशु ये प्रार्थना करणा बंद कर दिदा ओर आपड़ा चेला कने पासो जाणु आरंभ कारियु। वू नाव कने जावा हारु पाणी पर सालवा लागियो।

तब चेला ये विने देखियो। वी जबर डरी गया केहकी वणाये होसीयू की वू भूत है। यीशु जाणतो थो की वी डरी गया था,अणहारु यीशु ये वणाने हादी कई ने किदु,"बीयो मत, यो ऊ हु!"

तब पतरस ये यीशु ती किदु,"हे प्रभु, यदि तू है ते मने पाणी पर सालवा नो आदेश आल। "यीशु ये पतरस ती किदु,"आव!"

पतरस नाव पर ती नीचे उतरियो ओर यीशु कने जावा हारु पाणी सतह पर सालवा लागियो।पणे थोडेक सेटी जाई ने विनी आखें यीशु आड़ी ती फेर लिदी ओर जालक ने देखणुओर जोर ती आवती हकी वायरा ने महसूस करणू सरु करियु।

तब पतरस डरी गयो और पाणी में डुबवा लागियाे। वू गांगड़ियो,"हे प्रभु,मने वसाड!" यीशु ये वणी समय हात लाम्बो कारियो ओर विने हावी लिदो।तब पतरस ती किदु,"थारो विश्वास सपा सानिक है।तने सुरक्षित राखवा हारु ते मार पर विश्वास केहे नी राखियो ?

तब यीशु और पतरस नाव पर सडिया,ओर एकदम वायरू बंद थाई गयु। पाणी शान्त थाई गयु चेला सब चकित थाई गया ने यीशु आगे गौडा मांड दिदा।ओर वणाये वीनीआराधना करी और विनती किदु,"हाचीक तू परमेश्वर नो सोरों है।"