35. दयालु बाप नी कहानी

एक दन,,यीशु वणनराई लोगा ने शिक्षा आली रो थो जो वीने हामलवा हारु पेगा़ थाया था। ये लोग चुंगी लेवा वला ओर हाते दूसरा लोग भी था। जणाये मूसा नी व्यवस्था ने पालन करवा नी कोशिश नी करी थी।

कई नाक धार्मिक अगवा ये देखियू की यीशु अण लोगा हाते एक मित्र हरको वात करीरो थो। अणहारु वणाये एक दूसरा ती यो केणु आरंभ कारियु की वू गलत करिरो है। यीशु ये वणाने वाते करता हामलियू,अणहारूं यीशु ये वणाने यह कहानी वताली।

एक आदमी थो जीना दो सोरा था। छोटा सोरे आपडा बाप ने किदु,'हे बाप, मने मार हिस्सा चावे!' बाप ये आपड़ा दोई सोरा ने वसमे में संपति नो बटवारो कर दिदो।

वेगो वेगो छोटो सोरा विनू सब बेगू करी ने सेटी दूसरा देश में जातिरो ओर पापी जीवन जीवा में आपडू सब धन बर्बाद कर दिदू।"

इन बाद,जाह पर छोटो सोरो थो वण देश में एक जोरदार अकाल पड़ी गयो, और वीन कने रोटा मोल लेवा हरू धन नी थू अणहारूं वीने जो काम मालियू वू हूवर ने चरावणा था। वू एतरो दू: खी ओर भूखों थो की वू हूवर नू खावानू खावा चाहतों थो।

आखिरकार, वण छोटे सोरे खुद ती किदु ,' ऊ काई करीरो हूं?मार बाप ने सब सेवक कने खावानू खावा हारु नरूई है, फेर बि ऊ यहा भूखे मरिरो हूं। ऊ मार बाप कने पासों जाऊंगा और आपड़ा बाप नो एक सेवक वणवा हारु विनती करूंगा

वण छोटे सोरे पासो आपडा बाप ने घेर आड़ी जावणु सुरु कारियु। जबकि वू एवा सेटीस थो,विन बाप ये विने देखियों ओर वन पर तरस खादी।ओर वू दोडी ने आपड़ा सोरा कने गयो ओर विन गले मालियो और बोखो दीदो।

वण सोरे किदु,'हे बाप, मै परमेश्वर और थार विरूद में पापा कारियो है। ऊ थार पुत्र केवावा ने लायक नी हूं।'

पणे बाप ये आपड़ा सेवक ती किदु,एकदम जाई ने सबती हाऊ सितरू लई ने आवो और मार सोरा में पेरावो!विन आगली में वीटी पैरावो ओर विन पगा में कहाड़ा पेरावो ।फेर सबती हाऊ बछाड़ा मारो केहकी आपूं खावा और खुशी मनावा,केहकी मार सोरो मारी गयो थो, पणे एवा वु जीवतो है! वू खोवई गयो थो, पणे एवा आपाये विने पासों पावी लीदो है।

अणहारु लोगा ये खुशी मनावणी आरंभ करी। थोडक़ समय बीत वने बाद,मोटो सोरों खेत में ती काम करी ने धरे आयो वणे संगीत और नाच वा नी आवाज हामली ओर वू आचंभित थायो की काई थाई रु है।

जब मोटो सोरा ने मालूम थायूं की अणहारूं खुशी मानवीरा था। केहकी विन भाई आवी गयो थो, ते वू जबर क्रोधित थायो ओर घर में दाखिल नी थायो।विन बाप ये बारते आवीने विनती किदु आवी ने विन हाते खुशी मनाव यू किदु, पणे वणे ना कई दिदू।

वण मोटा सोरा ये आपड़ा पिता ती किदु,'इन सब वर में थार हारु निष्ठापूर्वक काम करियु !कदी भी थारी वात नी टाली, पणे ते मने एक छोटी बोकड़ी बी नी आली ताकि ऊ मार मित्र हाते दावत करी सकू। पणे थार अण सोरे थार धन ने पापी काम में बर्बाद कर दिदु है। और एवा जब वू आयो है ते विन हारु खुशी मनावा हारु सब ती हाऊ बोकड़ा ने मार दिदु।'

बाप ये जवाब आलियों, है मार सोरा, तू हर वखत मार हाते है, और जो कुछ मारू हे वू सब थारू हे पणे अमार हारु खुशी मनावणी सही है केहकी थारो भाई मरी गयो थो, पणे एवा वु जीवतो है वू खोवई गयो थो, पणे। आपाये विने पा वि लिदो है!