36. रूपान्तरण

एक दन,यीशु आपड़ा तीन चेला पतरस,याकुब,ओर यूहाना ने आपड़े हाते लीदा (युहना नाम नो चेलों वू नी हे जणे यीशु ने बपतिस्मा दीदो थो) वी प्रार्थना करवा हारु एक ऊंचे डूंगर पर गया।

जब यीशु प्रार्थना कर री रो थो ते विनो चेहरों दन हरको उज्जावलो थाई गयो। ओर वीना सितरा उजवाला हरका धोला थाई गया,जेवा पृथ्वी पर करी सके विनती जायदा धोला थाई गया।

तब मूसा ओर एलिय्यहा भविष्यवक्ता प्रकट थाया। ये आदमी अण पृथ्वी पर अण समय ती सैकड़ों वर पेला रेता था। वणा ये यीशु ती विनी मौत ने बारा में वात करी। केहकी वू शीघ्र ही येरूशलम में मरी जागा।

जब मूसा ओर एलिय्याह यीशु ती वात करी रा रहा था। तब पतरस ये यीशु ती किदु,"आपड़ हारु यो थावणु भला हे।तीन मंडपों को वणा वा,एक थार हारु,एक मूसा हारु,ओर एक एलिय्याह हारु।" पणे पतरस नी जाणतो थो की वी काई कई रा है।

जब पतरस वात करी रो थो,ते एक चमत्कार वादलू नीचे। आविने वणा पर छावि गयु।फेर वणा ये वादला में एक आवाज आवती हामली। वणे किदु ,"यो मारो सोरो है जिनती ऊ प्रेम करू हे। ऊ विनती खुश हू।विनी हामलो।"वि तीनों चेला डरी गया और जगा पर पड़ी गया।

तब यीशु ये विने छुआ ओर किदु, "डरो मति।उठी जाओ।"वणाये चारुई आड़ी देखीयु,ते जो भी वाह था वू खाली यीशु थो।

यीशु और वि तीन चेला वण डूंगर ती पासा नीचे आवी गया। तब यीशु ये वणाती किदु ,"एवा जोबि थायु विनी चर्चा किने बी नी करणी। ऊ एकदम ही मारी जाऊंगा और फेर जीवी जाऊंगा ।विन बाद,तनु लोगा ने कई दोजो।"