4. अब्राहम के साथ परमेश्वर की वाचा

बाढ़ ने गणाई वर बाद,संसार में नराई लोग रेता था।ओर वणाये फेर परमेश्वर ने विरोध में पाप करियों।कहकि वि सब एक हरिकी बोली बोलता था।अण हारु वी एक हाते पेघा थाया ओर संसार ने

बरवा ने परमेश्वर ना आदेश। नी मान्या ओर नगर बणायू। वी जबर घमंडी था। वणाने केवु जीवन जीवणु हैं इन बारां में वी परमेश्वर ने आदेश नी मानता था। यहां तक कि वणाये एक मीनार बणावणी चालु करी जो स्वर्ग तक जागा। परमेश्वर ये देखीयु अगर वि एक हाडे मिली जबर बुराई करेगा,तो वि घणाई पापी काम करें गा।

अण हारु परमेश्वर ये वणानी बोली ने नरी बोलीयो में बदली दि दि और वण लोका ने संसार में फैलाई दिदा । जण नगर ने वणायू थू। विन नगर नु नाम बाबेल थायु जीनु अर्थ है "गड़बड़ी"।

कई हो वर बाद, परमेश्वर ये अब्राहम नाम ना एक मनखा ती वात करी। परमेश्वर ये विनती किदू, थार देश ओर परिवार ने छोड़ी ने वण देश में जा जो ऊ तने देखाडू गा। ऊ तने आशीष आलूंगा ओर तने बडी जात बनाऊं गा ऊ थारू नाम महान करूंगा। जो तने आशीष आले विने ऊ आशीष आलूंगा, ओर जो तने हराप दे वीने ऊ हारप दूंगा। थार कारण जगा न सब कुल आशीष पावेगा।"

अत अब्राहम ये परमेश्वर नी वात मानी। वणे वीना सेवक ने और विनी लोगई ने और सारी धन दोलत लइनें ओर वण देश में जातिरो जो देश परमेश्वर ये विने देखाड़ीयू थू। जब अब्राम कनान पहुछो ते परमेश्वर ये विने किदु,"थारे चारुई आडी देख ले।ऊं यो पुरु देश आलुगा ओर थार वंशज इन पर हमेशा इन पर अधिकार राखे गा।"तब अब्राहम वण देश में बसी गयो।

मलीकिसिद्क नाम नो एक आदमी थो जो मोटो परमेश्वर नो याजक थो एक दन अब्राहम युद्ध करी ने आवी रोथो ते वू ने अब्राहम दोइ भेगा थाया। मलीकिसिदक ये अब्राहम ने आशीष आली और किदू " मोटो परमेश्वर जो हरग नो ने जगा नो स्वामी है वू तने आशीष आले। " फेर अब्राहम नी युद्ध में जीत थाई सब चिजा नू दशमांश मलीकिसीदक ने आलियू।

नरा ( वर)साल थायजा,पणे अब्राहम और सारै नो कोई भी छोरो नी थो। परमेश्वर ये अब्राहम ती वात करी और फेर ती वायदो करीयो वीने एक छोरो था गा और जेवा हरग में तारा हे एवास वीने वंशज थागा। अब्राहम ये परमेश्वर पर विश्वास करियू।परमेश्वर ये ऐलान करियु की अब्राहम एक धर्मी आदमी थो। केहकी वणे परमेश्वर ने वायदा पर विश्वास करियु थू।

तब परमेश्वर ये अब्राहम ती एक वाचा बांधी। समान्य रूप ती, एक वाचा दो दल ने वसमे एक दूसरा ने काम करवा पर हमजोतो था है। परमेश्वर ये अब्राहम ती ये प्रतिज्ञा तब कीदी थी जब अब्राहम हुतो थो। पणे फेर बी वू प्रमेश्वर ने हामल तो थो

परमेश्वर ये किदू,"ऊ तने थार शरीर ती पैदा करीने तने एक सोरो आलूँगा। ऊ थारा वंशज ने यो कनान देश आलूगा।"पणे अब्राहम ने जवाब बि सोरों नी थो।