5. प्रतिजा नो सोरों

अब्राहम और सारे ने कनान मेंआवा ने दस वर बाद, एवा तक वणाने कोई सोरु नी थो। अण हारु अब्राहम नी लोगई ये विने किदू, केहकी परमेश्वर ये एवा तक मने सोरू पैदा करवानी थाखत नी आली हे। ओर एवा ऊ सौरू पैदा करवा हारु डोकरी थायगी, देख मारी दासी हाजिरा याह हेली ही है । तू विनती पईणीजा । वे मन हारूं सोरू पेदा करि सके।

अतः अब्राहम हाजिरा ती पईणीजो। हाजिरा ये एक सोरों पैदा कारियो, और अब्राहम ये वीनू नाम इशमाएल राखियू।पणे हाजिरा विन पर रिहय बलवा लागी । जदी इशमाइल तेरा वर नो थो, परमेश्वर ये फेर अब्राहम ती वात करी।

परमेश्वर ये किदू," ऊ सर्व शक्तिमान परमेश्वर हू। ऊ थार हाते एक वाचा बाधुंगा। " तब अब्राहम जगा पर पड़ी ने पेग लागियों।परमेश्वर ये अब्राहम ती यू बि किदू " तू सब जात नो बॉ केवागा ऊ तने ओर थारे सोरा सोरी नी खुद नी जगा ओवा हारु कनान देश आलूंगा ऊ थार सोरा सोरी नो परमेश्वर केवाऊंगा तने थार सब घरवाला ने आदमी ने खतना करावजे।

थार लोगाई सारे एक सोरों पैदा करेगा _ वू प्रतिज्ञा नो सोरों केवागा। वीनू नाम इसाहक राखजे । ऊ विन हाते मारी वाचा ने बणाय राखू गा। ओर वू एक मोटी जात बणाउगा । ऊ इशमाल ने बि बड़ी जात बणाउगा, पणे मारी वाचा इसहाक ने हाते रेगा।तब परमेश्वर ये अब्राम नू नाम बदली ने अब्राहम कर दिदू। जीनू अर्थ है " गणानो बा"। परमेश्वर ये सारे नू नाम बदली ने सारा कर दिदू जीनू अर्थ है "मूलमाता"।

वण दन अब्राहम ये विन घरमे सब आदमी नो खतना करायो। लग भग एक वर बाद, जब अब्राहम 100 वर नो थायो थो। ओर सारा 90 वर नी थाई। तब सारा ये अब्राहम ने सोरा ने पैदा करियो जतर परमेश्वर ये वणाने किदू थू वणाये वीनू नाम इसाहक राखियू।

जब इसहाक जवान थायो ते परमेश्वर ये अब्राहम ने विश्वास नी परिक्षा लिदी, "थार एकुस सोरा ने ले,ओर विने मन हारु बली ने रूप में मारीदे।" फेर ती अब्राहम ये परमेश्वर नी वात मानी ली और विन सोरा ने बली आल वा हारु तियार कारियो।

जब अब्राहम और ईसाहक बली देवा ने जगा आड़ी जावा लागिया ते इसाहक ये पुछूं, हे दादा,आपाये बली हारु लाखड़ा ते लीदा, पणे बली देवा हारु मेमना का हे ? "अब्राहम ये किदू," है मार सोरा परमेश्वर बली देवा हारु मेमना नो प्रबंध करेगा।"

जब वि बली देवा ने जगा पर जातिरा, ते अब्राहम ये इसाहक ने बांधी ने वेदी पर हुवाड दीदो। वू विन सोरा ने मारवा पर थो की परमेश्वर ये किदू, "उबो रई जा सोरा ने काई मत कर। एवा ऊ जाणी जो है की तू मार बिक राखे है केहकी ते थार एक लाडला सोरा ने बि मानती वचाडी ने नी राखियो।"

कनेस अब्राहम ये एक गाडरा ने देखीयु वु रुखड़ी में फसेलु थू। इसहाक ने बदला में परमेश्वर ये गाडरा नो बंदोवस्त कारियो थो। अब्राहम ये खुशी खुशी बली सडायो।

तब परमेश्वर ये अब्राहम ती किदू, " केहकी तू मने सब आलवाने इच्छुक थो। याह तक थारो एक सोरों बि। अण हारु ऊं तने आशीष आलवानी प्रतिज्ञा करू। केहकी ते मारी आज्ञा ने मानी हे थार सोरा सोरी आकाश ना तारा ती बि जायदा ओवेगा।केहकी ते मारी आज्ञा ने मानी हे। अण हारु ऊं थारा परिवार ने द्वारा सब कुल ने आशीष आलूंगा। "