6. प्रमेशवर इसहाक हारु प्रबंध करे है

जब अब्राहम घनो डायो थाई गियो थो तब विनो बेटो इसहाक,एक आदमी नी उमर नो थाई गियो थो अनी हारू अब्राहम ये आपडा एक सेवक ने आपडा बेटा इसहाक ने हारु वण देश ती एक लोगई लावा ने हारु मेलिया जहा विना रिश्तेदार रेता था।

जहा अब्राहम ना रिश्तेदार रेता था वण देश मा जावा नी एक मोटी लांबी यात्रा ने बाद परमेश्वर ये वण सेवक नी साक्षात्कार मुलाक़ात रीबका ती करावि। वे अब्राहम ने भाई नी पोती थी।

रीबका आपडा परिवार ने सोड़िं ने वण सेवक ने हाते जावा हारु मानी गई। जैसे ही वी पोसीया इसहाक विनती पाईणीजो।

एक घना समय बाद, अब्राहम मरी गियों। तरा परमेश्वर ये अब्राहम ना बेटा इसहाक ने अब्राहम ने हाते बांधी गई वाचा नी वजह ती आशीष।आली। वण वाचा में परमेश्वर नी एक प्रतिज्ञा थी कि अब्राहम ना अनगिनत वंशज होगा। पन इसहाक नी पत्नी रिबका ने सोरों पैदा नी थाया।

इसहाक ये रीबका ने हारु दुवा करी। और परमेश्वर ये विने जुड़वा सोरा नो गरभ धारण करवा में सफल करिया। जन समय वी सोरा रीबका ने गरभ मा ही था वी आपस मे लड़वा लागिया, अन हारु जो काई थाई रियू थू रीबका ये वू परमेश्वर ने वताल दिदू।

परमेश्वर ये रीबका ती किदू, तू दो बेटा ने जनम देगी। वनानो वंशज दो अलग अलग जातियां वनेगी।वी एक दूसरा ती लड़ेगा। पन मोटा बेटा ती पैदा होवा वली जाती ने सोटा बेटा ती आवा वली जाती नी आज्ञा मानवी पड़ेगा।

जब रीबका ने सोरा नो जनम थायो, तो मोटो बेटो लाल और जोरदार थो, और वणा ये विनू नाम एसाव रखियू। तरा छोटा बेटा एसाव नी एडी ने हावियो थको जनमियू, और वण। ये वीनू नाम याकूब राखियू।