7. परमेश्वर याकूब ने आशीष आलता हे

जब वि सोरा मोटा थायातो याकूब ने घरे रेणु हाऊ लगियू, पणे एसाव ने जनावर नो शिकार करनू हाव लगियू। रिबिका ये याकूब ती स्नेह करियु, पणे ईसाहक ये एसावा ती प्रीति राखी।

एक दन, जब एसवा शिकार करीने पासो आयो ते जबर बुखो थायो थो एसाव ये याकूब ने किदु,"जो ते बणायु हे विनमे ती थोडुक मने आल दे।" याकूब ने जवाब आलियो," पेला मनती ये प्रतिज्ञा कर की मोटो आवा ने कारण ती सब चीज जो तने मलनी चाहिए वि सब तू मने आल देगा।"अतः एसाव ये सब चीज याकूब ने आल वाणी प्रतिज्ञा करी। तब याकूब ने विने थोडूक खावानू आलीयु।

ईसाहक एसाव ने आशीष आल नू चाहतो थो पणे इन पेला की वणे एवू करियु, रीबिका नेओर याकूब ने याकूब नो एसाव ओवा नो ढोंग करियों ने विन हाडे धोको कारियो। इसाहक डोकरो थो और अब देखी नी सकतो थो। जण हारु याकूब ये एसाव ना सित्रा परियां ओर भोकडी नू खाल्दी बांध लोदी गला और हाता में फोती लीदु।

याकूब इसहाक कने आयो और किदू,"मैं एसाव हू।में अण हारुआयो की तमु मने आशीष आलो। " जब इसहाक ने बोकडी ना रूंगा हमालिया और सित्रा ने हुंगिया, तो वणे होसियु की यो एसाव है यू करी ने विने आशीष आली।

एसाव ये याकूब ती ईर्ष्या की केहकि याकूब ये विने पेलखा सोरा नो अधिकार ओर हाते हाते विनी आशीष ने बि सोरी कर लीदी थी। अतः वने विन बा ने मरवाने बाद में याकूब ने मारवा नी योजना बाणावी।

पढ़ें रिबिका ये एसाव नी योजना हामली लीदी। अण हारु वाणी ये और ईसाहक ये याकुब ने वीना रिश्तेदार मा मेल दीदो।

याकूब कई वर तक रिबिका ने परिवार में रेहतो थो विन समय में वू पईणीयो ओर बारह सोरा ने एक सोरी पैदा करी।परमेश्वर ये वीने जबर धनी बाणायो।

विस वर तक कनान में विन घर ती सेटी रिओ,बाद में याकूब विन परिवार,विन सेवक,ओर विन जनावर नो पूरो टोलों ने हाते पासो आवती रो।

याकूब अन हारु डरीजो थो केहाकी वणे होसियू की एवा एसाव एवा बि मार डालवा करे है अन हारु वने विन उपहार स्वरूप जानवर नो टोलों मेलियों। जो सेवक वण झुंड लई गया था वणा ये किदु,"थार दास याकूब ये, एन जनावर ने तने आले हे। वू वेगो आवीरो हे।"

पणे एसाव अब याकूब ने नुकसान नी देनो चाहतों थो। इनके बजाय, वू विन देखी ने जबर राजी थायों। विन बाद याकूब राजी थाई ने कनान में रियो।फेर ईसाहक मारी गयो और याकूब ये ने एसाव ये विने गाडियों।वाचा नी प्रतिज्ञा जो परमेश्वर ये अब्राहम ती कीदी थी वे इसहाक ती याकूब पर आवी गई।