8. परमेश्वर यूसुफ और विन परिवार ने वसाडे है

गणाई वर ने बाद, जब याकुब डोकरो थाई गयो, तो वणे वीने लाडला सोरा ने वीना भाई नी जांच करवा हारु मेलियो जो जनावर ना टोला नी रखवाली करी रा था।।

यूसुफ ना भाई विनती ईर्ष्या करता था। केहकी विनो दादो विनती जायदा प्रेम करतो थो। ओर अन हारु बि की यूसुफ ये हपनु देखीयू थू। ओर वू वणानो शासक थाई जा गा। जब यूसुफ वीना भाईया कने आयो ते वीने वाणाये बंधक बणाई लिदो।ओर विन दासों नू व्यापार करवा वला ने वैसी दीदो।

धर पासा लोट वा ने पेला यूसुफ ना भाईया ये यूसुफ ना सित्रा ने फाड़ी ने बोकडी ने लोई वला कारिया। फेर वि सित्रा विन बा ने आलिया। ताकि वु यू होसे की कणेक जंगली जनावर ये यूसुफ ने मारी दिदो है। याकुब जबर उदास थायो थो।

दासों ना व्यापार करवा वला वि लोग यूसुफ ने मिस्र लई जा।नील नदी ने कनारे बसे लू यो देश मोटू और जबर शक्तिशाली देश थू।वण व्यापरी ने यूसुफ ने एक सरकारी अधिकारी ने वेसी दीदो। यूसुफ ये विन स्वामी नी हाऊ सेवा करी और परमेश्वर ये यूसुफ ने आशीष आली।

विन स्वामी नी लुगाई ये यूसुफ कने हुआ नी कोशिश करी,पणे यूसुफ ये अण रीति ती परमेश्वर ने विरुद्ध में पाप नी करियों।

वह रिह में आविगी ओर यूसुफ पर झूठा आरोप लगाड़ दीदो,अन हारु यूसुफ ने गिरफ्तार करी लिदो ओर जेल खाना में मेल दिदो। यहा तक बि यूसुफ जेलखाना में बि परमेश्वर ने प्रति सच्चो रियो।ओर परमेश्वर ये विने आशीष आली।

दो वर बाद,यूसुफ एवा बि जेलखाना में थो,भलाई वो निर्दोष थो।एक रात, फिरोन,जेवा की मिस्री लोग वणान राजा ने पुकारता था, ने दो हपनू देखियु ओर वीने जबर गबराई दीदो। वीना कोई बि सलाहकार विने वण सपना नो अर्थ नी वातली सकिया

परमेश्वर ये यूसुफ ने विन हपना नो अर्थ बतावा नी क्षमता आली थी। एन हारु फिरोन ये यूसुफ ने विन कने तेडायो।यूसुफ ये फिरोन ने हपना नो अर्थ वतायो," परमेश्वर भरपुरी नी फसलों वलो सात वर बाद अकाल आवा वालो हे।"

फिरोन यूसुफ से एतरो प्रभावित थायो की विने मिस्र देश नो दुसरो सब ती मोटो सक्ति शाली पुरुष नियुक्त कर दीदो।

यूसुफ ये लोगा ने हाऊ फसल हात वर तक जायदा दान बेगू करवा नू किदु। हात वर में अकाल आयो तब यूसुफ ये मनखा ने आखावु वेसियु केहली वीना कने खावा हारु दान हो।

वू अकाल खाली मिस्र में नी, पणे कनान में बि थो। जहा याकुब और विनो परिवार रेतो थो। अण हारु याकुब ये विन मोटा सोरा ने दान मोल लेवा मिस्र में मेलिया।जब वि दान मोल लेवा हारु मिस्र में गया तो यूसुफ ये ओलखी लीदा।

यो मालूम करवा हारु की काई बि बदली ते नी गया हे यूसुफ ये वणानी जॉच करी। यूसुफ ये वणाने किदु," ऊ तमारो भाई यूसुफ हू। बियो मति। जब तमाये मने दास ने रूप में वेस दिदो थो। तो तमाये बूरू करवानी ठानी थी।, पणे परमेश्वर ये बुराई ने भलाई मैं उपयोग करीयु।

जब यूसुफ ना भाई घरे पासा आया और याकुब ने बतायु की यूसुफ एवा बि जिवतो ही।तो वू जबर राजी थयो।

हालाकि याकुब एक डोकरो व्यक्ति थो तो बि विन परिवार हाते मिस्र में गयो, और वि वास रेवा लागियां वणे वीं सब सोरा ने आशिषित करिया।

वाचा नी वे प्रतिज्ञा जो परमेश्वर ये अब्राहम ती बांदी थी वे ईसाहक पर ओर विन बाद में याकुब पर ओर विन बाद विन बारह सोरा पर ओर वणाने परिवार पर आविगी। विना बारह सोरा ईसरायल ना बारह गोत्र बनी गया