44. पतरस ओर युहना भिखारी ने चंगा करे है

एक दन, पतरस ओर युहना मंदिर में गया। एक अपंग आदमी भीख मांगवा हारु फाटक पर बैठे लो थो।

पतरस ये वण लंगडा आदमी आदि देखी ने ओर किदु,"मार कने तने आल वा हारु पैसा कोई नी है। पणे जो मन कने हैऊ तने आलू है। यीशु नेनाम ती उठ ओर चाल फेर।"

पणे ही,परमेश्वर ये वण लंगड़ा आदमी ने चंगा कारियो। वणे आईआड़ी ने वई आड़ी चालनु और कुदणू, और परमेश्वर नी स्तुति करणु सुरु कारियु। मंदिर में आंगना में जो लोग था वी सब अचंभित थाई गया था।

एकदम ही लोगा नी एक भीड़ वणआदमी ने देखवा आवी जो चंगा थाई गयो थो। पतरस ये वणा ने किदु ," यो आदमी ठिक हे, पणे अणवात पर अचंभित नी थावनू । अमाए विने आपड़ी ताख़त ती चंगा नी कारियो हे, या अणहारु नी की अमु परमेश्वर नो आदर करा है, वू यीशु है j

वू तमुस ही हो जणाये वण रोमी राज्यपाल को यीशु ने मार देवा हारु किदु थू। तमाये वीने मार दीदो जो सबा ने जीवन आले हे। पणे परमेश्वर ये वीने मरेला में ती जीवाड़ दीदो। तमु नी हमझिया की तमू यो काई करीरा था। पणे तमु जब वू काम करीर था। ते जो भविष्यवक्ता ये किदु थू वू पुरु थाई गयू। वणाये किदु थू मसीह दुःख उठावेगा और मरी जागा। परमेश्वर ये इने अण तरीका ती ओवा दिदू। अणहारु एवा, पश्चाताप करो और परमेश्वर आड़ी फरो,ताकि तमारे पाप ने धोइने साफ कर दे।

जब मंदिर ने आगुवा ये पतरस ओर युहना ने हामालियु, ते वी जबर घबराई गया। अणहारु वणाये पतरस और युहना ने गिरफ्तार करी ने जेल खाना में दड़ दीदा। पणे जो पतरस ये किदु विन पर नराई लोगा ये विश्वास करवा वला नी संख्या बड़ी ने लगभग 5000 थाई गई।

आगले दन, वी यहूदी अगुवा पतरस और युहना ने महायाक और दूसरा धार्मिक अगुवा ने कने लई आया। वि वण आदमी ने भी लई ने आया को अपंग थो। वणाये पतरस ओर युहना ती पुछूं "कणअधिकार ती तमाये वण अपंग आदमी ने चंगा कारियो?"

पतरस ये जवाब आलियों,"यो आदमी जो तमारे हमे ऊबो है। तमाये यीशु ने क्रूस पर चढ़ाई दीदो, पणे परमेश्वर ये वीने फेर ती जीवाड दीदो! तमाये विने अस्वीकार कर दीदो, पणे यीशु नी सामर्थ ने माध्यम ने अलावा उद्धार पावा नो कोई दुसरो मार्ग नी है!"

वि अगुवा हैरान था की पतरस ओर युहना ये जबर साहसी रूप ती वात की थी वणाये देखीयु की यि साधारण आदमी था जो की अनपढ़ आदमी था पणे फेर वणाने याद आया की यि आदमी यीशु हाते रिया था अणहारु वणाये पतरस ओर युहुना ती किदु,"अमु तमाने नरोई दंड आलंगा यदि तमु अण आदमी यीशु ने बारा में लोगा ने कोई संदेश दोगा ते।"एवी नरी वात केवा ने बाद, वणाये पतरस और यहूना ने जावा दिदा।