45. स्तिफनुस ओर फिलिप्स

प्रथम मसीह अगुवा ने वसमे में स्तिफनुस नाम नो एक आदमी थो। सब लोग विनो आदर कर ता था। पवित्र आत्मा ये विने जबर समर्थ और बुद्धि आली थी। स्तिफनुस ये नराई चमत्कार कारिया था जब वणे यीशु पर भरोसा करवा ने बारा में वणाने शिक्षा आली ते नराई लोगा ये विन पर विश्वास कारियो।

एक दन, स्तिफनुस यीशु ने बारा में शिक्षा आलीरो थो,ओर थोडाक यहूदी लोग आया जणायेयीशु मसीह पर विश्वास नही कारियु थू ओर विन हाते वाद विवाद करवा सुरु कारिया। वि जबर रिह में आवी गया, अणहारु वी धार्मिक अगुवा कने गया और विन बारा में झूठ बोलिया। वणाये किदु , " अमाये स्तिफनुस ने मूसा और परमेश्वर ने बारा में बुरी वाते केता हामलीयो है!" अणहारु धार्मिक अगुवा ये स्तिफनुस ने गिरफ्तार कर लिदो और वीने महायाज ओर यहूदियों ना दूसरा धार्मिक अगुवा हामें लई गया और भी झूठा गवाह लाया और वणाये स्तिफनुस ने बारा में झूठ बोलिया।

महायाजक ये स्तिफनुस ती पुछूं,"काई यि लोग थार बारा में हासीक कई रा हे ?"स्तिफनुस ये महायाजक ने जवाब आलवा हारु नरी वात करणी सुरु करी। वणे किदु की अब्राहम ने समय ती यीशु ना समय तक परमेश्वर ये इजराइल न लोगा हारु नराई अनोखा काम कारिया है। पणे लोगा ये हमेशा परमेश्वर नी आज्ञा ने नी मानी थी। स्तिफनुस ये कीदु ,"तमु लोग परमेश्वर ने विरुद हठीला और बलवा करवा वला लोग हो,"तमाये हमेशा पवित्र आत्मा ने अस्वीकार कारियु हे और हमेशा वणाने भविष्यवक्ता ने मार दीदा है। पणे जो भी वणाये कारियु थू वणानी तुलना में तमाये और भी बुरु करियु हे! तमाये मसीह ने मार दीदो!"

जब धार्मिक अगुवा ये यो हामलियू,ते वी एतरा रिह में थाई गया की वणाये आपड़ा कांदडा ने बंद कर लीदा और ऊंची आवाज में गागड़िया।वी स्तिफनुस ने किहडी ने नगर ती बारते लई गया और विन मारवा हारु विने पगड वाया।

जब स्तिफनुस मारी रो थो, वू पुकारी उठियों,"हे यीशु, मारी आत्मा ने ग्रहण कर!" तब वू आपड़ा गोडा पर गरी पडियो और फेर ती पुकार उठियाे,"हे प्रभु, यो पाप वणा पर मत लगाड़ जो।" तब वू मारी गयो।

वण दन, येरुशलम में रेवा वला नराईं लोगा ये यीशु ने अनुयायियों ना सताना सुरु कर दिदू। अणहारु विश्वासी लोग अन्य जगा में नाही गया। पणे इन बाद भी, जा बि वि गया वणाये यीशु ने बारा में प्रचार कारियु।

फिलिप्पुस नाम नो यीशु नो एक विश्वासी थो। जेवू की अन्य दूसरा विश्वाशियो ये करियु थू वू भी येरूशलम में ती नाही गयो थो। वू सामरिया क्षेत्र में जातिरो थो। वहा वणे यीशु ने बारा में प्रचार कारियो। नराई लोग ये विन पर विश्वास करी ने उद्धार पायु । एक दन, फिलिप्पुस कने परमेश्वर आड़ी ती एक हरगदूत आयो और विन जंगल में जावा नू किदु,ओर एक वाट पर चालवा नू किदु। फिलोप्पुस वहा जातिरो । जब वू वण वाट पर चालीरो थो,ते वणे एक आदमी ने वाट पर रथ पर जाता देखियो। यो आदमी कुश देश नो एक महत्वपूर्ण आधिकारी थो।पवित्र आत्मा ये फिलिप्पुस ती किदु जाई ने वणआदमी ने हाते-हाते चाल।

अणहारु फिलिप्पूस रथ कने गयो। वणे हामलियु की कुशी परमेश्वर नू वचन बणी रो थो।जो यशायाह भविष्यदत्ता ये लिखीयु थू वू विने बणी रो थो। वू बणी रो थो , वी विने वध करवा हारु गाडरु ने लई जा ओर जेवू एक गाडरु सानुसप रहे है,

वणे एक भी शब्द नीं किदु। वणाये वीन हाते अनुचित व्यवहार कारियो ओर विनो आदर नी करियों। वणाये विना प्राण लई लीदा।" फिलिप्पुस ये वण कुशी ती पुछियु,"जो तू बणी रो है काई तू इने हमजे भी ही?"वण कुशी ये जवाब आलियों,"नी। जब तक मने कोई हमजाडे, तब तक ऊ नी हमजी सकू। कार्पिया करी ने मन कने आविने बहिजा। यशायाह आपडा में लिखी रो थो कि किनी और नी?"८

फिलिप्पुस रथ पर चढ़ी ने बही गयो। तब वणे वण कुशी आदमी ने वू वतालियु जो यशायाह ये यीशु ने बारा में लिखे लु थू। फिलिप्पुस ये परमेश्वर ना वचन ना दूसरा नराई भाग नी चर्चा करी। अण तर ती, फिलिप्पुसा ये वण आदमी यीशु ने बारा में शुभ संदेश हमलायो।

फिलिप्पुस ओर वू कुशी चालता हका पाणी कने आया। वण कुशी ये किदु,"देख! याह पाणी हे! काई ऊ बपतिस्मा लई लु ?"और वणे सारथी ती रथ रोकवा नू किदु।

अतः वी पाणी में जतिरा,ओर फिलिप्पुस ये विन कुशी ने बपतिस्मा आलियों जब वी पानी ती बारते आया, ते पवित्र आत्मा एकदम ही फिलिप्पस ने तोकीने कणा दूसरी जगा में लई गया। वाह फिलिप्पुस ये लोगा ने यीशु ने बारा में वतालनू जारी राखियु।

वू कुशी आपडा घर नी यात्रा पर आगे बड़ी गयो। वू खुश थो की वू यीशु ने जाणतो थो