46. पौलुस मसीह विश्वासी वणी जा हे

शाऊल नाम नो एक आदमी थो। जणे यीशु पर विश्वास नी कारियो थो। जब वू मोटियार थो,तब वणे स्तिफनुस ने मारवा वला लोगा ना सितरा था। वणे येरुशलम में धरे -धरे जाई ने आदमी और लुगाई दोया ने गिरफ्तार करी ने जेल में दड़ दीदा था। तब महायाजक ये शाऊल ने दमिश्क नगर में जावा नी अनुमति आली। वणे वाना मसीह विश्वासीयो ने गिरफ्तार करी ने वणाने पासा यरूशेलम में लई ने आव शाऊल ने किदु।

अतः शाऊल ये दमिश्क जावा नी यात्रा सुरु करी। वण नगर में जावा ने पेला, विन चारूई आड़ी हरग में इंजवालु थाईयू , और वू जगा पर पड़ी गयो। शाउल ये किनेक यो केता हामलियू , "हे शाऊल! हे शाउल!तू मने काई हारु सता वीरो हे ?" शाऊल ये पुछूं, हे प्रभु,तू कूण हे ?"यीशु ये विने जवाब आलियों,"ऊ यीशु हे। तू मने सता वीरो हे!"

जब शाऊल उठाईयो ते वू देखि नी सकिरो थो। विन मित्र वीने दमिश्क में लई ने गया था। शाऊल ये तीन दन तक काई भी नी खायू पीयू थू।

दमिश्क मे हानन्याह नाम नो एक चेलों थो।परमेश्वर ये विने किदु,"वण घर में जा जिनमे शाऊल रूकेलो हे । थार हात विन पर मेल केहकी वू फेर ती देखावां लागे।"पणे हनन्याह ये किदु "हे प्रभू, में हामलियु है की अण आदमी ये विश्वासी ने केवा चताया हे।" परमेश्वर ये जवाब आलियों,"जा!में विने यहूदियों ओर दूसरी जातियों में मार नाम नी घोषणा करवा हारु चुन लिदो हे। वु मार नाम ने कारण नराई कष्ट सहेगा।"

अतः हनन्याह शाऊल कने गया, आपड़ा हात विन पर मेलियो,ओर किदु,"यीशु ये,जो आवा में थार मार्ग में प्रकट थायो थो,मने थार कने मेलियो है ।केहकी तू फेर देखवा लागे, और पवित्र आत्मा तने भरी दे।"एकदम ही शाऊल फेर ती देखवा में सक्षम थायो, और हनन्याह ये विने बपतिस्मा आलियों। तब शाऊल ये खावा नू खादू ओर फेर ती बलवत थायो।

तब ती, शाउल दमिश्क में रेवा वला यहूदियों में प्रचार करणो सुरु कारियो। वणे किदु,"यीशु ही परमेश्वर नो सोरो है!"यहूदी लोग अचंभित था,केहकी शाऊल ये तो विश्वासी ने मार देवा नी कोशिश करी थी, पणे एवा वणे यीशु। में विश्वास कारियो है शाऊल ये यहुदियो ती वाद - विवाद कारियो। वणे देखाडीयू की यीशु ही मसीह था।

नराई दन बाद, यहूदियों ये शाउल ने मार देवा नी योजना वणावी है। वणाये शाउल ने मारवा हारु नगर ने बाइणे लोगा ने मीलिया।विन पर नजर राखे पणे शाऊल ये वणानी योजना ने हामली लिदी थी, और विन मित्र ये वसीने नहावा हारु मदद करी।एक रात में वणाये शाउल ने टोपला में बेहाड़ी ने नगर ने दीवाल ती नीचे उतार दीदो। दमिश्क ती वसीने ने निकल वा ने बाद शाऊल ये यीशु ने बारा में प्रचार करणू सुरु कारियु जारी राखियु

शाउल प्रेरित ती मलवा हारु येरुशलम गयो, पणे वीशाऊल ती डरता था। तब बरनबास नाम नो एक विश्वासी शाऊल ने प्रेरिता कने लई गयो। बरनबास ये प्रेरित ने किदु की शाउल ये कतर साहसी थाई ने दमिश्क में प्रचार कारिया था विन बाद प्रेरित ये शाऊल ने स्वीकार कारियो।

थोडाक विश्वासी जो येरूशलम में सताव ने कारण सेटी अंतकिया नगर में जतिरा थो और यीशु ने बारा में प्रचार करता था। अंताकिया में रवा वला जायदा लोग यहूदी था। पणे पेली दाण मे,वणा में ती नराई लोग विश्वासी बणी गया। बारनबास और शाउल इन नवा विश्वासयो ने यीशु ने बारा में और जादा हिकाड़ वा हारु गया वि वाह गया और मण्डली ने मजबूत कारियु यीशु पर विश्वास करवा वला पेलखी दाण मसीह केवाणा

एक दन, अंताकिया में मसीह लोग उपवास प्रार्थना करी री रा था।पवित्र आत्मा ये विनती किदु,"मार हारु बरनबास ओर शाऊल ने वण काम ने करवा हारु जीने करवा हारु में वणाने तेडिया हे ।"अणहारु अंताकियां नी मण्डली ये बरनबास ओर शाऊल हारु प्रार्थना करी और वणा पर आपड़ा हात मेलिया तब वणाये वणाने अन्य नरी जगा में यीशु ने बारा में शुभ संदेश प्रचार करवा हारु मीलिया। बरनबास ओर शाउल ये दुसरी -दूसरी जात ना लोगा ने शिक्षा आली, और नराई लोगा ये यीशु में विश्वास कारियो।