17. दाउद संगे परबुर किरिया

शाउल इस्राएलर पोयला राजा रेउआय। हाय डेंग आउरी सुंदर रेउआय, जसन हाय मन चायते रहुआत एकदम असनिच रेउआय। मांतर पाचे हाय गोटक दुष्ट माने बनी जाउआय जोन परबुर गोट मनके ना मानुआय, एकाचे परबु गोटक दूसरा माने के चुनुआय जोन गोटक दिन हातार जागा ने राजा बनसी।

परबु दाउ द नाम मर गोटक जुआन इस्राएली माने के डगरी करी गोटक दिन शाउ लर जगा ताने राजा होयबा काचे तियार करबार सुरु करुआय। दाउ दबेतलहम नगरर गोटक धोरी रेउआय। कई बेरा, दाउ द सेर आउरी भालू दुनो के मारी रेउआय कायआचे कि दाउदर राका करबादाय हातार बुआर मेंडा ताने हाय मन हमला करी रेउआत। दाउ दगोटक सीधा साधा आउरी धरमी माने रेउआय। हाय परबु उपरे भरोसा करूआय आउरी हातार बात मन ले मानुआय।

जड़क दाय दाउ द जुआन मानेच रेउआय, हाय डेंगा – चोड़ा गोलिअतर विरुद्ध लड़ाई करूआय। गोलियत गोटक अच्छा सैनिक रेउआय। हाय खुबे मजबूत आउरी लगभग तीन मीटर डेंगा रेउआय! मांतर परबु गोलियत के मारबा ने आउरी इस्राएल के बाचायबा ने दाउदर मदद करूआय। एतार पाचे, दाउ द इसरायली मनर दुसमन ताने कई बार विजय प्राप्त करुआय। दाउ दगोटक बड़े सैनिक बनी जाउ आय, आउरी खुबे युद्ध ताने इसरायली मनर अगुआई करुआय। लोक मन हातार खुबे प्रसंसा करुआत।

लोक मन दाउ द ले अतक मया करुआत कि शाउल हातार ले कुचर होयके मुराउआय। आखरी ने शाउल हाके मारी देबार चाहते रेउआय, एकाचे दाउ द हातार ले आउरी हातार सैनिक मन ले लुकबा काचे झारे पराउ आय। गोटक दिने, जेबे शाउल आउरी हातार सैनिक मन दाउ द के डगराय ते रेलाय तो शाउल गोटक गुफा ने जाउ आय। एटा हाई गुफा रेउआय जोन ताने दाउ द लुकी रेउआय, मांतरशाउल हाके ना दखुआय। दाउ द शाउलर पीटी बाटे हातार लगे जाउ आय आउरी हातार फोटी के गोटक गोंदा काटी देउआय। पाचे, शाउल हाय गुफा ले निकलू आय तो दाउ द हाके हागदि करी हाय धरेला बीती फोटीर गोंदा के दखाउ आय। ए रीती ले, शाउल जानी जाउ आय कि दाउ द राजा बनबा काचे हाके मारी देबा ले मना करी दि रेउआय।

खिनिक मा समयर पाचे शाउल युद्ध ने मोरी जाउ आय, आउरी दाउ द इस्राएलर राजा बनी जाउआय। हाय गोटक अच्छा राजा रेउआय, आउरी लोक मन हाके मया करुआत। परबु दाउ द के अशीसित करूआय आउरी हाके सपाक बनाउआय। दाउ द कई युद्ध के लड़ला, आउरी परबु इस्राएलर दुसमन के हारायबा काचे हातार मदद करूआय। दाउ द यरुशलेम नगर के जीती करी हाके अपना राजधानी बानाउ आय, जोन ताने हाय रेला आउरी शासन करला। दाउ द चालीस बरस तक राजा रेउआय। ए समयर पाचे, इस्राएल ताकतबर आउरी धनबान बनी जाउआय।

दाउ द गोटक मंदिर बनायबार चाहते रेउआय जोन ताने सबु इसरायली मन परबुर आराधना करके सकोत आउरी हातार काचे जत्रादान चढ़ाय के सकोत। लगभग 400 बरस ले, हाय मन मूसार बनाय ला बीती तम्बू ताने परबुर आराधना करते रेलाय आउरी हातार काचे जत्रादान चढ़ाय ते रेलाय।

मांतरहाय ताने नातान नामर गोटक भविष्यवक्ता रेला। परबु हाके दाउ द के ए बोलबा काचे पोटायला कि: ’’तुई खुबे युद्ध के लड़ली आस, एकाचे तुई मोर काचे मंदिर के ना बनायिस। तोर बेटा एके बनायसी। तेबले बले, मुई तोके खुबे आशीष देबी। तोर गोटक वंस सदा काचे मोर लोक उपरे राजार रुप ने शासन करसी।’’ सदा काचे शासन करबा बीता हाय दाउदर एकमात्र वंसज मसीह रेउआय। मसीह परबुर चुनला बीती माने रहुआय जोन संसारर लोक मनके तिकर पाप ले बाचायसी।

जेबे दाउ द नातानर सन्देश के सुनु आय तो हाय परबुर धन्यवाद करुआय आउरी हातार स्तुति करूआय। परबु हातार प्रतिष्ठा के बड़ाय ते रेउआय आउरी हाके खुबे आशीष देयते रेउआय। इति सक नियाय कि, दाउ द ना जानते रेउआय कि परबु ए बात मनके केबके करसी। ए समय हामी जानु कि इसरायली मन के गोटक लम्बा समय तक, लगभग 1,000 बरस तक मसीहर आयबार प्रतीक्षा करके पड़सी।

दाउ द कई बरस तक न्यायपूर्वक अपना लोक उपरे शासन करुआय। हाय बड़ी निष्ठा ले परबुर बात के मानुआय आउरी परबु हाके आशीषित करुआय। हालाँकि, अपना जीवनर सरबादाय हाय परबुर विरुद्ध ने भयानक पाप करी रेउआय।

गोटक दिने दाउ द अपना महल ले बाहरे ओंजारु आय आउरी गोटक सुंदर बायले के पानी धोयबा दाय दखु आय। हाय हाके ना जानते रेउआय, मांतरहाय पता लगाउ आय कि हातार नाम बतशेबा आय।

अपना नजर के लेवटाय बार पाल्टा, दाउ द हाके अपना लगे आनबा काचे काकी बले पोटाउ आय। हाय हातार संगे सोउ आय आउरी हाके वापस घरे पटाय देउआय। खिनिक मा समयर पाचे बेतशेबा एटा बोली करी दाउ द लगे संदेस पोटाउ आय कि हाय पेटे आचे।

बेतशेबार मुनुस उरिय्याह नामर गोटक माने रेउआय। हाय दाउदर अच्छा सैनिक मन थानले गोटक रेउआय। ए समय ने हाय युद्ध करबा काचे बाहरे जाई रेउआय। दाउ द उरिय्याह के युद्ध ले वापिस हागदि करी हाके हातार बायले संगे रेबा काचे बोलुआय। मांतरदूसरा सैनिक मन युद्ध ने रेउआत एकाचे उरिय्याह घरे जीबा काचे मना करी देउआय। अतः दाउ द उरिय्याह के वापस युद्ध ने पटाय देउआय आउरी सेनापति ले हाके अमता जागा ने सोंगाय बा काचे बोलुआय जोन ताने दुसमन मन सबु ले ताकतबर रहोत कि हाय मोरी जाओ। तो अमता होउ आय कि उरिय्याह युद्ध ने मोरी जाउ आय।

उरिय्याहर युद्ध ने मोरला र पाचे दाउ द बतशेबा संगे बिया करी देउआय। पाचे, हाय दाउदर बेटा के जनम देउआय। दाउ द जोनटा करी रेउआय हतार ले परबु खुबे रिसा होई रेउआय, एकाचे हाय नातान नबी के एटा सांगबा काचे पोटाउ आय कि हातार पाप कतक घिनघिना आय। दाउ दअपना पापर पश्चताप करूआय आउरी परबु हाके क्षमा करी देउआय। अपना बाचाला जीवन ने, अपना कठिन समय ने बले दाउ द परबुर पीटी – पीटी हिंडू आय आउरी हातार बात के मानुआय।

मांतर दाउदर बेटा मोरी गला। एरीती ले परबु दाउ द के दण्डित करला। एतार अलावा, दाउ दर मोरबा तक, हाय निजर परिवारर खिनिक मा लोक मन हातार विरुद्ध ने लड़ाई करूआत, आउरी दाउ दर निजर शक्ति कम होई गला। मांतर परबु विश्वासयोग्य रेला आउरी एबे बले हाय हायटा करला जोन हाय दाउ द ले करबार वादा करी रेउआय हाईटा करसी, भले ही दाउ द हातार आज्ञा के ना मानला। पाचे, दाउ द आउरी बेतशेबार दूसरा बेटा जनम ला, आउरी हातार नाम सुलैमान सोंगाउआत।