20. गुलामी आउरी लेवटबाटा

इस्राएलर राज्य आउरी यहूदार दुनो परबुर विरुद्ध ने पाप करूआत। हाय मन हाय वाचा के टुटाय देउआत जोन टा के परबु तिकर संगे सिनेय डोंगरी ने बाँधी रेउआय। परबु हाय मनके पश्चताप करबा काचे आउरी फिर ले हातार आराधना करबा काचे चेतावनी देबा काचे निजर भविष्यवक्ता मनके पटाउआय, मांतरहाय मन हातार गोट के मानबा ले मना करी देउआत।

अतः परबु तिकर दुसमन के हाय मन के नास करबा काचे ताकतबर बनाय बार द्वारा दुनो राज्य के दंडित करूआय। अश्शुर गोटक दूसरा देस रेउआय जोन खुबे ताकतबर होई जाई रेउआय। हाय मन दूसरा काचे खुबे निर्दयी बले रेउआत। हाय मन आई करी इस्राएलर राज्य के नाश करी देउआत। अश्शुरी मन आई करी इस्राएल राज्यर खुबे लोक मनके मारी देउआत, जोन टा मन करले हाके लूटु आत, आउरी देसर कई जागा के जलाय देउआत।

अश्शुरी मन सबु अगुआ मनके, धनबान लोक मनके, आउरी अमता लोक मनके जोन मन कीमती वस्तू मन बनाय के सकेत गोटक संगे रुंडा करुआत आउरी हाय मन के हाय मन अश्शुर देस नेउआत। इस्राएल ने केवल खिनिक मा गरीब लोक मन बाचुआत।

पाचे अश्शुरी लोक मन हाय देस ने रेबा काचे विदेशी मनके दरी करी आनुआत। हाय विदेशी मन हाय नगर मनके फिर ले बनाउ आत। जोन इसरायली मन हाय ताने बाची रेउआत तिकर संगे हाय मन बिया करूआत। ए लोक मनर वंसज सामरी बोलाय होयलाय।

यहूदा राजर लोक मन दखुआत कि कसन परबु हाय मनके तार उपरे विशवास ना करबा काचे आउरी हातार गोट के ना मानबार कारण इस्राएलर राजर लोक मन के दंडित करी रेला। मांतरतेब ले बले हाय मन कनानी मनर देवता मनर उपासना करुआत। परबु हाय मनके चेतावनी देबा काचे भविष्यवक्ता मनके पटाउआय, मांतरहाय मन सुनबा ले मना करी देउआत।

लगभग 100 बरसर पाचे अश्शुरी मन इस्राएल राज के नाश करी देउआत। परबु बेबीलोनर राजा, नबुकदनेस्सर के यहूदार राज ने हमला करबा काचे पटाउआय। बेबीलोन गोटक ताकतबर देस रेउआय। यहूदार राजा नबुकदनेस्सर र दास बनबा काचे आउरी हर बरस खुबे धन के देबा काचे सहमत होई जाउआय।

मांतरखिनिक मा बोरसर पाचे, यहूदार राजा बेबीलोनर विरुद्ध ने बलवा करूआय। अतः बेबिलोनी मन आई करी यहूदार राज ने हमला करी देउआत। हाय मन यरूशलेम नगर ने कब्ज़ा करी देउआत, मंदिर के नसाय देउआत, आउरी नगर आउरी मंदिरर खजाना के लुटी करी नेउआत।

बलवा करबार कारण यहूदा के दंडित करबा काचे, नबुकदनेस्सर र सैनिक मन राजार बेटा के हातार छोमे मारी देउआत आउरी पाचे हाके काना करी देउआत। एतार पाचे, हाय मन राजा के नेउआत कि हाय बेबीलोनर जेल ने मोरी जाओ।

नबुकदनेस्सर आउरी हातार सेना यहूदार राजर लगभग सबु लोक के बेबीलोन नेउआत, केवल सबु ले गरीब लोक मन के पीटी बाटे छाड़ी करी कि हाय मन बेड़ा ताने फसल उगाओत। ए समय के बन्धुआइ बोललाय जोन ताने परबु लोक मन के प्रतिज्ञार देस ले निकली करी जीबा काचे विवस करी रेउआत।

भले ही परबु अपना लोक मन के तिकर पाप काचे बन्धुआइ ने नेबार द्वारा दंडित करूआय, तेबले बले हाय हाय मनके या निजर प्रतिज्ञा के ना भुलकी रहुहाय। परबु निजर लोक मनर निगरानी करबार जारी सोंगाउआय आउरी निजर भविष्यवक्ता द्वारा हाय मनले गोटायते रेला। हाय प्रतिज्ञा करूआय कि सत्तर बरस पाचे, हाय मन फिर ले प्रतिज्ञार देस ने लेवटबाय।

लगभग सत्तर बरसर पाचे, फारसर राजा कुस्रु बेबीलोन के हाराय देउआय, एकाचे बेबीलोनर साम्राज्यर बजाय फारसर साराज्य कई देस ने शासन करूआय। इसरायली लोक मन अबर यहूदी बोलाय होयते रेलाय। हाय मन थानले खुबे लोक मन निजर सबु जीवन के बेबीलोन ने बीताय रेउआत। केवल खिनिक मा डोकरा यहूदी लोक मन के ही यहूदार देससुरतारेउआय।

फ़ारसी लोक मन खुबे ताकतबर रेउआत, हाय मन निजर जीतला बीती लोक उपरे दया करी रेउआत। फ़ारसी लोक मनर राजा बनलार खिनिक मा बेरार पाचे, कुस्रू गोटक आज्ञा देउआय कि कोनी बले यहूदी जोन मन यहूदा ने लेवटबार चायबा आत, हाय मन फारस ले निकली करी वापिस यहूदा ने जायके सकेत। एथानले बले हाय मंदिर के फिर ले बनायबा काचे धन बले देउआय। अतः बन्धुआइर सत्तर बरसर पाचे, यहूदी मनर गोटक छोटे समूह यहूदा ताने यरूशलेम ने लेवटी आउआत।

जेबे हाय लोक मन यरूशलेम ने खेटु आत तो हाय मन मंदिर के आउरी नगरर चारो बाटर काति के फिर ले बनाउआत। फ़ारसी लोक मन एबे बले तिकर उपरे शासन करते रेउआत मांतरगोटक हार फिर ले हाय मन प्रतिज्ञार देस ने रेयते रहुआत आउरी मदिर ताने आराधना करते रेउआत।