23. यीशुर जनम

यूसुफ नामर गोटक धरमी माने संगे मरियमर मांगनी होई रेउआय। जेबे हाय सुनु आय कि मरियम पेटे आचे हाय जानते रेउआय कि हाय हातार बेटा नुआय। मान्तर, हाय मरियम के बदनाम ना करबार चाहते रेउआय, एकाचे हाय हातार उपरे कृपा करबार आउरी हाके चुपचाप तलाक देबार सोचु आय। मातर एतार ले पोयलेकि हाय अमता करता, गोटक सरग दूत हातार सपना ने आई करी हातार ले गोटाउ आय।

हाय सरग दूत बोलुआय, ’’हे युसूफ, मरियम के निजर बायलेर रुप ने आनबा कचे ना डर। हातार भीतरे जोन पीला आचे हाय पवित्र आत्मा बाटले आय। हाय गोटक बेटा के जनम देयसी। हातार नाम यीशु सोंगाव (जार मतलब आय’यहोवा बाचाउ आय’),कायकाचे कि हाय लोक मनके तिकर पाप ले बाचायसी।’’

अतः यूसुफ मरियम ले बिया करूआय आउरी हाके निजर बायलेर रुप ने घरे आनुआय, मांतरहातार पीला के जनम देबा तक हाय हातार संगे ना सोउआय।

जेबे मरियमर जनम देबार बेरा लगे रेउआय, तो हाय आउरी यूसुफ बैतलहम जीबा काचे गोटक लम्बा यात्रा करूआत। हाय मनके हाय ताने जीबाच टा रेउआय कायकाचे कि रोमी अधिकारी इस्राएल ने रेबा लोक र सबु लोक मनर गिनती करबार चाहते रेउआय। हाय मन चाहते रेउआत कि सबु लोक मन हाय ताने जाओत जोन ताने तिकर पूर्वज मन रेयते रेलाय राजा दाउदर जनम बेतलहम ने होई रहू आय। आउरी हाय मरियम आउरी यूसुफ दुनोर पूर्वज रेउआय।

मरियम आउरी यूसुफ बैतलहम जाउ आत, मांतरहाय ताने पोसु मन के सोंगायबा जागार अलावा तिकर ठेब्बा काचे कोनी जागा ना रेउआय। हाई जागा रेउआय जोन ताने मरियम निजर पीला के जनम देउआय। हाय हाके चरनी ने सुआउ आय काय काचे कि हाय ताने हातार काचे कोनी बले बिस्तर ना रेउआय। हाय मन हातार नाम यीशु सोंगाउआत।

हाय राती ने, लगर बेड़ा थान खिनिक मा धोरी मन निजर मेंडा मनर राशीर राका करते रेउआत। अचानक ले, गोटक चमकदार सरगदूत हाय मन उपरे प्रगट होउ आय, आउरी हाय मन डरी जाउ आत। हाय सरग दूत बोलुआय, ’’ना डरा, काय काचे कि मोर लगे तोमर काचे शुभ संदेस आचे। बैतलहम ने मसीह, स्वामीर जनम होयला आचे!’’

जाई करी हाय पीला के डगरा, आउरी तोमी हाय पीला के फोटी ताने लिपटला दाय आउरी चरनी ताने सोयाबा दाय पायबास।’’अचानक ले बादरी सरग दूत ले भरी जाउ आय। हाय मन परबुर स्तुति करते रेलाय। हाय मन बोलुआत, ’’सबु महिमा सरग ने विराजमान परबु के मिलो। पृथ्वी ने हाय मन लोक ताने शांति हो जार हाय चिंता करूआय!’’

तेबे सरग दूत मन चले जाउ आत। हाय धोरी मन बले निजर मेंडा के छाडी करी पीला के दखके जाउ आत। हाय मन झोपके हाय जागा नए खेटु आत जोन ताने यीशु रेउआय आउरी हाय मन हाके चरनी ने सोयबा दाय पाउआत, जसन कि हाय सरग दूत बोली रेउआय। हाय मन खुबे हरिक रेउआत। तेबे हाय धोरी मन वापिस लेवटु आत जोन लगे तिकर मेंडा मन रेउआत। हाय मन जोनटा बले सुनु आत आउरी दखु आत हाय सबु काचे परबुर स्तुति करते रेउआत।

पूर्व ने गोटक देस ने खिनिक मा माने मन रेउआत। हाय मन तारा मनर अध्यन करी रेउआत आउरी हाय मन खुबे बुद्धिमान रेउआत। हाय मन गोटक असामान्य तारा के बादरी ने दखु आत। हाय मन बोलुआत कि एतार मतलब आय कि यहूदि मनर नगर ने गोटक नुआ राजार जनम होयला आचे। एकाचे हाय मन हाय पीला के दखबा काचे निजर देस ले यात्रा करबार निर्णय करूआत। गोटक लम्बा यात्रार पाचे हाय मन बैतलहम आउआत आउरी हाय घर के मिलाउ आत जोन ताने यीशु आउरी हातार आया बुआ मन ठेबी रेउआत।

जेबे ए माने मन यीशु के निजर माँ संगे दखुआत तो हाय मन मांडीखुटा टेकी करी हातार आराधना करूआत। हाय मन यीशु के कीमती उपहार देउआत। पाचे हाय मन घरे लेवटुआत।