25. शैतान यीशुर परीक्षा करूआय

यीशुर बपतिस्मा होयलार तुरंत पाचे, पवित्र आत्मा हाके झारे नेउआय। यीशु हाय ताने चालीस दिन आउरी चालीस राती रेउआय। हाय बेरा हाय उपवास करूआय,आउरी शैतान यीशु लगे आसी करी पाप करायबा काचे हातार परीक्षा करूआय।

पयले, शैतान यीशु के बोलुआय, अगर तुई परबुर बेटा आस तो ए पोकना मनके रोटी बनाय देस कि तुई खाय के पार!’’

मांतरयीशु शैतान के बोलुआय, ’’परबुर वचन ने ए लिकला आचे,’जिन्दा रेबा काचे माने मन के केवल रोटीर जरुरत नुआय, मांतरहाय मनके सबु हाय बात मनर जरुरी आय जोन टा परबु हाय मनके बोलुआय!’’

तेबे शैतान यीशु के मंदिरर सबू ले डेंग जागा ने नेउआय। हाय हाके बोलुआय, ’’अगर तुई परबुर बेटा आस तो एथानले तले डोगाव, काय काचे कि लिकला आचे, ’’परबु तोके उठाय बा काचे सरग दूत मनके आज्ञा देसी कि तोर गोड़ ताने पोकना ना पाओ।’’

मांतरयीशु हाय ना करूआय जोन टा के शैतान हाके करबा काचे बोली रेउआय। एतार बजाय, हाय बोलुआय, ’’परबु सबु के बोलसी आचे.’’तुई परबू निजर परबुर परीक्षा ना कर।’’

पाचे शैतान हाके हाय संसारर सबु राज के दखाउआय। हाय हाके दखाउ आय कि हाय मन कतक ताकतबर आत, आउरी हाय मन कतक संपन्न आत। हाय यीशु के बोलुआय, ’’मुई तोके ए सबु देबी अगर तुई मांडी खुटा दि करी मोर उपासना करबीस।’’

यीशु जवाब देउआय, ’’हे शैतान मोर लगले चले जा! परबुर वचन ने हाय लोक मनके आदेस देयसी आचे, केवल निजर परबुर आराधना करा। परबुर रुप ने केवल हातार ची आदर करा।’’

यीशु शैतानर परीक्षा ले हार ना मानुआय, एकाचे शैतान हातार लगले चले जाउ आय। तेबे सरग दूत आई करी यीशुर सेवा टहल करूआत।