37. यीशु लाजर के मोरलाले जियायलाय

लाजर नामर गोटक माने रेलाय | हातार दुय टा भइन रेलाय जातार नाम मरियम आवरी मारथा रये | हायमन सोबू यीशुर अच्छा संग रेलाय | गोटक दिन, कोनी यीशु के सांगलाय की लाजर बहुत बीमार रेलाय | जेबे यीशु एटा सुनला तो हाय बोलला, “ए बीमारी लाजारर मोरबार संगे ना सरे | हातार बजाय, एटा लोकमन के मापरूर परती आदर करबा काछे प्रेरित करसी |”

यीशु आपनार संग मनले प्रेम करबाराय, मातर जोनती हाय रेलाय हायती हाय दुय दिन तक जागलाय | हाय दुय दिनोर बाद, हाय आपनार चेला मनके बोलला, “आसा, आफिस यहूदिया जु |” चेला मन उत्तर डेलाय, “मातर हे गुरु, एबे खिनीक समय पाईले हायथानर लोकमन तोके मरते मारबार चाएते रेलाय !” यीशु बोलला, “हामर संग लाजर सोयला आचे, आवरी मोके हाके जगायबार आचे |”

यीशुर चेलामन उत्तर डेलाय, “हे मापरू, अगर लाजर सोयला आचे, तेबे हाय अच्छा होय जायसी |” तेबे यीशु टीके अच्छा ले साँगी रेलाय, “लाजर मरी गलाय | मुय सर्दा आची की मुय हायती ना रेली, ताकि टोमी मोर उपरे विश्वास करके सका |”

जेबे यीशु लाजारर गाँव पहुंचला तेबे लाजर के मरलार पईल ले ही चार दिन होय रये | मारथा यीशु ले मिलबा काछे बारे आयला आवरी बोलला, “हे मापरू, अगर तुय एती रेले मोर भाई ना मोरता | मातर मुय विश्वास करबीचि की जोन काई बी तुय मापरू के मांगबिस हाय तोके देसी |”

यीशु उत्तर देलाय, “पुनरुत्थान आवरी जीवन मुय आय | जोन कोनी मोर उपरे विश्वास करुयाय अगर हाय मरी बी जाओ तो जींसी | जोन कोनी मोर उपरे विश्वास करुयाय हाय केबे ना मरे | काय तुय ए आने विश्वास करुयास ?” मारथा उत्तर देलाय, “हे मापरू, मुय विश्वास करुयाय की तुय मापरूर बेटा मसीह आय |”

तेबे मरियम आयलाय | हाय यीशुर गोड़े घासरिकरी बोलला, “हे मापरू, अगर तुय एती रेले मोर भाई ना मोरता |” यीशु हाके मनके पोचारलाय, “तोमी लाजर के कोनती सोंगायलास ?” हायमन हाके सांगलाय, “कब्र आने | आसा आवरी ड़खा |” तेबे यीशु कांद्लाय |

हाय कब्र गोटक गुंपा रेला जोंतिर बाते गोटक पोकना के लुडकाय रेलाय | जेबे यीशु कब्र आने खेतलाय तो हाय हाकेमनके बोलला, “पोकना के गुचाओ |” मातर मारथा बोलला, “हाके मरी करी चार दिन होला आचे | हायथानले बास आयसी राएसी |”

यीशु उत्तर देलाय, “काय मुय तोमके ना बोली रली की अगर तोमी मोर उपरे विश्वास करबास तो तोमी मापरूर बोकू के दखबास बोली ?” हायकाछे हायमन पोकना के गुचाय देलाय |

तेबे यीशु उपरे सरग बाटे दखी करी बोलला, “हे बाबा, मोर सुनबा काछे मुय तोर धन्यवाद कार्बी आची | मुय जानी की तुय सोबुदाय मोर सुनुयास, मातर मुय एथाने ठीया उठला सोबू लोकमन के बोलली ताकि ए मन विश्वास करोत की तुय मोके पोठायलिस |” तेबे यीशु आवाज देलाय, “ हे लाजर, बारे आओ !”

आवरी लाजर बारे निकली आयला! हाय एबे बी कफन आने लिपटी रेलाय | यीशु हाके बोलला, “ए कफन के निकालबा काछे हातार सहायता करा आवरी हाके खुला करा |” ई काछे बहुत यहूदीमन यीशु आने विश्वास करलाय |

मातर यहूदीमनर धर्मी अगुवे मन यीशु ले जलते रेलाय, हायकाछे हायमन योजना बनायबा काछे गोटक संगे रुंडलाय की कसन करी यीशु के आवरी लाजर के मरते मारबू |