15. १५. बाचाया देश
लिपतय्, इस्राएलीत बाचा चिनातःगु देशय् दुहां वनेगु ई वल। यहोशूं निम्ह चिवाः काइपिन्त कनानी शहर यरीहोय् छवल, उबलय् व शहरय् बल्लाःगु किल्लात दय्का तःगु खः। व शहरय् राहाब नां याम्ह छम्ह व्यभिचारी मिसा दु अले वं उपिं चिवाः कावंपिनिगु निंतिं सुचुलेगु निंतिं व अनं बिस्युं वनेत ग्वाहालि यात। वं परमेश्वरयात विश्वास याःगुलिं उपिं ज्यात याःगु खः। इमिसं यरीहो शहर भज्यंक नाश यायेबलय् राहाब व वया परिवारयात सुरक्षा याये धकाः बाचा याःगु खः।
इस्राएलीत बाचा यानातःगु देशय् वने न्ह्यः यर्दन खुसि छिमाःगु खः। परमेश्वरं मोशायात यहोशूयात धयादिल, “दकलय् न्हापा पूजाहारीतय्त वने ब्यु।” पूजाहारित यर्दन खुसि दथुइ थ्यनेवं न्ह्यानाच्वंगु लः दी अथे जुयाः इस्राएलीत व खुसिया उखेपाखे गंगु बँ जुया वनेफत।
यर्दन खुसि छियेधुंकाः परमेश्वरं यहोशूयात यरीहोया तसकं बल्लाःगु शहरय् हमला यायेगु उपाय बियादिल। मनूतय्सं परमेश्वरया आज्ञा मानय् यात। परमेश्वरं धयादी थें सिपाइँत व पुजाहारीतय्सं खुन्हु (६) तक धुवांधु शहरयात घेरा लगय् याना उकिया जवखवं चाहुला च्वन।
अले न्हय्न्हुया दिंनय् इस्राएलीतय्सं मेगू न्हय्क्वतक शहरयात चाहुलेगु यात। इमिसं दकलय् लिपा शहर चाहुला च्वंबलय् सिपाइँत तसलं हाला अले पुजाहारितय्सं थथःगु तुरही पुल।
अले यरीहोया चकःछिंच्वंगु पखाःत क्वदल। इस्राएलीतय्सं परमेश्वरं धयादी थें शहरय् च्वंगु फुक्क नाश यात। इमिसं राहाबयात व वया परिवारयात जक त्वःताबिल, इपिं लिपा वना इस्राएलीतय्गु हे भाग जुल। कनानय् च्वनाच्वंपिं मेपिं मनूतय्सं इस्रएलीतय्सं यहीहो शहर भज्यंक नाश यानाबिल धयागु खँ सिल, इस्राएलीतय्सं इमिगु शहरतय्त नं हमला याइ धकाः अन च्वंपिं मनूत तसकं ग्याना च्वन।
परमेश्वरं इस्राएलीतय्त कनानय् च्वनाच्वंपिं पुचःया मनूतनापं छुं नं कथंया सन्धि याये मते धकाः उजं बियादिल। अय्कनं कनानया छगू गिबोनी नां यानातःगु जातया मनूतय्सं यहोशूयात छल यात। अले इमिसं थःपिं कनान देश स्वया तपाक्कया देशं वयागु धकाः मखुगु खँ ल्हात। इमिसं यहोशूनापं शान्तिया सन्धि यायेगु खँ तल। यहोशू व इस्राएलीतय्सं परमेश्वरयात उपिं गिबोनीत गनं वःपिं खः धका मन्यन। अले यहोशूं इमिनापं शान्तिया सन्धि यात।
इस्राएलीतय्सं उपिं गिबोनितय्सं छल याःगु खँ स्यूबलय् इपिं तसकं तंम्वल। अय्नं इमिसं याःगु सन्धियात छ्यालातु वन छायधाःसा व परमेश्वरया न्ह्यःने याःगु बाचा खः। छुं ई लिपा कनानय् च्वंपिं मेगू जातिया जुजु अम्मोनीतपिन्सं गिबोन्ततय्सं इस्राएलीतनापं शान्ति-सन्धि यात धयागु खँ न्यन, अथे जुयाः इपिं थः सिपाइँतय्त छथाय् मुंका छगू तःधंगु सिपाइँतय्गु पुचः दय्कल अले गिबोनय्त हमला यात। गिबोनीतय्सं यहोशूयात ग्वाहालिया निंतिं बुखँ छ्वल।
अथे जुयाः यहोशूं इस्राएलया सिपाइँतय्त छथाय् मुंकल अले गिबोनितय्थाय् थ्यंकेत चच्छि न्यासिवन। सुथय् तुयु तुयु धाबय् इमिसं आकाझाकां अम्मोनी सिपाइँतय्त हमला यात।
उखुन्हु परमेश्वर इस्राएलीतय्गु निंतिं ल्वानादिल। वय्कलं अम्मोनीतय्त अलमल यानादिल अले ततःग्वाःगु प्वँ गाय्कादिल, उकिंयाना यक्व हे अम्मोनीत सित।
परमेश्वरं सुर्ययात आकाशय् छथाय् दिका तयादिल। छाय्धाःसा इस्राएलीतय्सं अम्मोनितय्त त्याकेगु निंतिं यक्व ई दयेमा। उखुन्हु इस्राएलतय्त परमेश्वरं तःधंगु विजय बियादिल।
परमेश्वरं उपिं सिपाइँतय्गु पुचःयात बुकादी धुंकाः कनानया मेगू जातित छप्पं जुया इस्राएलयात हमला यात। यहोशू व इस्राएलीत नं हमला यायेत वन अले इमित नं इस्राएलीतय्सं भज्यंक नाश यानाबिल।
थ्व लडाइँ सिधय् धुंकाः परमेश्वरं इस्राएलया फुक्क कुलयात बाचा यानादीगु देशय् इमिगु निंतिं थथःगु थाय् बियादिल। अले परमेश्वरं फुक्क इस्राएल व इमिगु थःगु हे थासय् नं शान्ति बियादिल।
यहोश ू बह्रु ा जइु धुंक ु ााः वुं इस्राएलया फ ु क्क मन ू तय त छथाय मुंक ु ल। अले वुं उप ुं मन ू तय त सिनै रववतय इस्राएलीतना ुं रमश्े वरुं पबयादीग ु करार मानय याये हे मााःग ुखय ँ ात लम ुुंकापबल। मन ू त रमेश् वरयाके पवश् वाियोग् य जइु ग ु व वय काःया व्यवस् था मानय यायमे ााःग ु प्रपतज्ञा यात। थ् व घटना बाइबलया
यहोश ू १-२४ ाखे ुं कााःग ुखा
खुले लाइसेंस (CC BY-SA 4.0) के अंतर्गत उपयोग करने, बदलने और साझा करने के लिए निःशुल्क।