16. १६. छुत्काराया दिंत
यहोशू सीधुंकाम इस्राएलीतय्सं उजं मानय् यायेगु त्वःता हल अले ल्यं दुपिं कनानीतय्त अन ख्याना मछ्व अले परमेश्वरया आज्ञा मानय् मयात। इस्राएलीतय्सं याहेवे, छम्ह जक सत्य परमेश्वरयात आराधना यायेगु त्वःता कनानी द्यःतय्त पुजा यायेगु यात। इस्राएलीतय् सुनं जुजु मदु, अथे जुयाः फुक्कसिनं थःत छु पाय्जु वा थःपिन्त छु यः अथे हे यात।
परमेश्वरयात तेरय् या हे मयागुलिं वय्कलं शत्रुतय्सं इस्राएलतय्त त्यकेबिया दण्ड बियादिल। उपिं शत्रुतय्सं इस्राएलीतय्गु मालासामान लुतय् याना यंकल, इमिगु सम्पत्तित नाश यानाबिल अले अप्व थें इस्रालीतय्त स्यानाबिल। यक्व दँतक नं इमिसं परमेश्वरया आज्ञा मानय् मयागुलिं इपिं थः शत्रुतपाखें क्वतेका च्वनेमाल। अथे जुयाः इस्राएलीतय्सं पश्चाताप यात अले छत्काराःया निंतिं परमेश्वरयाके प्रार्थना यात।
अनंलि परमेश्वरं इमिगु निंतिं छत्कारा याइम्ह छम्ह मनू छ्वयादिल। अय्नं हाकनं मनूतय्सं परमेश्वरयात ल्वमंकल अले मूर्तितय्त पुजा यायेगु शुरू यात। अथे जुयाः परमेश्वरं इस्राएलीतय्त मिद्यानीतय्सं (उपिं इस्राएलीतय् लिक्क च्वनाच्वंपिं इमि शत्रु छगू जाति खः) त्याके बियादिल।
न्हय्दँतक मिद्यानीतय्सं इस्राएलीतय्गु अन्नबालि यंकल। इस्राएलीत तसकं हे ग्यात अले इपिं मिद्यानीतय्सं थपिन्त नापमलायेमा धकाः गुफातय्के सुचु वनेगु यात। लिपतय् इमिसं थःपिं बचय् जुइगु निंतिं परमेश्वरयाके बिन्ति यात।
छन्हु, गिदोन नांयाम्ह इस्राएलया छम्ह मनुखं मिद्यानीत वया अन्न लाका मयंकेमा धकाः सुनानं मखंक अन्न दायाच्वंगु खः। उबलय् याहोवेया छम्ह दूत गिदोनयाथाय् वया थथे धाल, “ए तसकं बल्लाःम्ह मनू, परमेश्वर छनापं दी। इस्राएलीतय्त मिद्यानीतय्गु ल्हातं बचय्या हुँ।
गिदोनया अबुयाथाय् मूर्तियात लःल्हानांतःगु छगू वेदी दु। परमेश्वरं गिदोनयात व मूर्तियात स्यंके धकाः धयादिल। अय्नं गिदोन मनूत खनाः ग्यात, अथे जुया व खिउँमजुतले पिया च्वन। अले वं व वेदीयात थुनाः कुचा कुचा यानाबिल। वं मूर्तिया निंतिं दय्कातःगु वेदी लिक्क परमेश्वरया न्हूगु वेदी दय्काः अन परमेश्वरया निंतिं बलि छाल।
कन्हय्खुन्हु सुं मनुखं इमिगु वेदी थुनाच्वंगु खन अले मनूत तसकं तंम्वल। गिदोनयात स्यायेत इपिं वयागु छेँय् वन अय्नं गिदोनया अबुं इमित थथे धाल, “छाय् छिमिसं थः द्यःतय्त ग्वाहालि यायेत सनागु? इपिं द्यः खःसा थःपिन्सं थःगु रक्षा यायेमाःगु खः।
अनंलिं मिद्यानीतय्सं हाकनं इस्राएलीतय्त लुतय् यायेत वल। उपिं यक्व हे मनूत दुगु खः इमित ल्याःखाय्गु तकं सम्भव मदु। इपिं नापं लडाइँ यायेत गिदोनं इस्राएलीतय्त छथाय् मुंकल। गिदोनं परमेश्वरनापं निगू चिं फ्वँन छाय्धाःसा इस्राएलतय्त बचय् यायेत परमेश्वरं वयात छ्यलादीगु खः धयागु खँ पक्का याये फयेमा।
न्हापांगु चिंया निंतिं गिदोनं कापः बँय् लायाबिल अले सुथया सुंति लः बँय् मलासे व कापतय् जक लायेमा धकाः परमेश्वरयाके इनाप यात। परमेश्वरं अथे हे यानादिल। निक्वः खुसिइ वं कापः मप्याय्मा बँयात जक प्याकादिसँ धकाः इनपा यात। परमेश्वरं अथे नं यानादिल। थुपिं निगू चिंनं गिदोनयात मिद्यानीतपाखें इस्राएलीतय्त बचय् यायेगु निंतिं परमेश्वरं वयात छ्यालादीगु खः धयागु खँय् पक्का जुल।
स्विस्वद्वःम्ह (३२,०००) इस्राएली सिपाइँत गिदोयाथाय् वल अय्नं परमेश्वरं उपिं ल्याः तसकं अप्व जुल धयादिल। अथे जुयाः लडाइँ यायेत ग्याका च्वंपिं नीनिद्वः (२२,०००) सिपाइँतय्त छेँय् लित छ्वयाबिल। परमेश्वरं गिदोनयात मनूतय्गु ल्याः अझनं अप्व दनि धयादिल। अथे जुयाः गिदोनं स्वसःम्ह (३००) सिपाइँत जक ल्यंका मेपिं फुक्कसित इमिगु थथःगु छेँय् लित छ्वल।
उखुन्हु चान्हय् परमेश्वरं गिदोनयात धयादिल, “मिद्यानीतय्गु पालय् हुँ अले छं इमिसं धाःगु खँ न्यनि अय्नं छ ग्याइ मखु। अथे जुयाः उखुन्हु चान्हय् गिदोन क्वय्पाखे पालय् वन अले वं छम्ह मिद्यानी सिपाइ नं थः पासायात म्हगसय् खंगु खँ कनाच्वंगु ताल। व सिपाइँनं थथे धयाच्वंगु खः, “व म्हगसया अर्थ छु जुइ, गिदोनया सिपाइँतय्सं मिद्यानीतय् सिपाइँतय्त बुकी।
अनंलि गिदोन थः सिपाइँतय्थाय् तुं लिहां वन अले फुक्कसित छपु छपु तुरही, चायागु घः व मिप्वाँ बिल। इमिसं मिद्यानीत द्यनाच्वंगु पालयात घेरय् यात। गिदोनया स्वसःम्ह (३००) मनूतय्सं थथःगु मिप्वाँ घलय् दुने तःगु खः छाय्धाःसा मिद्यानीतय्सं मिप्वाँ च्यानाच्वंगु खनेमा धकाः अथे याःगु खः।
अले गिदोनया फुक्क सिपाइँतय्सं छक्वलं सकसिनं मिवाँ क्याना थथःगु चाया घः तछ्यात। इमिसं तुरही पुल अले तसलं थथे हाल, “याहोवे व गिदोनया निंतिं तरवार।”
परमेश्वरं मिद्यानीतय्त अलमल यानादिल, अथे जुया इमिसं हमला यायगु शुरू यात अले इमिसं थथः मनुतय् तुं स्यायेगु यात। अले मद्यानीतय्त ख्यानाछ्वयेत छेँय् च्वनाच्वंपिं इस्राएलीतय्त थत्थें सःतके छ्वत। इमिसं यक्व मद्यानीतय्त स्यात अले ल्यंदुपिन्त इस्राएलीतय्गु इलाकां ख्याना पिछ्वत। उखुन्हु छगू लाख व नीद्वः मिद्यानीत सित। इस्राएलीतय्त परमेश्वरं बचय् यानादीगु खः।
मनूतय्सं गिदोनयात इमि जुजु दय्केमास्ति वःगु खः। गिदोन इमित अथे याके मबिल अय्नं इमिसं मद्यानीतपाखें लुतय् याना काःगु लुँया अंगू फ्वँन। मनूतय्सं गिदोनयात यक्व हे लुँत बिल।
अले गदोनं उपिं लुँतय्त दकलय् तःधंम्ह पुजाहारीं फीगु थें छगू विशेष वसः दय्केगु निंतिं छ्यल। अय्नं मनूतय्सं उकियात पुजा यायेगु याना हल छाय्धाःसा व छगू मूर्ति हे खः। अथे जुयाः परमेश्वरं हाकनं इस्राएलीतय्त दण्ड बियादिल छाय्धाःसा इमिसं मूर्ति पुजा याःगु खः। परमेश्वरं इस्राएलीतय् शत्रुतय्त त्याकेबियादिल। लिपतय् इमिसं परमेश्वरयाके ग्वाहालिया निंतिं बिन्ति यात अले परमेश्वरं इमित मेम्ह छुत्कारा बीम्ह छम्ह मनू बियादिल।
थथे जुइगु यक्व हे हाकनं हाकनं जुया च्वन अले इस्राएलीतय्सं पाप यात, परमेश्वरं इमित दण्ड बियादिल, इमिसं पश्चाताप याइगु अले परमेश्वरं इमित बचय् यायेगु निंतिं छुत्कारा याइम्ह मनू छ्वयाहयादीगु खः। यक्व दँ लिपा, इस्राएलीतय्त इमि शत्रुतपाखें बचय् यायेत परमेश्वरं यक्व हे छुत्कारा याइपिं मनूत छ्वयाहयादिल।
लिपतय्, मनूतय्सं मेगु देशय् जु थें परमेश्वरनापं छम्ह जुजु फ्वँन। इमित तसकं बल्लाःम्ह व तःधिकःम्ह जुजु माःगु खः, छाय्धाःसा वं इमिगु न्ह्यलुवा जुया लडाइँ यायेमा। परमेश्वरयात इमिसिं फ्वँगु थें जुजु बीगु इच्छा मदुगु खः अय्नं वय्कलं इमिगु फ्वँकथां याःम्ह जुजु बियादिल।
बाइबलया बाखं : न्यायकर्ता १-३; ६-८ पाखें
खुले लाइसेंस (CC BY-SA 4.0) के अंतर्गत उपयोग करने, बदलने और साझा करने के लिए निःशुल्क।