14. बादोड़ायें बुलकला

परमेश्वर इस्राएलियांग नियमांग सांगुन उरकावलो जिसे हूनांग बांधू रेहेय हूनाचा वाचा चा कारन पालन करतो आय। फेरहूनांग सिने डोंगरे ले पुरहे हूनांग अगवाई करलो। हुन हूनांग प्रतिज्ञा चा देशे नेऊक चाहेय। यो देश कनान घला बलत। परमेश्वर बादरे चा खाम्बायें हूनांग पुरहे-पुरहे गेलो, अर हूनी हूनाचा पाट-पाट गेला।

परमेश्वर अब्राहम, ईसाहक अर याकूब के प्रतिज्ञा करू रेहेय कि हुन प्रतिज्ञा चो हुन देश हूनांग चा वंशज देयीद, लेकिन या समय हूता खुबेय जाति रहत। हुन कनानी बलाय। आत हूनी कनानी मानेय परमेश्वर चो आराधना ईकरत अर हूनाचो आज्ञा इमानत। हूनी झूट देवांग चो उपास करिया आत अर खुबेय गलत काम करिया आत।

परमेश्वर इस्राएलियांग बल्लो, “जब तुमी हुन वाचा चा देसे जाहासे तब हुताले सपा कनानियांग ले छूटकारा पावासे। हूनाचा संग संगाती ईकरासे अर हूनांग संग विहाव इकरा का्यं। तुमी हूनी सपा मूर्तियांग पूरी तरह नष्ट करू देहासे। अगर तुमी माचा आज्ञा इमाना से, तब तुमी माचो बजाय हूनांगचा देवांग उपास करासे।

जब इस्राएली कनान चा सीमायें अम्बरला, मूसा इस्राएल चा एक जाती येले एक- एक करूँन बारह मानसांग चुनलो। हुन हूनांग जाऊन हुन देश चो भेद धरुक निर्देश दिलो कि देखू कि हुन किसो देश आसेय। हूनांग हुन कनानियांग चा भेद के बल धरतो रेहेय देखू कि हूनी ताकतवर आत या कमजोर आत।

हूनी बारह मानेय पूरा कनान ले होऊन चालीस दिन चो यात्रा करला अर फेर हूनी बाह्डून इला। हूनी इता मानेयांग सांगला, “हुन देश खुबेय उपजाऊ आय अर फसल बहुतायत चो आय! ”तबले दस भेदिया बल्ला, “हूनांग चो गाँव खुबेय मजबूत आसेय अर हूनी मानेय ऊंच चौड़ा आत! अगर हमी हूनांग हमला करवा, तो निश्चित हूनी हमक पराजित करू देदे। अर हमंग मारू देदे।”

जल्दी कालेब अर यहोशु अर दुसरा दूयझन संगवारी बल्ला, “यो सही आय कि कानाने चा मानेय ऊंच अर बल इता आत, पर खुश खुशाय हमी हूनाक पराजित करुक सकवा! परमेश्वर हमचा करता लड़ीद!”

पर मानेय कालेब अर यहोशु चो ईसुनत। हूनी मूसा अर हारून के रीस होला अर बल्ला, “तुय हमक या भयानक जघा ये कायेंक आनलास ? हमंग मिस्रयें रहतो रेहेय। अगर हमी हुन देश जावदा हू तो हमी युध्दे मरून अर कनाने चा मानेय हमचा बायलीयांग अर कड़हांग दास बनावदे। ”हुन मानेय हूनियांग बाहाडून मिस्रे धरून जाउक एकलो दुसरा अगवा चुनुक चाहते रहत।

जब हुन मानेय इसे बल्ला तब परमेश्वर खुबेय रीस होऊ रेहेय। हुन मिलाप ईता तम्बूयें इलो अर बल्लो, “तुमी माचो विरुध्द बलवा करला सा, याहायकरता तुमी सपा झनांग या बदोड़े भुलकाऊक पड़ीद। हर एकला मानेय जो बीस साल या हूनाचो ले ज्यादा उम्र चो आसेय हुता मरीद अर केभेय बल हुन देशे जोक इसकेय। जे मै तुमक देयंदा हेयं। केवल कालेब अर यहोशु हूनायें जाउक सकदे।”

जब मानेय परमेश्वर के इसे बलताक सुनला, तब हूनी दुखी होला कायंकी हूनीइता पाप करू रहत। याहायकरता हूनी हूनी ईता कानाने चा मानेयांग पेटता चो विचार करला मूसा हूनांग ईजाता करता चेतावनी दिलो कायंकी परमेश्वर हूनांग चा संग ईजाय, तबले हूनी हूनाचो ईसुनत।

परमेश्वर हुन युध्दे हूनांग चा संग इजाऊ रेहेय, याहायकरता कनानिया हूनांग हारावला अर हूनांग ये ले खुबेय झनांग मारू दिला। तब इस्राएली मानेय कानाने ले बाह्डून गेला। पुरहे चालीस साल तक, हुन बादोड़े ईसू हेव भुलकदे।

इस्राएली मानेयांग चा दुवारा बादोड़े भुलकला चा चालीस साल चा पासे, परमेश्वर हूनांग चा जरूरत के पूरा करलो। हुन हूनाक स्वर्ग ले “मन्ना” बलतो इतो पोरी दिलो। हुन लवांग चा झुण्ड बल (जो कि खुबेय प्रकार चा चेंडला होधयात) हूनांग चा लाड़ीयें पठावला ताकि हूनांग चालग खाता करता मांस। हुन पुरे समय, परमेश्वर हूनांग चा कपड़ाक अर बूटांग फाटतायेले वांचाव रेहेय।

एथा तक कि परमेश्वर हूनांग चो पिता करता चमत्कारी रूपले पखना एले पानी निकरावलो। पर येही सपांग उपरान्त, इस्राएली मानेय परमेश्वर चा विरुध्द अर मूसा चा विरुध्द शिकायत करला अर कुढ़ कूड़ावला। तबले, परमेश्वर विश्वास योग्य रेहेय। हुन ईता चो प्रतिज्ञा करू रेहेयकि हुन अब्राहम, ईसाहक, अर याकूब चा बेटा बेटियांग करता करीद हूनितो हुन करलो।

एक समय जब हुन मानेयांग लग पानी इरेहेय, परमेश्वर मुसाक बल्लो, “पखनाक गोठीयाव, अर हूनाये ले पानी निकरिद। ”तबले मूसा पखनाक इगोठीयावेय। बजाए हूनाचो, हुन छड़ीये पखनाक दूयबार पेटला। चा कारन हुन परमेश्वर चो आदर ईकरेय। सब करता पिवुक पखनायेले पानी तो निकरावलो, तबले परमेश्वर मुसाक रीस होवु रेहेय। हुन बल्लो, “कायंकी तुयं इसे करलीसा, याहायकरता तुयं प्रतिज्ञा चा देश जावुक ईसकसे।

जब इस्राएली मानेय चालीस साल तक बदोड़े ले भटकुनरहत, तब हूनीइता परमेश्वर चा विरुध्द कुढ़ कुढ़ावला हुन सपा मरू रहत। तब परमेश्वर हूनी मानेयांग फेर हुन प्रतिज्ञा चा देश चा सिवाने तक निलो। एभे मूसा डोकरो होवू रेहेय याहयकरता परमेश्वर मानेयांग चा सांगला करता हूनाक सहायता करुक यहोशुक चुनलो। परमेश्वर मुसा संग प्रतिज्ञा करु रेहेय कि एक दिन हुन हूनी मानेयांग लग मूसा चो इसा एकलो भविष्यवक्ता पढ़ाईद।

तब परमेश्वर मुसाक एकठान डोंगरा चा टीपे जाउक बल्लो ताकि हुन प्रतिज्ञा चा देश के देखूक सको। मूसा हुन प्रतिज्ञा चा देश के देखलो तबले परमेश्वर हूनाक हूता निकरता चो अनुमति ईदेय। तब मूसा मरलो, अर इस्राएलिया तीन दिन तक दुःख मनावला। यहोशु हूनांग चो नवो अगुवा बनलो। यहोशु एक अच्छा अगवा रेहेय कायंकी हुन परमेश्वर लग भरोसा करलो अर हूनाचो बात के मानलो।