16. सांडावयो इतो

यहोशु मरला चा पासे इस्राएलियांग परमेश्वर चो निंदा करला। हूनिइता परमेश्वर चा नियमांग चो पालन ईकरत, अर हूनिइता हुन वाचा चा देशे वांचला इता कनानियांग दुवारे इनिकरावेय। इस्राएलियांग आपला सच्चा परमेश्वर यहोवाक साडून कनानियांग चा देवांग चो उपास करुक शुरू करला। इस्राएलियांग लग कोंहू राजा ईरहत याहायकरता जेके जो सही लागलो हूनी हूनेय करला।

परमेश्वर चा आज्ञा ईमानता चा दुवारा इस्राएलियांग एक पद्धतीक शुरू करला जेके कई बार दोहरावलो रेहेय। यो पद्धति चो प्रकार गेलो कुछ साल तक इस्राएली परमेश्वर चा आज्ञाक ईमानदे, तब हुन हूनांग हूनांगचा शत्रुयांग ले पराजित करावता चा दुवारा दंड करीद। यो शत्रु इस्राएलियांग ले हूनांग चा चिजांग लुटदे। हूनांग चा सम्पतिक नष्ट करू दे दे, अर हूनांग लगले खुबेयांग मारदे। फेरेय जब इस्राएलियांग चा शत्रु हूनांग कई साल तक अत्याचार करदे हूनाचा पासे इस्राएली आपला पाप के सुरतावदे अर परमेश्वर के हूनांग वांचावता करता प्रार्थना करदे।

हर बार जब इस्राएली सुरतावदे तब परमेश्वर हूनांग वांचाईद। हुन एकलो सांडावता इता चो दुवारा इसे करीद-एकलो इसो जन जो हूनाचा शत्रु चो विरुद्ध लड़ीद अर हूनांग हाराईद तब देशे शांति होईद अर हुन सांडावयो इतो हूनाक अच्छा से शासन करीद। परमेश्वर हुन मानेयांग वांचावता करता खुबेय सांडावया इता पठावलो। परमेशवर लघेय चा एकला मिद्यानियांग चा दुवारा इस्राएलियांग हारावता करता फेरेय इसे करलो।

मिद्यानिया सात साल तक इस्राएलियांग चा फसलांग लुटला। इस्राएली मानेय खुबेय भय होऊरहत अर हूनी गुफायें लुकला ताकि मिद्यानि मानेय हूनांग खोजुक ईपावत आखिर हूनांग वांचावता करता हूनिइता परमेश्वर के चीचयावला।

गिदोन नाव चो एकलो इस्राएली मानेय रेहेय। एक दिन हुन एक गुप्त जघाये गहूं झाड़ते रेहेय ताकि मिद्यानि मानेय हूनाक चोरुक इपावत। यहोवा चा स्वर्ग दूत गिदोन लग एउन हूनाक बल्ला, ”ऐ शूरवीर सुरमा परमेशवर तुचा संग आसेय। जा अर इस्राएलियांग मिद्यानियांग लगले वांचाव।”

गिदोन चो बापीता लग मूर्ति समर्पित एकठान वेदी रेहेय। सबले पहली बात जो परमेश्वर गिदोन के करुक बल्लो हुन वेदिक टोड़तो रेहेय। तबले गिदोन मानेयांग भय होवयो आय, याहायकरता रात होताक वाट देखेय। तब हूनीईता हुन वेदिक टोडून कुटका-कुटका करु दिलो। हुन परमेशवर करता एकठान नवो वेदी बनावलो अर हूनाये परमेशवर करता बलि चघावला।

काली बिहाने मानेय देखला कि कोनतो वेदिक टोडून कुटका-कुटका करू दिला। हूनी गिदोन के मारता करता घरे गला, तबले गिदोन चा बापीता बल्लो, ”तुमी कायेंक आपला देवांग चो सहायता करता चो कोशिश करुक होला सा? अगर हुन देव आय तो हूनाक आपलो सुरक्षा खुद करुक देहास।, “कायंकी हूनीतो इसे बल्लो याहायकरता मानेय गिदोन के ईमारला।

तब इस्राएलियांग लुटता करता मिद्यानी मानेय फेरेय इला। हूनी खुबेय रहत कि हूनांग चो गिनती बल करुक ईसकत। गिदोन हूनाचो विरुद्ध लड़ता करता इस्राएलियांग एक साथ कोकलो। गिदोन परमेशवर के दुय ठान चिन्हांग चो मांग करलो ताकि हूनांग विशवास होवो कि परमेशवर सच मे हूनाक इस्राएल के वाचवता करता बलिदा हेय।

पुरहेय चिन्ह करता, गिदोन भेड़ी चा चामेटाक भूये मांडाउन परमेशवर के बल्लो कि बिहाने चो ओस केवल भेड़ी चा हुन चामेटाये पड़ो अर भूये ईपड़ो। परमेशवर के बल्लो कि भूय फिजो तबले भेड़ी चो इहिं दूय ठान चिन्हांग चो कारन, गिदोन विशवास करलो कि परमेश्वर सच में चाहीदा हेय कि हुन इस्राएलियांग मिद्यानियांग ले वाचाइद।

तब गिदोन सैनिकांग आपला लग कोकलो अर 32,000 मानस इला। तबले परमेश्वर हूनाक बल्लो कि इहीं खुबेय ज्यादा आसत। मतलब गिदोन हूनी सपा 22,000 घरे वापस पठाव दिलो जे लडुक भय होत। परमेशवर गिदोन के बल्लो कि इहीं मानस एभे बल खुबेय ज्यादा आसत। याहायकरता गिदोन 300 सैनिकांग साडून हूनी सपांग घरे पठाव दिलो।

हुन राती गिदोन के बल्लो, ”मिद्यानियांग चा छावनीये जा अर हूनांग चा गोठीयाव तांग इताक सुन। जब तुयं सुनसे कि हूनि का्य गोठीयावधात तब तुयं हूनांग हमला करुक भय इहोसे। ”हूनेय करता हुन राती, गिदोन खाले हूनांग चा छावनीये गेलो अर हुन इतो एकला मिद्यानिक सैनिक के आपला संगवारिक हुन गोठ सांगताक सुनलो जो हुन सपनाये देखू रेहेय। हुन मानस संगवारी बल्लो, या सपना चो अर्थ आय कि गिदोन चा सेना हमचा मिद्यानि सेनांग पराजित करू दे दे!” जब गिदोन यो सुनलो तब परमेश्वर चो स्तुति करलो।

तब गिदोन आपला सैनिकांग लग इलो अर हूनांगयेले हर एक के एक-एक ठान नरसिंगा, एक ठान माटी चो पात्र अर एक ठान मशाल दिलो। हूनीइता हुन छावनिक घेरला जहा मिद्यानि सैनिक सोवते रहत। गिदोन चा 300 सैनिक आपला आगी कुडशये दाकलो रेहेय याहायकरता मिद्यानि मानेय हूनी आगी चा उजड़ के देखुक ईपावला।

तब गिदोन चा सपा सैनिक आपला पात्रके एकेय धाव टोडून उबुकले कुडेचा आगिक प्रघट करु दिलो। हूनिइता नरसिंगा फुकला अर चिचयावला, यहोवा तेवं अर गिदोन चो तलवार!”

परमेश्वर मिद्यानियांग घबराव दिलो, याहायकरता हूनि याहाक-हूनाक मारुक काटुक लगला। जल्दी गिदोन हूनि खबरयांग खुबेय दुसरा इस्राएलियांग मिद्यानियांग चा पीछा करुक हूनांग चो सहायता करुक कोकुक पटावलो। हूनिइता हूनांग लगले खुबेयांग मारू दिला अर आधो झनांग पीछा करूँन हूनांग इस्राएल देश ले बाहिर निकराव दिला। हून दिन 1,20,000 मिद्यानि मरला। ईसायेयं परमेशवर इस्राएल के वांचावलो।

हूनि मानेय गिदोन के आपलो राजा बनाऊक चाहते रहत, तबले गिदोन हूनांग इसे करुक ईदेय, तबले हुन हूनांग हुन सोना चा आभुषण के मांगलो जो हूनियांग लगले हर एक मिद्यानिया लुटू रहत। हूनि मानेय बडेय चो सोना दिला।

तब गिदोन हुन सोना चो एक ठान खाश कपड़ा बनावलो जिसे कि महायाजक लयत। तबले मानेय हूनाचो उपास करतो शुरू करला जिसे कि हुन एक ठान मूर्ति आय तब परमेश्वर फेर इस्राएलियांग दण्ड दिलो कायंकी हूनिइता मूर्ति चो उपास करू रहत। परमेश्वर हूनांग चा शत्रुयांग हूनांग पराजित करुक सक्षम करलो आखिर हूनिइता फेरेय परमेश्वर के सहायता करुक प्रार्थना करला अर एकलो दुसरा सांडावयो इतो पठावलो।

योहोय गोठ कई बार घटित होलो: इस्राएली मानेय पाप करदे परमेश्वर हूनांग दण्ड देइद, हूनि पश्चाताप करदे, अर परमेश्वर हूनांग सांडावता करता कोंहूक घला पठाइद। कई साल तक परमेश्वर खुबेय सांडावया ईतांग पठावलो हुनिइता इस्राएलियांग हूनांग चा शत्रुयांग वांचावलो।

आखिर हूनि, मानेय दुसरा देशांग चो इसा परमेश्वर के आपला करता एकलो राजा चो मांग करला। हूनि एकलो इसो राजा चाहत जो ऊँच अर शक्ति शाली होवो जो लड़ाइयें हूनांग चो अगवाही करुक सको। परमेश्वर के यो निवेदन पसंद इयेय, तबले हुन हूनांग हूसोय राजा दिलो जिसों हूनिइता मांग करू रहत।