33. एकला किसान चो काहनी

एक दिन, यीशु झील चा धड़ीये लघेय रेहेय हून मानेयांग चा एक खुबेय बड़े भीड़ के शिक्षा देते रेहेय। हूनाक सुनता करता खुबेय मानेय इला कि यीशु लग हूनी सब संग गोठयावता करता जगह ईमिरेय हूनेय करता हून पानीये चा डोंगाये चघलो हूता हून बसलो अर मानेयांग शिक्षा दिलो।

यीशु हूनांग यो कहानी सुनावलो, “एकलो किसान बीज बोऊक बाहर निकरलो। जब हून हाथे बीज के बिखरते रेहेय तो कुछ बीज मार्गे गिरला। तबले चेड़ेला ऐऊन हून सब बीज के खादला।”

“दुसरा बीज पथरीली भूये गिरला जहा एक दम कम माटी रेहेय। पथरीली भूये गिरला बीज एकदम जल्दी अंकुरित होला, तबले हूनांग चा जड़ भूये खाले जाऊक सक्षम ईरहत। जब बेर निकरलो अर गर्मी होलो तो हून पौधा मुरझावलो अर मारलो।”

“तबले दुसरा बीज लाटा चा मझत गिरला हून बीज बडुक सुरु करला, तबले कांटा हूनांग दबावला। हूनेय करता कांटेदार भूये गिरला बीज ले निकरला पौधा येले कोई बल अनाज उत्पन करुक ईपावला।”

“दुसरा बीज अच्छा भूये गिरला हून बीज बढ़ला अर जीवला बीज बोंवला रहत हुताले 30, 60, अर ईथा तक कि 100 गुणा अनाज उत्पन करला। जो कोइ बल परमेश्वर चा पाटतेंव हिडूक चाहिदा हेय, हून बाते ध्यान देवो जो मै बलिदा हेंय!”

यो कहानी चेलांग उलझने डालु दिलो। हूनेय करता यीशु व्याख्या करलो, “ हून बीज परमेश्वर चो वचन आय। हून मार्ग एकलो इसो मानेय आय जो परमेश्वर चा वचन के सुनिदा हेय तबले हूनाक ईसमझेय तब सैतान हूनाचा लगले वचन के समझता येले दूर रखीदा हेय।”

“हून पथरीली भूये एसो मानेय आय जो परमेश्वर चा वचन के सुनिदा हेय अर आनंद ले हूनाक मानिदा हेय। तबले जब मुश्किल समय एयदा हेय, या तब अन्य मानेय हूनाक सतावधात, तो हून परमेश्वर से दूर जायदा हेय। मतलब हून परमेश्वर के भरोशा करतो बंद करिदा हेय।”

“हून कांटेदार भूय इसो मानेय आय जो परमेश्वर चा वचन के सुनिदा हेय। तबले हून खूब गोठांग चा बारेये चिंता करतो सुरु करू देयदा हेय, अर हूनचा खुबेय धन कमावता चा कोशिस करिदा हेय, अर हून खुबेय चीज पांवता चो कोशिस करिदा हेय, कुछ समय चा बाद एभे हून परमेश्वर के प्रेम करता चो सक्षम नाही हूनेय करता जो हून परमेश्वर चा वचन के सिखु रेहेय हून हूनाक परमेश्वर के प्रशन्न करुक सक्षम इकरेय। हून गंहू चा देठांग चो समान आय जो कही अनाज उत्पन्न इकरेय।”

“तबले अच्छा भूये हून मानेय आय जो परमेश्वर चा वचन के सुनिदा हेय, हूनाचा लग विश्वास करिदा हेय, अर फेर उत्पन्न करिदा हेय।”