32. यीशु दुष्ट आत्मा ग्रस्त मानेयांग अर एकली बीमार बायलीक अच्छा करिदा

यीशु अर हूनाचा चेला आपला डोंगाये हून क्षेत्र गेला जहा गिरासेनी मानेय रहया आत। हूनी हून क्षेत्र अम्बरून डोंगायेले उतरून गेला।

हूता एकलो मानेय रेहेय जो दुष्ट आत्माए ग्रस्त रेहेय।

यो मानेंय इतना ताकत वर रेहेय कि कोटू बल हुनाक नियंत्रित करूक इसकत। कई बार मानेंय हुनाचा हाथ अर खाटांग जंजीरे बल बाँधला, तबले हुन हूनांग तोडुक देवयो आय!

हुन मानेय हुन क्षेत्र मड़हा लाटाडे रहयो आय। हुन मानेय पूरा दिन अर पूरा रात चिचयावते रहयो आय। हून कपड़ा इलाययो आय अर अक्सर खुद के पखनाये घायल करलो आय।

हून मानेय परउन यीशु लग इलो अर हूनाचा पुरहे मांडी मोड्लो। तब यीशु हून मानेय चा भीतरे चा दुष्ट आत्माक गोठयावलो अर बल्लो, “ या मानेय लगले बाहिर निकर!

हून दुष्ट आत्मा ऊँची आवाजे चिचयावलो, “ हे यीशु, परम प्रधान परमेश्वर चा बेटा, तुचो माचा संग का्य काम ? कृपा करून मक इसताव! “ तब यीशु हून दुष्ट आत्माक बल्लो, “ तुचो का्य नाव आय ? हून जवाब दिलो, “ माचो नाव सेना आय कायेकी हमी खुबेय आंसु। ( रोमी सेनाये कई हजार सैनिकांग चो एक समूह एक “सेना ” होयदा हेय। )

हून दुष्ट आत्मा यीशुक विनती करलो, “ कृपा करून हम या क्षेत्र ले बाहर ईपठाव! “ हूताय लघेय चा वादोड़ये सोरांग चो एक झुण्ड चरते रहत। हूनेय करता हूनी दुष्ट आत्मा यीशुक विनती करला, “ कृपा करून हमक हून सोरांग लग पठावदे। यीशु बल्लो, “ ठीक आय, हूनांग लग जहा! ”

अत: हूनी दुष्ट आत्मा हून मानेय लगले निकरून हूनी सोरांग लग प्रवेश करला। हूनी सोरा पराउन एक बड़ेय ऊचेले झीले डेवागला अर डूबुन मरला। हून झुंडे लग भग 2,000 सोरा रहत।

हूता हून सोरांग चो देखभाल करया इता मानेय रहत। जो कही घला होऊ रेहेय जब हूनी इता देखला तब हूनी नगरे परावला। यीशु जो करू रेहेय हूता हूनी इता सबके सांगला। हून नगर चा मानेय निकरून इला अर हून मानेय के देखला जेचा लग दुष्ट आत्मा रेहेय। हून शान्ति से कपड़ा लायु रेहेय, अर एक सामान्य मानेय इसा व्यवहार करते बसु रेहेय।

हूनी मानेय भय होऊ रेहेय अर हूनी इता यीशुक जाता करता बल्ला अत: यीशु डोंगाये चघलो। हून मानेय जेचा लग दुष्ट आत्मा रेहेय हून यीशु संग जाता करता विनती करलो।

तबले यीशु हूनांग बल्लो, “ हाआ। मै चाहिंदा कि तुंय घरे जाऊन सबके सांग कि परमेश्वर तुचा लग दया करू रेहेय। ”

हूनेय करता हून मानेय गेलो अर सब के या बारेये सांगलो जो यीशु हूनाचा करता करू रेहेय। हूनाचो कहानीक सुनया इता हर एक जन चकित होऊ रेहेय।

यीशु झील चा दुसरा तेंव बाह्डून इलो। हूनाचा हूता अम्बरला चा बाद, एक बड़े भीड़ हूनाचा आस पास चा एकेयलक होला अर हूनाक दबाऊक लगला। हून भिड़े एकली बायली रेहेय जो बारह साल ले रकत बाहतो समास्याये पीड़ित रेहेय। हून आपला धन के चिकित्सक देऊ रेहेय ताकि हून हूनेक ठीक करुक सको, तबले हूनेचा रोग अऊर बिगडू रेहेय।

हूनिईतो सुनु रेहेय कि यीशु कई बीमार मानेयांग ठीक करू रेहेय अर हून इतो सोचलो, “ मै निशचित आसेय कि यदि मै मै केवल यीशु चा कपड़ाकेय सिविंव तो मै बल ठीक होहिव! “ हूनेय करता यीशु चा पाटतेंवली इली अर हूनाचा कपड़ाक सिवली। जिसे हून हूनाक सिंवली, रकत बाहतो बंद होलो।

तुरन्त, यीशु जानलो कि हूनाचा लगले सामर्थ निकरलो हाय। हूनेय करता हून पाटतेंव पलटून समझाव्लो, “ मक कौन सिंवलो ? ” चेला जवाब दिला, “ ईथा ईतलो मानेय तुचा एक भोंवर भीड़ लगावला हात, अर तुक ठेल धात। तो तुंय कायेकी समझावस। कि मक कौन सिंवलो ?”

हून बायली यीशु चा पुरहे थरथरतेय अर खुबेय भय होतेय आपला मंडाग मोडुन बसली। तब हून हूनाक सांगू दिली कि हून का्य करली हाय, अर यो बल कि हून ठीक होलो हाय। यीशु हूनेक बल्लो, “तुचो विश्वास तुक चंगा करलो शांति से जा।