31. यीशु पानीयें हिन्डीदा

पांच हजार मानेयांग भोजन कारवाला बाद, यीशु आपला चेलांग डोंगाये जाता करता बल्लो। हून हूनांग झील चा दुसरा तेंव जाता करता बल्लो जबकि हून एक डंडीक करता हूताय थेबलो। अत: चेला गेला अर यीशु भीड़ के विदाक करला कि हूनी आपला घरे जाओत। याह चा पासे, यीशु प्रार्थना करुक एक ठान डोंगराये गेलो। हूता हून एकेक लोय रेहेय, अर हून देर तक राती प्रार्थना करलो।

हून समय, चेला आपला डोंगाक खेतेय जाते रहत, तबले हवा हूनांग चा विरुध्द खुबेय जोर यो बड़ते रेहेय। खुबेय रात होऊ रेहेय तबले बल हूनी केवल झील चा मंझते अमरु रहत।

हून समय यीशु प्रार्थना करताक उरकावलो अर आपला चेलांग लग वापस जाउक सुरु करलो। हून डोंगा तेंव जाता करता पानी चा उपरे हिंडते रेहेय।

तब चेला हूनाक देखला। हूनी खुबेय भय होला कांयेकी हूनिईता सोचला कि हून कोंहु भुत आय। यीशु जानते रेहेय, कि हूनी भय होऊ रहत। हूनेयकरता हून हूनांग चिचयाउन बल्लो, “ भय इहोवा, यो मै आय!”

तब पतरस यीशुक बल्लो, “हे प्रभु, अगर यो तुंय आस तो मक पानीये हिंडता करता तुचा लग एता चो आदेश दे।” यीशु पतरस के बल्लो, “आव!”

अत: पतरस डोंगायेले उतरलो अर यीशु लग जाता करता पानी चो उपरे हिंडता चो सुरु करलो। तबले हूतली दूर जाऊन, हून आपला डोरांग यीशु लगले फेरलो अर लहर के देखलो अर तेज हवाक महसूस करतो सुरु करलो।

तब पतरस भय होलो अर पानीये डूबते रेहेय। हून चिचयावलो, “ हे प्रभु, मक बाचाव।” यीशु हूनेय समय हाथ लाम्बाउन हूनाक धरलो। तब हून पतरस के बल्लो, “ तुचो विशवास खुबेय कम आसय। तुंक सुरक्षित करावता करता तुंय माचा लग भरोशा कायेकी इकरस ?”

तब यीशु अर पतरस डोंगाये चघलो, अर तुरन्त हवा चो एतो बन्द होलो। पानी शांत होलो। चेला चकित होऊन यीशु चा पुरहे घुटना टेकून हूनिईता हूनाचो आराधना करला अर हूनिईता बल्ला, “सचमुच तुंय परमेश्वर चो बेटा आस।”