30. यीशु पांच हजार मानेयांग भात खावायदा

यीशु आपला पेरेतांग प्रचार करुक अर मानेयांग शिक्षा देता करता खुबेय अलग अलग गावांग पठावलो। जब हूनी हूता वापस इला जहा यीशु रेहेय तब हूनी इता हूनाक सांगला कि हूनी का्य करू रहत। तब यीशु हूनांग झील चा दुसरा तेंव हूनांग चा संग एक शांत जघाये जाऊन कुछ समय आराम करुक आमंत्रित करला। मतलब हूनी एक डोंगाये चघला अर झील चा दुसरा तेंव गेला।

तबले हूता खुबेय इता मानेय रहत जो यीशु अर चेलांग डोंगाये जाताक देखू रहत। यही मानेय हूनांग ले पुरहे झील चा दुसरा तेंव जाता करता झील चा धड़ी धड़ी परावला। मतलब जब यीशु अर चेला अम्बरला तब मानेयांग चो एक बड़े समूह हूनांग चो बाट देखतेय हूता पुरहेय रहत।

हुन भिड़े बायलीया अर कड़हाग चो गिनती चो बिना 5,000 ले जादा मानस रहत। यीशु हूनी मानेयांग लग तरस खादलो। यीशु करता हूनी मानेय बिना चरवाह चा भेडांग चो समान रहत। हूनेय करता हुन शिक्षा दिलो अर हूनांग चा बीचे जो बीमार रहत हूनांग चंगा करलो।

दिन चा अन्ते, चेला यीशुक बल्ला, “ एभे देर होलो हाय अर आस पासे कोंहू नगर नाही। इही मानेयांग विदा कर ताकि हूनी जाऊन खाना करता कही धर।”

तबले यीशु चेलाग बल्लो, “तुमी हूनांग खाता करता कही देहास, “हमी इसे किसे करुक सकुदा ? हमचा लग केवल पांच रोटी अर दूय ठान धुलिहीन मासरी आसत।

यीशु आपला चेलांग बल्लो कि हूनी भिड़े चा मानेयांग घासे चा पचास पचास चा समूहयांग बसुक बल्ला।

तब यीशु पांच रोटी अर दुय ठान मासलियांग धरून स्वर्ग तेंव देखलो, अर हुन भोजन करता परमेश्वर के धन्यवाद दिलो।

फेर यीशु रोटी अर मासलियांग कुटका कूटकालो। हुन मानेयांग देता करता आपला चेलांग हुन कुटकांग दिलो। चेला हुन भोजन के बाँटते रहत, अर हुन केभेय ईयुरकेय। हूनी सपा मानेय खाऊन तृप्त होला।

हूनाचा बाद, चेला हुन भोजन के एकेयलक करला जेके ईखाऊ रहत अर हुन बारह टुकनियांग भरता करता पर्याप्त रेहेय। हुन सपा भोजन हूनी पांच रोटी अर दूयठान मासलियांग ले ऐऊ रेहेय।