29. जीव ईदुकावया दास चो काहानी

एक दिन पतरस यीशुक समझावलो, “हे स्वामी मक माचा भाईक कितला बार क्षमा करतो आय जब हुन माचा विरुध्द पाप करिदाहेय का्य सात बार तक ? “यीशु बल्लो, “सात बार नोहोय, तबले सात चो सत्तर बार। “याहचो द्वारा, यीशु चो मतलब आय कि हमक हमेशा क्षमा करतो आय। तब यीशु यो कहानी सांगलो।

यीशु बल, “परमेश्वर का राज्य एक राजा चो समान आय जो आपला दास के लेखा नेऊक चाहते रेहेय हूनाचो एकलो दास 2,00,000 साल चो मजदूरी चो एक बड़े कर्ज चो कर्जदार रेहेय।”

तबले हुन दास आपला कर्ज के चुकाऊक ईपावलो, हूनेय करता राजा बल्लो, “याह चो कर्ज चुकावता करता या मानस के अर याहचा परिवार के दास चा रुपे बिकु देहास।

“हुन दास राजा चा पुरहे आपला मांडागये गिरून बल्लो, ‘कृपया माचा संग धीरज धर, अर मै माचा कर्ज के पूरी रकम चो भुगतान करू देयीना।‘ राजा दास के दया करलो, हूनेय करता हुन इतो सपा कर्ज के क्षमा करूँ दिलो अर हूनाक जाऊक दिलो।”

तबले जब हुन दास राजा लगले दुवारे गेलो तब हूनाक हूनाचो एकलो संगवारी दास मिरलो जो हूनाचो चार महिना चा मजदूरी चो कर्जदार रेहेय। हुन दास आपला संगवारी दास के धरलो अर बल्लो, “जो तुचा ऊपरे माचो कर्ज आसेय मक हूनाचो भुगतान कर!”

हुन संगवारी दास मांडा चा खले गिरून बल्लो, कृपया माचा संग धीरज धर, अर मै माचा कर्जा चो पूरा रकम भुगतान करू देईन। तबले याहचो बजाए हुन दास आपला संगवारी दास के जेलखानाये डालु दिलो जब तक कि हुन कर्ज चो भुगतान करून ईदेय।”

जो कुछ होऊ रेहेय हूना कुछ दुसरा दास देखता अर हूनी खुबेय परेसान होला हूनी राजा लग गेला अर हूनाक सब कुछ सांगला।”

राजा हुन दास के कोकून बल्लो, हे दुष्ट दास मै तुचा कर्ज के हूनेय करता क्षमा करू रेहेय काये कि तुंय मक विनती करू रहस। तुक बल हूसेय करतो रेहेय। राजा ईतलो रीस होऊ रहे कि हुन दुष्ट दास के जेलखानाये डालु दिलो जब तक कि हुन आपला सपा कर्ज के वापस भुगतान के करुक ईदेय।”

तब यीशु बालो, “मचो स्वर्गे विराजमान पिता तुमन ले हर एक चा संग योहोय करीद अग तुमी आपला भाईक आपला दिल से क्षमा ईकरास।”