4. अब्राहम संग परमेशवर चो वाचा

पुर चा कई साल बाद, संसारे खुबेय मानेय रहया इता आत, अर हूनी इता फेरेय परमेश्वर अर याहाचा हूनाचा विरुद्ध करला। कायंकी हुन सब एकठान भाषा बलिया इता आत, याह्ययकरता हूनी एकेय लग होला अर संसार के भरुदेउक परमेश्वर चा आदेश के बजाए एक नगर के बनावला।

खूबेय घमंडी रहत, अर हूनांग किसे जीवन जीवतो आय हुन बारेयें हुन परमेश्वर चा आदेश के पालन करुक ईचाह्त। ईथातक कि एक इसो मीनार के बनाऊक सुरु करला जो स्वर्ग तक अमबरो। परमेश्वर देखलो कि अगर हूनी एक मिलुन बुराई करते रदे, तो हूनी खुबेय पाप काय करुक सकधात।

परमेश्वर हूनाचा भाषा क खुबेय अलग-अलग भाषा ये बदलू दिलो अर हूनी मानेयांग सपा संसारे फैलाव दिलो। जे नगर के हूनिइता बनाऊक सुरु करू रहत हुन बाबेल बलया आत, जेचो अर्थ आय “गड़बड़ी”।

कई सौ साल बाद, परमेश्वर अब्राहम नाव चो मानेय संग गोठयावलो। परमेश्वर हूनाक बल्लो, “आपला देश के अर परिवार के साडून हुन देशे जा जो मै तुक देखाईन। मै तुक आशिष देइन अर तुक एक बड़े जाति बनाईन। मै तुचा नाव माहान बनाईन। जो तुक आशिष देइद हूनाक आशीष देईन, अर जो तुक श्राप देइद हूनाक मै श्राप देइन। तुचा कारन संसारे चा सपा कूल आशीष पावदे।”

मतलब आब्राम परमेश्वर चो बात मानलो। हुन आपला सपा सेवकांग अर सपा सम्पति समेत आपली बायली सारे के धरलो अर हुन देश चा, कनान देशे गेलो जो परमेश्वर हूनाक देखाव रेहेय।

जब अब्राम कनान अंबरलो तब परमेश्वर हूनाक बल्लो, “आपला एक भोवार देख मै तुक या सपा देश के देईन अर तुचा वंसज हमेसा करता याहा ये अधिकार रखदे।” तब अब्राम हुन देशे बसलो।

मलिकीसिदक नाव चो एकलो मानेय रेहेय जो सर्वोच्च परमेश्वर चो याजक रेहेय। एक दिन अब्राम युद्ध करला चा पासे एते रेहेय तो हुन अर अब्राम मिल्ला। मलिकीसिदक अब्राम के आशिष दिलो अर बल्लो “सर्वोच्च परमेश्वर जो स्वर्ग अर पृथ्वी चो स्वामी आय हुन तुक आशिष देवो।” फेर अब्राम युद्ध जीतला ईता सब चिजांग चो दसमांश मलिकीसिदक के दिलो।

साल बितलो, तबले एभे बल अब्राम अर सारे चा कोंहू कडहा इरहत। परमेश्वर अब्राम के गोठयावलो अर फेर प्रतिज्ञा करलो हूनाचो एक बेटा जनम होईद जिसे आकासे तारा आसत हुसेय हूनाचा खुबेय वंसज होदे। अब्राम परमेश्वर चा प्रतिज्ञाये विश्वास करलो। परमेश्वर घोषडा करलो कि अब्राम एक धर्मी मानेय आय कायंकी हुन परमेश्वर चा प्रतिज्ञाक विश्वास करू रेहेय।

तब परमेश्वर अब्राम के एक वाचा बांधलो। सामन्य रुपे, एक वाचा दुय दल चा बिचे एक दुसरा करता का्य करुक एक समझोता होयदा हैय। परमेश्वर अब्राम के हुन प्रतिज्ञा तब करू रेहेय जब अब्राम सोऊ रेहेय, तबले हुन परमेश्वर के सुनुक सकेय। परमेश्वर बल्लो, “ मै तुचा देहें ले जनम करून तुक तुचो एक निज बेटा देइन। मै तुचा वनसजांग हुन कनान देश के देयदा है। ”तबले एभे बल अब्राम चा कोंहू कडहा ईरहत।