5. वादा चो बेटा

अब्राहम अर सारे के कनान अम्बरला चा दस साल चा पासे, एभे बल एकलो हूनाचा कोहू कड़हा इरेहेय। याहायकारता अब्राहम ची बायली सारे हूनाक बल्ली, “कायंकी परमेश्वर एभेले मक कड़ाहा जनमावता चो क्षमता ईकरलो हाय अर एभे मै कड़हा जनमावता करता खुबेय डोकरी होलेय, देख, माची दाची हाजिरा ईथा आसेय हूनेक बिहाव कर कि हुन माचा करता एकलो कड़हो जनमाओ।

मतलब अब्राहम हाजिराक बिहाव करलो। हाजिरा चो एकलो कड़हो जनमली अर अब्राहम हुनाचो नाव ईश्माएल ठोवलो। तबले सारे हाजिराक जलन होली जब ईश्माएल तेरा साल चो रेहेय, परमेश्वर फेरय अब्राहम के गोठयावलो।

परमेश्वर बल्लो, “मैं सर्व शक्तिमान परमेशवर आयं। मैं तुचा संग एक वाचा बांधीन। ”तब अब्राहम भूये घुढून पांय पड़लो। परमेशवर अब्राहम के यों बल बल्लो, “तुय खुबेय जाति चो बाप होसे। अर तुचा वंशज के हूनाचा निज भूय होता करता कनान देश के देयीन। अर मैं हमेशा करता हूनाचो परमेश्वर होइन। तुक तुचा परिवार के हर मानस चो खतना करसे।”

तुची बायली सारे एकलो कड़हो जनमीद हुन प्रतिज्ञा चो कड़हो होइद। हूनाचो नाव इसाहक ठोवसे। मैं हूनाचा संग माचो वाचा बनाउन ठोविन मैं एक बड़ेय जाति बनाईन। मैं ईश्माएल के बल बड़ेय जाति बनाईन, तबले माचो वाचा इसहाक संग रहिद।’’ तब परमेश्वर अब्राहम चो नाव बदलून अब्राहम ठोवलो, हूनाचो (अर्थ ) आय, ‘’खूबेय झनचो बाप। ’’परमेशवर सारे चो नाव बदलुन सारा बनाव दिलो हूनाचो (अर्थ ) आय “मुलमाता‘’।

दिन अब्राम आपला परिवार चा सपा मानसांग चो खतना करलो। लग भग एक साल चा पासे, जब अब्राम 100 साल उम्र चो आय सारा 90 साल ची रेहेय, तब सारा अब्राम चा कड़हाक जनम दिली। जिसे परमेश्वर हूनांग बलु रेहेय हूनिइता हूनाचो नाव ईसाहक ठोवला।

जब ईसाहक जवान होलो तब परमेश्वर यो बलुन अब्राम चा विश्वाश चो परीक्षा धरलो, “तुचा एक लौता बेटाक धर अर हूनाक माचा करता बली चा रुपे मारू देसे।“ फेर अब्राहम कड़हाक बलि करुक तियार करलो।

जब अब्राहम अर ईसाहक बलि चघावता डेरा तेंव जाते रहत तब इसहाक समजावलो, “ऐ बाबा, हमचालग बलि करता लकड़ी तो आसत, तबले बलि करुक भेडा कहाँ आसेय ? “अब्राहम जवाब दिलो, हे माचा बेटा, “परमेश्वर बलि करुक भेडा तयार करिद।”

जब हुन बलि चघावता डेराये अम्बरला, तब अब्राहम ईसाहक के बांधून वेदिये सोवाव दिलो। हुन आपला कड़हाक मारियो इतो रेहेय अर परमेश्वर बल्लो, “थेबुन रा! लेकाक नुकसान ईकर! एभे मै जानले हाय कि तुय माचो भय मानसा कायंकी तुय तुचा एक लोता कड़हाक माचा करता वाचा ऊन इढोवस।”

लघेय अब्राहम एकठान मेढाक देखलो हुन लाटाडे फसू रेहेय। ईसाहक चा बदलाये बलि करता परमेश्वर मेढाक खोजू रेहेय। अब्राहम हरिकेय-हरीक मेढाक बलि चघावलो।

नाहरी : तब परमेश्वर अब्राहम के बल्लो, “कायंकी तुय माचा करता सब कुछ देऊक इच्छा रेहेय, ईथा तक कि आपला एक लोता कड़हाक बल, याहायकरता मै तुक आशीर्वाद देता चो प्रतिज्ञा करिदा। तुचा वंशज आकाश चा तारा ले बल जादा होदे। कायंकी तुय माचा आज्ञाक मानसा याहायकरता मै तुचा दुवारा संसार चा सपा कुल के आशीर्वाद देयीन।”