6. परमेशवर इसाहक करता तयार करिदा हेय

जब अब्राहम खुबेय डोकरो होवू रेहेय तब हूनाचो बेटा इतो, ईसाहक, एक मानेय उम्र चो होऊ रेहेय। याहायकरता अब्राहम आपला एक सेवक के आपला बेटाक ईसाहक करता हुन देश एकली लेकी आनुक पठावलो जहा हूनाचा सगा रहत।

जहा अब्राहम चा सगा रहत हुन देश जाउक एक खुबेय लम्बा यात्रा चा पासे परमेश्वर हुन नौकर के साक्षातकार रिबका संग करावलो। हुनइती अब्राहम चा भाई ईता ची नातेनी आय।

रिबका आपला परिवार के साडून हुन नौकर संग बाह्डून एऊक मानली। जिसे हुन अम्बरली ईसाहक हुनेक बिहाव करलो।

एक खुबेय दिन चा पासे, अब्राहम मरलो। तब परमेश्वर अब्राहम चा कड़हाक ईसाहक के अब्राहम चा संग बांधी होला वाचा चा कारने आशीर्वाद दिलो हुन वाचा परमेश्वर चो प्रतिज्ञा रेहेय कि अब्राहम चा अनगिनत वंशज होदे तबले ईसाहक ची बायली रिबका कड़हा इजनमेय।

ईसाहक रिबका करता प्राथना करलो, अर परमेश्वर हूनेक जुडवा कड़हांग चो गर्भ धारण करता चो सक्षम करलो। हुन समय हुन कड़हा रिबका चा पुटाये रहत हुन याहचा हूनाचा संग झगड़ा होत, याहायकरता जो घला होते रेहेय रिबका परमेश्वर के सांगू दिली।

परमेश्वर रिबका क बल्लो, “तुय दुयझन कड़हांग जनमावसे। हूनांग चा वंशज दुय अलग-अलग जाति बनदे। हुन याहचा हूनाचा संग झगड़ा होदे। तबले बड़े कड़हायेले जनम होवया ईता जातिक धुला कड़हा ले एवया इता जाति चा आज्ञाक मानुक पड़ीद।”

जब रिबका चा कड़हांग चो जनम होलो, तब बड़े कड़हो लाल अर रोयेदार आय, अर हूनाचो नाव एसाव टोवलो। तब धुलो कड़हो एसाव चा रेड़ाक धरून जनमलो, अर हूनिइता हूनाचो नाव याकूब ठोवलो।