7. परमेशवर याकूब के आशिष देयदा हेय

जब हुन कड़हा बड़े होला तब याकूब के घरे रतो अच्छा लागलो, तबले एसाव के जानवरांग शिकार करतो भावलो। रिबका याकूब के प्रेम करली तबले इसाहक एसाव के मया करलो।

एक दिन, जब एसाव हिड़ता तेवले बाहडून इलो तब हुन खुबेय भूक होऊ रेहेय। एसाव याकूब के बल्लो, “जेके तुय राधलीसा हुताचो इतली भात मक दे। “याकूब जवाब दिलो, “पुरहे मक यो प्रतिज्ञा करकी बड़े बेटा होता चो कारने हर एक चीज तुक मिरयो आय, हुन सबके तुय मक देसे।”मतलब एसाव हुन सपा चिजांग याकूब के देता चो प्रतिज्ञा करू दिलो। तब याकूब हुनाक भात दिलो।

इसहाक एसाव के आशीर्वाद देऊक चाहेय। तबले याहचोले पुरहे कि हूनितो इसे करला, रिबका अर याकूब एसाव होता चो ढोंग करुन हूनाचा संग धोका करला। इसहाक डोकरो आय अर एभे देखुक इसकेय। याहायकरता याकूब एसाव चा कपड़ा लयलो अर सेरी चामेटाक आपला डोके अर हाथयांग लटकावलो।

याकूब इसहाक लग इलो अर बल्लो, “मै एसाव आय। मै याहायकरता इले हाय कि तुय मक आशिर्वाद दे। ”जब इसहाक सेरी चा केसांग अनताजलो अर कपड़ा जूघलो, तब हूनितो सिंचलो कि हुन एसाव आय अर हूनाक आशीर्वाद दिलो।

एसाव याकूब के रीस करलो तबले याकूब हूनाचा बड़े बेटा चो अधिकार के अर संगेय हूनाचा आशिश के बल चोरलो। मतलब हुन हूनाचा बाप चा मरला चा पासे याकूब के मारता चो प्लान बनावलो।

तबले रिबका एसाव चा प्लान के सूनु रेहेय। याहायकरता हूनिती अर इसहाक याकूब के हूनी रिश्तेदार ईताग संग रहता करता खुबेय धुर पटावला।

याकूब खुबेय साल रिबका चा रिश्तेदार संग रेहेय। हुन समय चा दोरान हुन बिहाव करलो अर बारा झन लेकृयांग अर एकली लेकिक जनमावली। परमेश्वर हूनाक खुबेय अमीर बनाव दिलो।

बीस साल तक कानने आपला घरे ले दूर रहला चा पासे, याकूब आपला परिवार, आपला नोकरांग, अर आपला जानवरांग चा सपा झुंडाग संग हुता बाह्डून इलो।

याहायकरता खुबेय याकूब भय होऊ रेहेय कायंकी हूनितो सोचलो कि एसाव एभे बल हूनाक मारुक चाहिदा। याहायकरता हुन उपहार चा रुपे जानवार चा झुण्ड के एसाव लग पठावलो। जो नौकर हुन झुडांग धरून जाऊ रहत हूनीता बल्ला, “तुचो दास याकूब इही जानवरांग तुक देयदा हेय। हुन जल्दी एयदा हेय।”

तबले एसाव एभे याकूब के नुकशान करुक ईचाहेय। याह चो बजाए, हुन हूनाक एक बार फेर देखुन खुबेय हरीक रेहेय। हूनाचा पासे याकूब कनाने एक दम अच्छा रेहेय। फेर ईसाहक मरलो अर याकूब अर एसाव हूनाक गाडून दिला। वाचा चो प्रतिज्ञा जो परमेश्वर अब्राहम के करू रेहेय हुन एभे ईसाहक ले याकूब लग इलो।