46. पौलूस मसीह विश्वासी बनिदा हेय

शाऊल नाव चो एकलो मानेय रेहेय हून यीशु लग विशवास ईकरु रेहेय। जब हून जवान रेहेय, तब हून स्तिफानुस के इता मानेयांग चा कपड़ाग चो निगरानी करु रहत। बादे में, हूनी विस्वसियांग सताव रहत हूनी यरूशलेमें घर घर जाउन मानस अर बायलियांग गिरफ्तार करुन जेल खानाये डालु देवु रहत। तब महयाजक शाऊल के दमिश्क नगरे जाता चो अनुमति दिलो हून हूता चा मसीह ईतांग गिरफ्तार करुक अर हूनाक वापिस यरूशलेम धरुन एता करता शाऊल के बल्लो।

अत: शाऊल दमिश्क जाता चो यात्रा सुरु करलो। हून नगरे के अम्बरला चा इतली पुरहे, हूनाचा एकभवांर आकाशे ले उजड़ प्रकाश चमकलो, अर हून भूये गिरलो। शाऊल काचा तो बलताक सुनलो, “ हे शाऊल! हे शाऊल तुंय मक कायेक सतावसा ?” शाऊल समझावलो, “ हे प्रभु तुंय कोन आस ?” यीशु हूनाक जवाब दिलो, “मै यीशु आंय। तुंय मक सतावसा!”

जब शाऊल उठलो तो हून देखुक इसकेय। हूनाचा संगवारी हूनाक दमिश्क नेऊ रहत। शाऊल तीन दिन तक कांही ईखाउरेहेय ना ईपिऊ रेहेय।

दमिश्कयें हनन्याह नाव चो एकलो चेला रेहेये। परमेश्वर हुनांग बल्लो,” हुन घरे जा जहाँ शाऊल रूकलो हाय। तुचा हाथ के हुनाचा लग ताकि हुन फेरेय देखो।” तबले हनन्याह बल्लो,”हे प्रभु मैं सुनले आंहेयं कि यो मानेंय विश्वासीयांग किसे सतावलो हाय।” परमेश्वर हुनाक जवाब दिलो,” जा। मैं हुनाक यहुदियाग अर दूसरा जाति चा मानेंयाग जग माचा नाव चो घोषणा करूक चुनले हाय।हुन माच। नाव करता खुबेय कष्ट सहिद! “

अत: हनन्याह शाऊल लग गेलो आपला के हुनाचा लग रखलो, अर बल्लो,” यीशु जो एथा एउक तुचावाते तुचालग प्रकट होलो मक तुचालग पढ़ाएलो हाँय ता कि तुंय फैर देखुक सक अर पवित्र आत्मा तुक थरो। “ तुश्त शाऊल पैर देखलो अर हनन्याह हुनाक बपतिस्मा दिलो। तब शाऊल भात खदलो अर फेर बलवंत होलो।

तब ले शाऊल दमिश्क के रहया इता यहुदियांग प्रचार करतो सुरु करलो। हून बल्लो, “ यीशु ही परमेश्वर चो बेटा आय!” यहूदी मानेय अचम्भित रहत कायेंकी शाऊल तो विशवासीयांग मारता चो प्रयास करू रेहेय, तबले अब हूनितो यीशुक विशवास करू रेहेय। शाऊ यहुदियांग चा संग वाद विवाद करलो हूनितो देखवलो कि यीशु ही मसीह रेहेय।

खुबेय दिन चा बाद यहूदिया शाऊल के मारता चो योजना बनावला। हूनिईता हूनाक मारुक लाय गाव बाटे मानेयांग पठावला कि हूनाचो नजर रखुक तबले शाऊल हून योजना चा बारेये सुनु रेहेय, अर हूनाचा मित्र वाचुन निकरता चो हूनाक सहाता करला एक रात के हूनिईता हूनाक टुकलाये बसाउन गाँव चा देवालबाटक हूनाक खाले उतरवला दमिश्क ले बाचुन निकरला चा बाद शाऊल यीशु चा बारेये प्रचार करतो सुरु करलो।

शाऊल प्रेरितंग मिलता करता यरूशलेम गेलो, तबले हून हूनाक भय हवया आत। तब बरनबास नाव चो एक विशवासी शाऊल के प्रेरीत लग निलो। हूनितो हूनाग सांगलो कि शाऊल किसे सहासी होऊन दमिश्क के प्रचार करु रेहेय। हूनाचा बाद प्रेरीत शाऊल के स्वीकार करलो।

कुछ विशवासी जो यरूशलेम चा सताव ले पराव रहत हून दूर अन्ताकियाये रहया मानेय अधिकतर यहूदी ईरहत, तबले पेहली बार हूनानये ले खुबेय मानेय विशवासी बनला। बरनबास अर शाऊल इही नवा विश्वसियांग यीशु चा बारेये अर ज्यादा सिखाऊक हूता गेला अर कलिसियाक मजबूत बनावला। यीशुक विशवास करया इता पेहली बार अन्ताकिया ये ही “ मसीही कहलावला।

एक दिन, अन्ताकिया चा मसीह मानेय उपवास के साथ प्रार्थना करते रहत। पवित्र आत्मा हूनाग बल्लो, “ माचा करता बरनबास अर शाऊल के हून काम के करुक अलग करु देहास जेके करुक मै हूनाग कोकले हाय” हूनेय करता अन्ताकिया चा कलिसिया बरनबास अर शाऊल करता प्राथर्ना करला अर हून आपला हाथांग रखलो। तब हूनिईता हूनांग दुसरा खुबेय जगहये यीशु चा बारेये शुभ संदेश चो प्रचार करुक पठावदिलो। बरनबास अर शाऊल अलग – अलग जातियांग चा मानेयांग शिक्षा दिला, अर खुबेय मानेय यीशुक विशवास करला।