45. स्तिफनूस अर फिलिप्पुस

प्रथम मसीही अगवा चा बीचे स्तिफनूस नाव चो एक मानेय रेहेय। सब मानेय हूनाचो आदर करचा आत। पवित्र आत्मा हूनाक खुबेय सामर्थ अर बुध देऊ रेहेय। स्तिफनुस खुबेय चमत्कार करु रेहेय। हूनिईतो यीशु लग भरोसा करता चो बारेऐ हूनांग शिक्षा दिलो तो खुबेय मानेय हूनाचा लग विशवास करला।

एक दिन, स्तिफनुस यीशु चा बारेऐ शिक्षा देते रेहेय, अर कुछ ईसा यहूदी इला हूनिईता यीशुक विशवास ईकरता अर हूनाचा संग वाद विवाद करुक सुरु करला हून खुबेय रीस होला याहाय करता हून धार्मिक अगवांगलग गेला अर हूनाचा बारेऐ झूठ बल्ला। हूनीता बल्ला, “हमी स्तिफनुस के मुसा अर परमेश्वर चा बारेऐ गलत बलताक सुनलू हांव! “ याहय करता धार्मिक अगवा स्तिफनुस के गिरफ्तार करला अर हूनाक महायाजक अर यहूदिया चा अन्य अगवा चा पुरहे धरून आनला आउर झूठा गवाह इला अर हूनिईता स्तिफनुस चा बारेये झूठ बल्ला।

महायाजक स्तिफनुस के समझावलो, “ का्य यही मानेय तुचा बारेये सच बलधात ? “ स्तिफनुस महायाजक के जवाब देता करता खुबेय बात के बल्लतो सुरु करलो। हून बल्लो कि अब्राहम चा समय से यीशु चा समय तक परमेशवर इस्राएली चा मानेयांग करता खुबेय अनोखा काम करलो हाय तबले मानेय हमेशा परमेशवर चा अनाशाकारिता करु रहत। स्तिफनुस बल्लो तुमी मानेय परमेशवर चा विरुध्द हठीले अर बलवा करयाइता आहासा तुमी हमेशा पवित्र आत्माक अस्वीकार करलास जिसे कि हमचा पूर्वज हमेशा पवित्र आत्माक अस्वीकार करु रहत अर हमेशा हूनाचा भाविश्य्वाक्तांग मारुन राहस तबले जो हूनिईता करुन रहत हूनाचा तुलनाये तुमी आऊर बल गलत करलासा! “ तुमी मसीहक मारलास।

जब हून धार्मिक अगवा यो सुनला, तो हून ईतलो रीस होला कि हूनिईता आपला कमंग बंद करला अर जोर ले चिचयावला हून स्तिफनुस के घसीटतेंय गावले बाहिर निला अर हूनाक मारता करता हूनाक पखने दिला।

जब स्तिफनुस मरते रेहेय हून चिचयावलो उठाव, “ हे यीशु माचा आत्माक ग्रहण कर! “ तब हून आपला मांडा चा बल पड़लो अर फेरेय चिचयावलो, “ हे प्रभु, यो पाप हूनांग ईलागाव का्य तब हून मरलो।

हून दिन, यारुश्लेमये रहया ईता खुबेय मानेय यीशु चा अनुयायीयांग सतावता चो सुरु करला, याहय करता विशवासी मानेय अन्य डेराये परावला, तबले याहचो बावजुद भी जहां कही भी हून गेला हूनिईता यीशु चा बारेये प्रचार करला।

फिलिप्पुस नाव चो यीशु चो एक विशवासी रेहेय। जिसे कि दुसरा खुबेय विशवासीया करु रहत हून बल यरुशलेम ले परावला। हून सामरिया चा क्षेत्रये गेलो। हूता हूनिईतो मानेयांग यीशु चा बारेये प्रचार करलो खुबेय मानेय हूनाक विशवास करला अर उध्दार पावला। एक दिन फिलिप्पुस लग परमेशवर तेंवले एक स्वर्गदूत इलो अर हूनाक बदोड़े जाऊक करता अर एक सड़क के हिडुक बल्लो। फिलुप्पुस हूता गेलो। जब हून सड़के जाते रेहेय तो हूनितो एक मानेयक आपलो रथे जाते देखलो। यो मानेय कुश देश चो एक महत्वपूर्ण अधिकारी रेहेय। पवित्र आत्मा फिलिप्पुस के बल्लो कि जाऊन हून मानेय संग हिंडा।

याहय करता, फिलिप्पुस रथ लग गेलो। हूनितो सुनलो कि हुता कुशी परमेशवर चा वचन के पढ़ते रेहेय। जो यशायाह भविष्यवक्ता लिखु रेहेय हून हूनाक पढ़ते रेहेय। हून पढ़ते रेहेय हूनी हूनाक वध करतो इतो भेड़ी चो समान नीला अर जिसे एक मेमना शांत होयदाहे,हून बल एक शब्द ईबले। हूनी ईता हूनाचा संग अनुचित व्यावार करला अर हूनाचो आदर ईकरत। हूनी इता हूनाचो प्राण निला।

फिलिप्पुस हून कुशिक समझावलो, “जो तुंय पढ़सा का्य तुंय हूनाक समझसा ? “ हून कुशी जवाब दिलो हौका जब तक कोइ मक न समझावत, तब तक मै याहक ईसमझे। कृपा करुन माचा लग ऐऊन बस। यशायाह चो आपला बारेऐ लिखते रेहेय या कोइ और चो ?”

फिलिप्पुस रथे चघुन बसलो। हूनितो हून मानेय सांगलो जो यशायाह यीशु चो बारेऐ लिखु रेहेय। फिलिप्पुस परमेशवर चा वचन के खुबे दुसरा भाग चो भी चर्चा करला। याहचो ईसा हूनिईतो हून मानेयक यीशु चो बारेये शुभु संदेश सुनावलो।

फिलिप्पुस अर हून कुशी जाते जाते पानी लग इला। हून कुशी बल्लो, “ देख! एथा पानी आसेय का्य मै बप्तिस्मा नेऊक सकिन अर हूनिईतो सारथी से रथ के थेबाउक बल्लो।

आखिर हून पानीये गेला, अर फिलिप्पुस हून कुशीक बपतिस्मा दिलो। जब हून पानीले बाहिर इलो, तो पवित्र आत्मा अचानक फिलिप्पुस के उठाउन कोइ दुसरा डेराये निलो। हूता फिलिप्पुस मानेयांग यीशु चा बारेये सांगताचो जारी रखला।

हून कुशी आपला घरे जाऊक आगे बढ्लो। हून खुश रेहेय कि हून एभे यीशुक जानिदा है।