44. पतरस अर यूहना एकला भिकारिक अच्छा करधात

एक दिन,पतरस अर यूहन्ना मंदिरे गेला खोड़या मानेंय के भीख मांगता करता वाट गडी बसु रेहेय!

पतरस हुन खोड़या मानेंय तेंब देखुन बल्लो,” माचा लग तुक देऊक पैसा तो नांही तबले जो माचा लग आसेय हुन मैं देयदां हेंय। यीशु चा नावे उठ अर हिंड!”

तुरन्त परमेश्वर हुन खोड़या मानेंय के चंगा करूं दिलो।हुन इसु हेंव हिड़तो अर डेवगतो अर परमेश्वर चो स्तुति करतो सुरू करलो मंदिर चा दूवारे रहला मानेंय अकचकाव रहत!

जल्दी मानेंय चो भीड़ हुन मानेंय के देखुक इला जो चंगा होऊ रेहेय। पतरस हुनाक बल्लो,” यो मानेंय ठीक आसेय, तबले या बाते इघबरावा कांय हमी याहाक हमचा शक्तिये चंगा इकरु हुनेयकरता नोहोंय कि हमी परमेश्वर चो आदर करूदां बल्कि हुन यीशु आय जो या मानेंय के आपला शक्तियें चंगा करलो हाय कांयेकि हमी यीशु लग भरोसा करूदां हूँ!

हून तुहीच आस जो हून रोमी राज्यपाल के यीशुक मारता करता बलु रहस। तुमी हूनाक मारलास जो सबके जीवन देयदा हेंय। तबले परमेश्वर हूनाक मरला लगले जिवावलो। तीमी ईसमझास कि तुमी का्य करते रहास, तबले जब तुमी हून काम के करते रहास, तो जो भविष्यवक्ता बलु रहत हून पूरा होलो। हूनिईता बलु रहत कि मसीह दुःख उठायिद अर मरीद। परमेश्वर याहाक या तरीकाये होऊक दिलो। हूनेय करता एभे पश्च्यताप करा अर परमेश्वर तेंव फिरा, ताकि हून तुमचा पाप के धोऊन साफ करु देओ।”

जब मंदिरे चा अगुवा पतरस अर युहन्नाक सुनला, तो खुबेय घबरावला। हूनेय करता हूनिईता हूनांग गिरफ्तार करुन जेलखनाये डालु दिला। तबले जो पतरस बलु रेहेय हूनाक खुबेय मानेय विश्वास करला। यीशु लग विशवास करया ईतांग चो संख्या बडून लग भग 5000 होला।

अगले दिन हून यहूदी अगुवा पतरस अर यहुना महायाजक अर अन्य धार्मिक अगुवा चा पुरहे धरुन आनला। हूनी हून मानेक धरुन आनला जो खोड़यो रेहेय। हूनिईता पतरस अर यूहनाक समझावला, “का्य अधिकारे तुमी हून खेडया मानेय के चंगा करलासा ?”

पतरस जवाब दिलो, “ यो मानेय जो तुमचा पुरहे उभलोहाय हूनाक यीशु मसीह चो सामर्थ चो द्वारा चंगा करलो आसेय तुमी यीशुक क्रुस ले चघावलास, तबले पमेश्वर हूनाक फेर जीवत करलो! तुमी हूनाक अस्वीकार करलास, तबले यीशु चो सामर्थ चो माध्यम चो अलावा उध्दार पांवता चो कोइ दुसरा बाट नाही!”

हून अगवा हैरान रहत कि पतरस अर युहना खुबेय साहसी रुप ले बात करलो। हूनीता देखला कि यो साधारण मानेय रहत जो अनपढ़ रहत तबले फैर हूनांग सुरता इलो कि यो मानेय यीशु चा संग रहया आत। यहाचा याकरता हूनीता हूनाक बल्ला हमी तुक खुबेय ज्यादा। दण्ड देऊन यदि तुमी य मानेय यीशु चा बारेये मानेयांग कोइ अर संदेश देते रहा।” इसा खुबेय बात करलाचा बाद, हूनिईता पतरस अर युहनाक जाउक दिला।