48. यीशुय वायदा करलो मसीह आय

जब परमेशवर संसार के बनावलो तो सब कुछ अछा रेहेय। कोई पाप इरेहेय। आदम अर हव्वा एक दुसराक प्रेम करया आत, अर हून परमेशवर के प्रेम करया आत। कोई बीमारी या मृत्यु इरेहेय। परमेशवर इसेय संसार के चाह यो आय।

सैतान साँप चो द्वारा बगीचा ये हव्वाक गोठयावलो, कायेकी हून हूनाक धोखा देऊक चाहयो आय। तब हव्वा अर आदम परमेशवर चा विरुध्द पाप करला। कायेकी हूनिता पाप करु रहत याहा करता भुय्ये रहया ईता सबा जन मरया आत।

कायेकी आदम अर हव्वा पाप करु रहत याहय करता कुछ अर भी गलत होलो। हून परमेशवर चा शत्रु बनला। जेचो दुआर हर एक जन पाप करला। हर एक जन जन्म ले ही परमेशवर चा शत्रु आत। परमेशवर अर मानेयांग चा बीचे शान्ति इरेहेय तेबले परमेशवर शान्ति देऊक याहयो आय।

परमेशवर प्रतिज्ञा करलो कि हव्वा जो एक वंशज शैतान चा मुड़ाक कुचलीदा। हून यो बल बल्लो कि शैतान हूनाचा खाटाक चाबिद। दुसरा शब्देये, शैतान मसीहक मारीद, तेबले परमेशवर हूनाक जीवता करीद। याहचो बाद, मसीह शैतान चा शक्तिक हमेशा करता समाप्त करु देईद कई वर्ष चा बाद, परमेशवर प्रगट करलो कि हून मसीह यीशु आय।

परमेशवर हून पुरहे ले आपला परिवार के बाचावलो जो एकयो रेहेय। नूह के एकठान डोंगो बनाऊक बल्लो, कि हून या प्रकार परमेशवर हूनि मानेयांग बाचावलो जो हूनाचा लग विशवास करत। या प्रकार, हून सब के सब परमेशवर चा द्वारा मरता चो योग्य रहत कायेकी हूनिईता पाप करु रहत। तबले परमेशवर हून सपांग बाचावता करता पठावलो जो हूनाचा लग विशवास करया आत।

सैकड़ो साल तक, याजक परमेशवर करता बलि दान चघावते रहत। यो दर्शायदा हेय कि मानेय पाप करलो, अर यो कि परमेशवर चा द्वारा हूनांग दण्ड करता चो योग्य रहत। तबले हून बलिदान हूनांग चा पाप के क्षमाक ईसकत। यीशु सबले बड़े माहा याजक आय। हून करलो जो कहु याजक करुक ईसकत हूनितो एक मात्र बलिदान होऊक अपने आपके दिलो जो अर कोइ चा पाप के मेठाऊक सकते रेहेय। हून स्वीकार करलो कि परमेशवर हून साब चा पाप करता हून दण्ड करोत याहचो कारन, यीशु सिध्द माहयाजक रेहेय।

परमेशवर अब्राहम के बल्लो, “ मै तुचो द्वारा संसार चा सपा मानेयांग आशिष देईन।” यीशु याहय अब्राहम चो वंशज आय परमेशवर अब्राहम चा माध्यम ले सपा मानेयांग आशिष देयदाहे कायेकी जो यीशुक विशवास करधात परमेशवर हून सबांग पापले वांचायदाये जब यही मानेय यीशुक विशवास करधात, तो परमेशवर हूनांग अब्राहम चा वंशज मानिदा हे।

परमेशवर अब्राहम के बल्लो कि हून आपला लोता बेटा, हूनांग चा करता बदलाये बलि करुदे। तेबले फेर परमेशवर इसहाक चा बदलाये बलि करुक एक भेड़ी दिलो। हम सब हमचा पाप करता मारता चो योग्य रहू! तेबले परमेशवर हमचा डेराये मरुक यीशुक बलिदान चा रुपे दिलो। याहय कारन हमी यीशुक परमेशवर चो भेड़ी बलुदा।

जब परमेशवर मिस्राये आखरी विपति पठावलो तो हून हर एक इस्राएली परिवार के बल्लो कि हून एकठान भेड़ीक बलि चघावा। हून भेड़ीये काही दोष ईहोतो आय। तब आपला कपाटे चा चौखट चा उपरे अर बगलाये हूनाक हूनाचा रकत के लगावतो रेहेय। जब परमेशवर हून रक्त के देखलो तब हून हूनांग चा घरागये आगे बड़लो अर हूनाग चा पहलवांत कड़हांग ईमारेय। जब यो होलो तो परमेशवर यहाक फसह पर्व बल्लो।

यीशु फसह चा पर्व एक भेड़ी चो इसा आसेय। हून केभेय पाप इकरेय, हूनेय करता हूनाये काही बल गलत इरेहेय। हून फसह चा पर्व चा समये मरलो। जब कोंहू यीशुक विशवास करधात, तब यीशु चो रक्त हून मानेय चा पाप चा कीमत चुकायदा हेय। यो इसे आय जिसे कि परमेशवर हून मानेय लगले आगे बड़लो कायेकी हून हूनाक दण्ड ईदेय।

परमेशवर इस्राएल मानेयांग संग एक वादा करलो, कायेकी हूनि इसा मानेय रहत जेके परमेशवर आपला बनावता करता चुनु रेहेय। तबले एभे परमेशवर एक इसे वादा करु रेहेय जो कि सब करता आय। यदि कोंहू बल जाति चो कोंहू बल जन या नवा वादाक मानिदा हेय, तब हून परमेशवर चा मानेयांग लग शामिल होहायात। हून इसे याहाय करता करिदा हेय कायेकी हून यीशुक विशवास करिदा हेय।

मूसा एक इसो भविष्वक्ता रेहेय कि हून परमेशवर चा वचन के बड़े सामर्थ संग प्रचार करु रेहेय। तबले यीशु सपा भविष्यवक्तान्ग ले सबले बड़े आय। हून परमेशवर आय हूनेय करता जो कही बल हून करलो अर बल्लो हून परमेशवर चो कार्य अर वचन रेहेय। हूनेय करता पवित्र शास्त्र यीशुक परमेशवर चो वचन बलिदा हेय।

परमेशवर राजा दाउद के वादा करु रेहेय राजा चा रुपे हूनाचो एकलो बेटाक परमेशवर चा मानेयांग लग हमेशा करता शासन करीद परमेशवर चो बेटा अर मसीह आय, याहाय करता हून राजा दाउद चो बेटा आय जो हमेशा करता राज करुक सकीदा हेय।

दाउद तो इस्राएल चो राजा रेहेय, तबले यीशु सपा जगत चो राजा आय। हून फेर एहीद अर हमेशा करता न्याय अर शांति संग आपला राजे शासन करीद।