49. परमेश्वर चो नवो वाचा

एकलो स्वर्गदुत एकली जवान लेकि मरियम के बल्लो कि हून परमेशवर चा बेटाक जन्म देइद। हून एभे कुआरी रेहेय, तेबले पवित्र आत्मा हूनेय चा लग इलो अर हून गर्भवती होली। हूनइति एकला लेकाक जन्म दिली जेचो नाव यीशु ठोवलो याहा करता यीशु परमेशवर अर मानेय दुये झन आय।

यीशु खुबेय चमत्कार करलो जो देखाव धात कि परमेशवर आय। हून पानीये हिंडलो अर धुधुडाक ओंगाय करलो। हून खुबेय बीमारी मानेयांग सुदरावलो अर खुबेय मानेयांग लगले दुष्ट आत्मांग निकरावलो। हूनिईतो मरला मानेयांग जिवावलो। अर हूनिईतो पांच ठान पोरी अर दूयठान मासलियांग 5000 मानेयांग खवा ऊक पर्याप्त भाते सपांग पुरावलो।

यीशु एकलो यहान शिक्षक बल रेहेय। जो कही बल सिखावलो। जो हून मानेयांग करुक बल यो आय हून हूनांग करतो आय कायेंकी हून परमेशवर चो बेटा आय। उदाहरण करता हूनिईतो सिखावलो कि तुमंग दुसरा मानेयांग हूनेय रीतिये प्रेम करता चा जरुरी आहेय जिसे तुमी खुद के प्रेम करासा।

हूनिईतो यो बल सिखावलो कि तुमंग सपा तिजग ले अर ज्यादा अर खुदया सम्पति ले बल ज्यादा परमेशवर के प्रेम करतो आय।

यीशु बल्लो कि संसारे कांही बल तीज के पांवतोले ज्यादा अछा आय परमेशवर चा राजे होतो। तुमचो जाता करता जरुर आय कि परमेशवर तुमंग तुमचा पाप ले बचावो।

यीशु बल्लो कि कुछ मानेय हूनाक ग्रहण करदे। परमेशवर हून मानेयांग बचाईद तेबले दुसरा मानेय हूनाक ग्रहण ईकरत। हून यो बल बल्लो कि कुछ मानेय अछा भुय चा समान आत, कायेकी हून यीशु चा बारेये शुभ संदेश के मानधात, अर परमेशवर हूनांग वाचायदा हें। तेबले कुछ मानेयांग चा जंगल भुय चो समान आहत। परमेशवर यो वचन बिजचो समान मार्गे पड़ीदा, तेबले हूता कांही ईजागे यही मानेय यीशु चा बारेये संदेश के इमानत हून हूनाचा राजे जाऊक मना करु देधयात।

यीशु सिखावलो कि परमेशवर पापियांग खुबेय प्रेम करिदा है। हून हूनांग क्षमा करुक चाहिदा अर हूनांग आपलो बेटा बनाऊक चाहिदा है।

यीशु यो बल सांगलो कि पाप के घिन होयदा है। कायेंकी आदम अर हव्वा पाप करला, याहय करता हूनाचा सपा वंशज बल पाप करला या संसारे रहया ईता हर एकलो पाप करुधात अर परमेशवर ले धुर आहत। हर एकलो परमेशवर चो शत्रु आत।

तेबले परमेशवर या संसारे रहया इता हर एकलाक या रीति ले प्रेम करलो: हून आपला एकला लौता बेटाक दिलो ताकि परमेशवर हूनांग दण्ड ईदेवो जो हूनाक विशवास करधात। याहचो बजाय हून हूनाचा संग हमेशा रहोत।

तुमी मरतोचो लाईक आहास, कायेंकी तुमी पाप करलासा। तुमंग परमेशवर चो रीस होतो जरुही आय, याहचो अपेक्षा, हून यीशुक रीस होलो। हूनिईता यीशुक क्रुस चो मृत्यु देऊन दण्ड करलो।

यीशु केभेय पाप इकरे, तबले हूनइतो परमेशवर के हून दण्ड देऊक दिलो। हूनिईतो मरताक मानलो या रीतिये तुमचा पाप के या संसारे रहया इता हर एकलो पाप के उठावता करता हून एक सिध्द बलिदान रेहेय। यीशु खुदके परमेशवर करता बलिदान करु दिलो, याहाय करता परमेशवर कांही बल पाप के याहा तक भयंकर पाप के बल क्षमा करिदा।

भले ही यदि तुंय खुबेय अच्छा काम के करता, तो याहचो द्वारा परमेशवर तुमंग ईवाचाईद। हूनाचो संगवारी बनता करता इसे काही नाही जो तुंय करुक सकता। याहचो अपेक्षा, तुमक विशवास करतो आय कि यीशु परमेशवर चो बेटा आय, अर हून तुमचो बदलाये क्रुसे मरलो, अर यो बल कि परमेश्वर हूनाक फेर जीवता करु दिलो, यदि तुमी याहक विशवास करतो, तुमचा पाप के क्षमा देइद।

परमेशवर हून हर एक लाक बचाईद जो यीशुक विशवास करिदा अर हूनाक खुद्चो प्रभु मानिद। तेबले हून हूनांग ईवाचाइद जो हूनाक विशवास ईकरत यो कोइ मायने ईरखे कि तुंय धनी आस या गरीब आस, मानस आय। बायले आस, डोकरो आस या जवान आस या तुंय कंहा रसया। परमेशवर तुक प्रेम करिदा अर चाहिदा है कि तुंय यीशुक विशवास करा कि हून तुमचो संगवारी बनो।

यीशु तुमंग कोकिदा है कि हूनाक विशवास करा अर बपतिस्मा नेहा। का्य तुमी विशवास करासा कि परमेशवर एकला लौता बेटा, यीशु ही मसीह आय ? का्य तुमी विशवास करासा कि तुमी एक पापी आह्स अर यो कि तुमी परमेशवर द्वारा तुमंग दण्ड करता चो योग्य आह्स ? का्य तुमी विशवास करासा कि तुमचा पाप के मेटावता करता यीशु क्रुसे मरलो।

यदि तुंय यीशुक अर जो हूनिईतो तुमचा करता करलो होय हूनाक विशवास करासा तो तुमी एक मसीह आहास शैतान आपला अंधकार चा राजे अब तुमंग शासन करिदा है। हूनिईतो तुमंग पाप करुक रोखलो हाय जेके तुमी करया आहास हून तुमंग एक नवो, सही जीवन दिलो हाय।

यदि तुंय एक मसीह आस तो जो यीशु करलो हाय हूनचा कारण परमेशवर तुमचा पाप के क्षमा करु दिलो हाय। अब परमेशवर एक शत्रु चो अपेक्षा तुमक एक घनिष्ट संगवारी मानिदा हे।

यदि तुंय परमेशवर चो संगवारी आस अर प्रभु चो भक्त आस तो हून गोठांग चो पालन करता चो इच्छा करसे जो यीशु तुमंग सिखायदाये। भले ही तुंय एक मसीह आस, शैतान एभे बल पाप करता तुमचो परीक्षा करीद। तेबले परमेशवर हमेशा हून करीदहे जो हून बलिदाहे कि हून करीद। हून बलिदा हे कि यदि तुंय खुद चा पाप के माना तो हून तुमंग क्षमा करिदा। हून तुमंग पाप चा विरुध्द लड़ता चो सक्ती देइद।

परमेशवर तुमंग प्रार्थना करुक अर हूनाचा वचन के पड़हुक बलिदाहे। हून तुमंग दुसरा विश्वासियांग मिलुन हूनाचो आराधना करुक लाय बल बलिदाहे तुमंग दुसरा मानेयांग बल सांगतो आय कि हून तुमचा करता का्य का्य करलो हाय यदि तुमी यही सपा कामंग करातो तो तुमी हूनाचा एक पका संगवारी बनासे।