11. फसह

बोगवान मूसा एने हारूनाह फिरौन फाय ज्यो केणे मोकल्यो काय इस्राएलीह जाणे दि। ता ताहा चेतावणी आप्या का जर तो ताः नाय जाणे देय, ते बोगवान मिस्रन माणहान एने जेनवारान पेहलो जो भी पोयदा एयील हि ताह मार टाकी। फिरौन ज्यो होमलीन भी बोगवानान ओप्र विश्वास करणे से एने तान वात मानणे से नाकार देनो।

बोगवान ता पोर विश्वास केरणारा काल्लाच भी पेहलो पोयदा एयील लाह वोचडणेन एक उपाय केरील एतो। हर परिवाराह एक निर्धोष मेंडाराह मारणु एतो।

बोगवान इस्राएलीह ता मेंडारान लुय आप-आपण बायणा पोर लागाडने कियो। ताहा तान माह बुंजणु एतो एने ताह अखमीरी रोटा हेरी जेल्दी-जेल्दी खाणो एतो। ताह तो खाणे बाद ताहरोच मिस्रह सोडणेन भी तियार रेणे केरता केयो।

जोहलो करणे बोगवान इस्राएलीह आदेश आपील एतो ता तिहीच केऱ्या। बुर बुर राती, बोगवान हेर एक पेहला पोयदा एयीलाह मारतीन मिस्रन विच मायरीन गियो।

इस्राएलीन आखा बायणा पोर लुय लागील एति, केरीन बोगवान तान घेराह सोड देनो। ता घेराम वाला आखा माणहा वोचीन एता। ता मेंडरान लुयीन कारण वोच गिया।

पुण मिस्रि बोगवाना पोर विश्वास नाह केऱ्या एने तान वात नाह मान्या। केरीन बोगवान तान घेराह नाह सोळ्या। बोगवान मिस्रिन आखा पेहला पोयदा एयील सोराह मार टाक्या।

जेलीन बोंदीम पेहलो पोयदा एयील रीन ते, फिरौन ने पेहलो पोयदा एयील वोर,आखा पेहला पोयदा एयील एदमीन जात मोर गिया। ता पोर आवील मोठला दुख ने कारण जुलुम मिस्र ने माणहा रेडताला एने दुख केरताला।

तीच रात, फिरौन मूसा एने हारूनाह हादाडया एने केयो, "इस्राएलीन जेल्दी मिस्र री निकेल जावो!" मिस्र ने माणहा भी इस्राएलीह से विनता केऱ्या काय जेल्दी निकल जावो।