10. दोह पिढा
बोगवान मूसा एने हारून चेतावणी काय फिरौन कठोर एय जाय। जेवी ता फिरौन फाय गिया एने केया, "इस्राएल ने बोगवान इही किथी का, 'मार माणहाह जाणे दी!'" पुण फिरौन तान नाह होमल्यो एने इस्राएलीह जाणेन सोडणे बोदले तान काम उंजू कठीण केरणे लागाड्यो।
फिरौन ता माणहाह जाणे देने से तालताल नाकार केरती रेनो, केरिन बोगवान मिस्र पोर दोह भयंकर पिढा मोकल्यो। ज्या पिढा द्वारा, बोगवान फिरौनाह देखाड का तो फिरौन एने मिस्र ने बोगवाना से जादा शक्तिशाली हि।
बोगवान नीलह लुय मे बोदल देनो, पुण फिरौन एवी भी नाह मान्यू एने इस्राएलीह जाणे नाह दिनो।
बोगवान आखा मिस्र माय डेटका मोकल्यो। फिरौन डेटकाह सेटो केरणेन मूसाह विनंती केऱ्यो। पुण आखा डेटकाह मोरणे बाद, फिरौन तान मोनाह कठोर केर लेदु एने इस्राएलीह मिस्र माय रीन निकलने नाह देनो।
केरिन बोगवान टीडयान पिढा मोकल्या। ता बाद तो चाचडयान पिढा मोकल्यो। फिरौन मूसा एने हारूनाह हाद्यो एने केयो का जर ता ति पिढाह रोक देती ते इस्राएली मिस्र सोडीन जाय सकती। जेवी मूसा प्रार्थना केऱ्यो ते बोगवान मिस्र पोर रीन चाचडयाह सेटो केर देनो। पुण फिरौन तान मोनाह पोशो कठोर केर लिदो एने ता जाणे नाह देनो।
ता बाद, बोगवान मिस्रिन सोब पालण्या जेनवराह दुखाऱ्यो केरिन मार टाक्यो। पुण फिरौनान मोन कठोर एय जायील एतो एने तो और इस्राएलीह जाणे नाह दिनो।
तेवि बोगवान मूसाह फिरौन के सामने हवान रोखळ्यो टाकने लागाडयो। जेवी तो इही केऱ्यो मिस्र ने माणहान चामडा पोर फुडा निकली आवा, पुण इस्राएलीह काय नाह एनो। बोगवान फिरौन ने मोन कठोर केर दिनो, एने फिरौन इस्राएलीह जाणे नाह दिनो।
ओवतो, बोगवान गारा पाड्यो एने मिस्र ने जादातर कामाई नाश केर दिनो एने जो भी कूण बाहेर निकल्या ताह मार टाक्यो। फिरौन मूसा एने हारूनान हादिन केयो, "मी पाप केरील हि।तुमु एने तुमरा माणहे जाय सकतेह।" ओवतो मूसा प्रार्थना केऱ्यो, एने वादलाम रीन गारा पोडणे बोंद एना।
पुण फिरौन पोशो पाप केऱ्या एने तान मोनाह कठोर केर लेदो। तो इस्राएलीह जाणे नाह दिनो।
ओवतो बोगवान मिस्र पोर टिड्डयान टोलाह मोकल्या। ता टिड्डया आखी कामाईह खाय गिया जाह गारा नाश नाह केरील एता।
ओवतो बोगवान तीन दिह वोर आंधारो केर दिनो ज्या तीन डीह वोर सारकोच रेनो। आंधारो ओलो एतो का तीन दिह वोर मिस्री माणहे घेराम रीन नाह निकल्या। पुण जाहारी इस्राएली माणहे रेताला ताहरी उजालो एतो।
ज्या नोव पिढा बाद भी, फिरौन इस्राएलीह जाणे से नाकार देनो। काहाकाय फिरौन नाह होमलतालु केरीन बोगवान एक आखरी पिढा मोकलेणेन योजना केऱ्यो। एने जी फिरौनान मोनाह बोदलणी एति।
निर्गमन अध्याय 5-10 से एक बाइबल ने कहाणी
खुले लाइसेंस (CC BY-SA 4.0) के अंतर्गत उपयोग करने, बदलने और साझा करने के लिए निःशुल्क।