9. बोगवान मूसाह हादिह

यूसुफ ने मोरणे बाद तान आखा घेरल्या मिस्र माय रेणे लागा। एने तान वोच मोक्ताच वोर्ह्या वोर मिस्र मायच रेना तान जुलुम सोरा पाऱ्या एना। ता इस्राएली केवाना।

मोक्ताच वोर्ह्या बाद, इस्राएली गेणतीम मोक्ताच एय जायील एता। एने मिस्री माणहे अवि विहरी जायील एता का यूसुफ तान करता जुलुम काय किरील एतो। ता इस्राएलीह बिय गिया काहा गेणतिम जुलुम एता। केरिन ता टायमी म मिस्र पोर राज्य केरणार फिरौन इस्राएलीह मिस्रिन दास बोणाव दिनो।

मिस्रि इस्राएलीह जुलुम बोग्ला एने शहरे बोनावने लागाळ्या। ती कठिन मेहनत जीवनाह जुलुम बड़ा दुःखदायी बोणाव दियील एती, पुण बोगवान ताह आशीष आप्यो एने तान उंजू जास्ती सोरा पोयदा एना।

फिरौन देख्यो काय इस्राएलीन जुलुम सोरा पोयदा एतेह, करीन तो तान माणहाह आदेश आप्यो का इस्राएलीन जो सोरा एय ताह नील नदीम मारिन टाक दिजू।

एक इस्राएली बायकू एक सोराह जन्म आपी। ति एने तीन एदमी जोलो ताह बोणनो तोलोक वोर ता सोराह लीकाडीन मेल्या।

जेवी ता सोरान आहाक आबुक ताहा उंजू लीकाडता नाह आवो, ते ता ता सोराह मारणे से वोचाडने केरता एक पाण्या पोर तेरंगणार टोपलीम नील नदीन टोके जेड्याम मेल देना। तान सोरान मोठली बोणीक ज्या देखतीन ताहरीच रेनी काय ता हेरी काय एय।

फिरौन ने सोरी ते टोपलीह देखीन तीमाय देखी क। जेवी ति सोराह देखी ते ताह तीन सोरा बोणाव लेदि। ति एक इस्राएली बायकूह ताः दुध पिवाडणेन कामे मेली, तीह ज्यो नाह मालूम एतो का ति बायकू ता सोराचने आहाक। जेवी तो सोरा ओलो मोठो एय गिया का दुध सोड देनो, ते ति ता सोराह फिरौन ने सोरी फाय आप देनी, तान नाव मूसा एतो।

एक दिह, जेवी मुसा मोठो एय गीयो, ते तो देख्यो कि एक मिस्री एक इस्राएलीह देणे बाज रेनोह। मूसा आपणा हाथी इस्राएली वोचाडणे किऱ्यो।

जेवी मूसा विचार केऱ्यो काय कूण नाय देखी ते तो ता मिस्रीह मार टाक्यो एने ताह बूज देनो। पुण मूसा जो किरील एतो ताह कुण तेभी देख लीयील एतो।

फिरौनाह मालूम पोड गीयी का मूसा काय किरील एतो। तो ताह मार टाकणे केऱ्यो, पुण मूसा मिस्र रीन जेगलाम नाह गियो। फिरौन ने सैनिक ताह नाह होद सकना।

मिस्र रीन सेटो जेनलाम मूसा गोवाल्यो बोण गियो। ताहरी तो एक बायकू हेरी वाराड केर लेदो एने तान दुय सोरा एना।

मूसा तान हाहराकान मेंडरा चारतालु। एक दिह, तो एक हेलग तालो जुरखल्यो देख्यो जो काय बिना हेल्गीन पेट तालो। तो देखणेन केरता आहने गियो। जेवी तो जुलुम आहने एतो ते बोगवान ताहेरी वात केऱ्यो। तो केयो, "हे मूसा, तार खाहडा काड दि। तू एक पवित्र जागे उब रेनोह।"

बोगवान केयो, "मी मार माणहान दुखाह देखील। मी तुवाह फिरौन फाय मोकलुह काय तु इस्राएलीह मिस्रने गुलामीम रीन निकाल लावी।मी ताह कनान देश आपूह, जो देश मी अब्राहम, इसहाक एने याकूबाह आपणेन वायदो किरील एतो।"

मूसा फुशो, " जर माणहे जाणने होदति का माहु कुण मोकलील हि ते मी काय केह?" बोगवान केयो, "जो मी हि तो मी। तो केयो, 'मी हि तो माहु तुमु फाय मोकलील हि।' तो ज्यो भी केयो, मी तुमरा डायलान अब्राहम, इसहाक एने याकूब ने बोगवान यहोवा हि।' मारो ज्या नाव कायम ने हि।"

मूसा बितालो एने फिरौन फाय जाणे नाह होदतालो काहाकाय तो विचार केरतालू काय ताह हाजो बोलाय नाय, करीन बोगवान मूसान बाहाक, हारूनाह, तान मोदत करणे मोकल्यो।