8. बोगवान यूसुफ एने तान परिवाराह वोचाडीह

मोक्ताच वोर्ह्या बाद, याकूब डावालो एय गियो, ते तो तान मोन्गाल सोरा यूसुफाह तान बायहाह खोबर लेणे मोक्ल्यो जा काय जेनवारे चारताला।

यूसुफान बाहाके ताह कुयराय ताला काहाकाय तान आबुक तापोर जास्ती मोंग केरतालो एने ज्यान केरता भी का यूसुफ होपनो देखील एतो का तो ता पोर अधिकारी एय जाय। जेवी यूसुफ तान बायहा फाय पोचनो तेवी ता ताह बोंदी बोणाव लेदा एने दासान व्यापार केरणारा माणहाह वेच देना।

घेर वापस जाणेन पेल यूसुफान बायहे यूसुफ ने फाडका फाडीन बोकडीन लुय माय बिजाड देना। एने ता ता फाडका तान आबाकाह देखाड देना काय तो मान लेय का एखादो जंगली जेनवार यूसुफाह मार टाक्यो एय। याकूब जुलुम दुखी एनो। ड

दासान व्यापार केरणार माणहा यूसुफाह मिस्र लीन गिया। नील नदीन काठापोर मिस्र एतो एने एक मोठो एने ताकेतवोर देश एतो। ता दासान व्यापार केरणारे माणहे यूसुफाह एक मालदार सरकारी अधिकारीह दासान रूपमाय वेच देना। यूसुफ तान मालकान सेवा हास केरीन केरतालो, एने बोगवान यूसुफाह आशीष आप्यो।

तान मालक्यान बायकू यूसुफ हुवणे होदताली,पुण यूसुफ बोगवानान विरुद्ध पाप करणे से नाकार करने से दिनो। ति रागाम आव लागी एनेर यूसुफ पोर झूठो आरोप लागाड देनी, करीन ताह बोंदी बोनावीन जेलीम मोकेल देना। एने जेलीम भी, यूसुफ बोगवानान सामने खेरो रेनो, एने बोगवान ताह आशीष आप्यो।

दुय वोर्ह्या बाद, यूसुफ एवी भी जेलीम एतो, तो निर्दोष एतो। एक रात, फिरौन, जो काय मिस्री माणहे राजाह केताला, दुय होपाना देख्यो जा काय ताह कीचवाड देना। तान काल्लो भी अधिकारी ताह होपानान अर्थ नाह केय सकना।

बोगवान यूसुफाह होपानान अर्थ केणेन दान आपील एतो,केरिन फिरौन यूसुफाह जेलीम रीन ता फाय हादयो। यूसुफ ताः होप्नान अर्थ केय देनो एने केयो, "बोगवान बोरपूर कामाई वाला सात वोरह्यान बाद सात वोर्ह्या आकाल मोकलन्यो हि।"

फिरौन यूसुफ से जुलुम खुश एनो एने ताह मिस्रने एक अधिकारी बोणाव देनो।

यूसुफ माणहाह बोरपुरीन कामाई वाला सात वोर्ह्याम मोजबुत दाणा टूलु करणे केयो। जेवी आकाल वाला सात वोर्ह्या आवा तेवी यूसुफ माणहा ता टूलु किरील दाणा वेच्यो का तान खाणेन साधण एय।

तो आकाल मिस्र माय ओलच नाह, पुण कनान माय भी जुलुम जाहरी याकूब एने तान परिवार रेतालो।

केरीन याकूब तान मोठाला सोराह दाणा लेणे मिस्र मोक्ल्यो। जेवी ता दाणा लेण यूसुफान सामने आवीन उब रेना ते ता यूसुफाह नाह ओलख्या। पुण यूसुफ ताह ओलखी लेदो।

ज्यो मालूम केरणेन केरता का ता बोदल गीयाह का ताह देखणे बाद, "मी तुमरो बाहाक यूसुफ हि! बिवो मा। जेवी तुमु माहु दासान रूपमा वेच्या ते तुमु मारो बुरो करणे होद्या, पुण बोगवान बुराईह भलाई केरता उपयोग केऱ्यो! आवो एने मिस्र माय रेवो काय मी तुमूह एने तुमरा परिवाराह दाणा आपु।"

जेवी यूसुफान बायहे वापस घेर आवा ते आपणा आबाक याकूबाह केया का यूसुफ एवि भी जीवितालु हि ते तो जुलुम खुश एनो।

याकूब एक डावालो माणुह एतो तेभी तान पुरा परिवार हेरी मिस्र जात रेनो, एने ता ताहरी रेण लागा। याकूब मरणेन पेल, तान आखा सोराह आशीषित केऱ्यो।

वायदो जो बोगवान अब्राहम हेरी केरील एतो तो इसहाक पोर एने ता बाद याकूब, एने ता बाद बारा सोरा एने तान परिवारा पोर आव गीयी। ता बारा सोरान वोच इस्राएल कने बारा गोत्र बोण गीयी।