14. जेंगलाम भोटकणो

बोगवान इस्राएलिह ता नियमाह केणेन रोकानो जा तो ताह केरील वायदान कारण पालन केरणो एतो। ओवतो तो सिणाव बोयडान ओगाण लीन गियो। तो ताहा वायदान देशाम लीन जाणे होदतालो। ज्यो देश कनान केरिन नावलातालो। बोगवान वादलान खांबाम रीन तान ओगाण-ओगाण चाल्यो, एने ता तान वासाण-पासाण चाल्या।

बोगवान अब्राहम, इसहाक एने याकूबाह वायदो केरील एतो का तो तान वोचाह तो वायदान देश आप, पुण ता टायमी ताहरी जुलुम जाती रेताली। ता कनानी केवाताला। ज्या कनानी माणहे बोगवानान आराधना नाह केरताला एने तान आज्ञा नाह मानताला। ता जुठा बोगवानान भोक्ती केरताला एने जुलुम खराब-खराब कामे केरताला।

बोगवान इस्राएलिह केयो, "जेवी तुमु ता देशांम जाहू ते ताहरी वाला कनानी रीन शूट जाज्यू। ताहेरी मेल मा केरहो एने ता हेरी वाराड मा केरहो। तुमूह तान आखी मूर्तिह नाश केर देजू।जर तुमु मार आज्ञाह नेय मानहु, ते तुमु माहु सोडीन तान बोगवानान भोक्ती करणे लागहो।"

जेवी इस्राएली कनान ने सीमा पोर पोचना, मूसा इस्राएल ने आखा जात्यू माय रीन एक-एक करीन बारा एदम्याह निवाडयो। तो ताह जायीन ता देशान खुबेर लेणे मोकल्यो का तो देश कोहलो ही। ताह तो कनानीने खुबेर लेणे मोकल्यो काता ताकेतवर हेते का नाह।

ता बारा माणहे कनान माय रीन चालीह दिह्यान यात्रा केऱ्या एने वापस आवा। ता केया, "तो देश जुलुम उपजाऊ हि कामायी बोरपुरीनहि! "पुण दोह खोबेर लेणार केया, "तान हेयर जुलुम मोजबुत हि एने माणहा लांब एने चोवडा हेते! जर आपी ता हेरी लेडाहु, ते ता आपूह आरविच देण्या हेते एने आपूह मार देती।"

ताहरूच कालेब एने यहोशू एने उंजू दुय खोबर लेणार केया, "ज्यो खेरी हि का कनानी माणहे लांबा एने ताकेतवर हेते, पुण आपु ताहा आरवि सकतेह! बोगवान आपणी उखेर रीन लेडाय!"

पुण माणहा कालेब एने यहोशून नाह होमल्यो।ता मूसा एने हारून रानवाना एने केया, "तुमु आमुह जी ओहली जागे काहा लावाह? आमु मिस्र मायच रेणो एतो। जर आपु ता देशांम जाहू ते लेडायीम मोर जाहू, एने कनानी माणहे आपणी बायकूह एने सोराह दास बोणाव लेती।" ता माणहे ताह पोशो मिस्र लेण जाणे केरता एक मुखीह निवाडने होदतालो।

जेवी ता माणहे इही केया ते बोगवानाह जुलुम राग आवो। तो मिलाप वाला तंबूम आवो एने केयो, " तुमु मार विरुद्ध पाप केरील हेते, केरीन तुमु आखाह ज्या जेंगलाम भोटकणे पोडी। हर एक जाण जो वीस वोह्याह रीन जादा वोयान हि तो मोर जाय एने केदी भी ता देशांम रीगी नेय जो मी तुमूह आपण्यो हि। फक्त कालेब एने यहोशू ता देशांम जाती।"

जेवी ता माणहे बोगवाना इही केतालो होमल्या, ते ता दुखी एय गिया काहाकाय ता पाप केरील एता। केरिन ता कनान ने माणहा हेरी लेडाणेन केऱ्या। मूसा ता मा जावो केरिन चेतावणी आप्यो काहाकाय बोगवान ता हेरी नेय जाय, पुण ताह होमल्या।

बोगवान जी लेडायीम ता हेरी नाह जायील एतो, केरीन कनाणी ताह आर्वी देना एने ता मायरीन जुलुम जाणाह मार टाक्या। तेवी इस्राएली माणहे कनान रीन वापस फिर आवा। ओगाणल्या चालीह वोर्ह्या पोर,ता जेंगलाम न्याहरी -ताहरी भोटक्या।

इस्राएली माणहाह जेंगलाम भोटकणेन चालीह वोर्ह्याम,बोगवान तान गरजा पुरी केरतालो। तो ताः हेरगाम रीन"मन्ना" नावान रोटो आप्यो। तो बटेरान टोलु भी(जा मध्यम आकारान चिडा एता) तान थीकाणे मोकल्यो कि ता माह खाती। ता पुरा टायमी, बोगवान तान फाडका एने खाहडा फाटणे से वोचाडीन मेल्यो।

न्या वोर का बोगवान तान केरता चमत्कारी रूप से देगडारीन भी पाणी निकालील। पुण ज्यो आखो केरिन भी, इस्राएली माणहे बोगवानान विरुद्ध एने मूसान विरुद्ध चाडी एने कुरकुर केरताला। तेभी, बोगवान विश्वासयोग्य एतो। तो जी वोयदो केरील का तो अब्राहम, इसहाक, एने याकूबान वोचान केरता केरूह तो तो केरील।

एक वार उंजू जेवी ता माणहा फाय पिणे पाणी नाह एतो,बोगवान मूसाह केयो,"देगडा हेरी वात केर, एने ता माय रीन पाणी निकली।"पुण मूसा देगडा हेरी वात नाह केऱ्यो।पुण, ता देगडा पोर होटी केरीन दुय वार देनो।जी रीति तो बोगवानान आदर नाह केऱ्यो। आखाह पिणेन केरता देगडाम रीन पाणी निकल आवो, पुण बोगवानाह मूसा पोर राग आवो। तो केयो, " काहाकाय तु इही केरील हि, केरिन तु वायदान देशांम नेय पोचहि।"

जेवी इस्राएली माणहे चालीह वोर्ह्या वोर जेंगलाम भोटकना, तेवी जा बोगवानान विरुद्ध पाप केरील एता ता मोर जायील एता। तेवी बोगवान पोशो ताह वायदान ठिकाणी पोर लीन गियो। एवी मुसा जुलुम डायो एय जायील एतो, केरीन बोगवान माणहान लीचालणेन केरता तान मोदेत केरणेन यहोशूह निवाडयो। बोगवान मूसाह ज्यो भी वायदो केरील एतो का एक दिह ता माणहा फाय मूसा हारको एक भविष्यवक्ता मोकलुह।

तेवी बोगवान मूसाह एक बोयडान चुटी पोर जाणे केयो का तो वायदान देश देख सकी। मूसा ता वायदान देशाह देख्यो पुण बोगवान ताह ता देशांम रिगणे नाह देनो। तेवी तब मूसा मोर गियो, एने इस्राएलि तीस दिह वोर दुख केऱ्या। यहोशू तान नोवालो लीन चालणार बोण गियो। यहोशू एक हाजो लीन चालणार एतो काहाकाय तो बोगवाना पोर भोरहु केरतालु एने तान वात मानतालो।