15. वायदान देश

आखारी माय, तो टायमा आव गियो का एवी इस्राएली माणहे वायदान देशांम, कनान माय रीगती। ता देशांम यरीहो नावान एक हेयर एतो। ताह वोचाडणे केरता चार उखेर मोजबुत भीतडो एतो। यहोशू ता हेयराम दुय खोबऱ्याह मोकल्यो। ता हेयराम राहाब नावाम एक वेश्या एती। ति ता दुय खोबऱ्याह लीकाडी, एने बाद माय ताह हेयराम रीन वोच निकेलणेन मोदेत केरी। ति ज्यो ज्यान केरता केरी काय ति बोगवाना पोर विश्वास केरताली।जी टायमे इस्राएली माणहे यरीहोह नाश केरती तेवी ता राहाब एने तीन परिवाराह वोचाडणेन वोयदो केऱ्या।

इस्राएली माणहाह वायदान देश माय जाणेन केरता यरदन नदीह पार केरणो एतो। बोगवान यहोशूह केयो, "याजकाह पेल जाणे दी।" जेवी याजक यरदन नदी माय पाय मेल्या पाणी वोयने बोंद एय गियो, का इस्राएली माणहे नदीन दूहरी उखेर हुकाली बुय पोर जाय सकती।

ता माणहे यरदन नदीह पार केर लेदा ते बोगवान यहोशूह केयो काय यरीहो हेरी लेडायी केरणेन तियार री, तो जुलुम मोजबुत हेयर एतो तेभी। बोगवान ता माणहाह केयो याजकाह एने सैनिकाह सोव दिह वोर ता हेयरान चक्कर मारणे केयो। ओवतो याजके एने सैनिके इहीच केऱ्या।

तेवी सातवे दिह, इस्राएली ता हेरान चार उखेर सात वार चक्कर लागाड्या। ता हेरान चार उखेर सात वार चक्कर लागाडणे बाद, याजक तुरहि फुक्या एने सैनिक जोरदार आवाज केऱ्या।

तेवी यरीहोन चार उखेर वालो भितडो पोड गीयो! जीही बोगवान आज्ञा आपील एतो इस्राएली हेयरान आखी वोस्तु नाश केर देना। ता राहाब एने तीन परिवाराह सोड देना, जा काय इस्राएलिन भाग बोण जायील एता। जेवी कनान माय रेणारा माणहे होमल्या काय इस्राएली यरीहोह नाश केर दियील हेते, ते ता बिय गिया काय इस्राएली माणहे आपु पोर भी लेडायी केरती।

बोगवान इस्राएलीह आज्ञा आपील एतो का कनान रेणारी काल्लीच भी जाती हेरी मेल मा केरहो। पुण गिबोनियो नावान एक कनानी जाति यहोशूह ठेगीन केयो काता कनान रीन सेटा एक जागे रेणार हेते। ता यहोशू हेरी मेल केरणेन विनता केऱ्या। यहोशू एने दिहरा इस्राएली डायला बोगवानाह नाह फुस्या का काय करणे जुवी। ता सीवाय, ता गिबोनियो हेरी मेल केर लेदा।

तीन दिह बाद, इस्राएलिह मालूम पोडनो काय गिबोनी माणहे कनान मायच रेतेह। ता रागाम आवा काहाकाय गिबोनि ताह ठेन दियील एता था।पुण ता ता हेरी मेलच रेणे देना काहाकाय बोगवान सामने ता मेल केरील एता। तेवी थोडाक दिह बाद, कनान माय रेणार एक दिहरी जाति, एमोरियो ने राजा होमल्यो काय गिबोनि इस्राएलि हेरी मेल केर लीयील हेते,केरीन अपणी-अपणी सेनाह टूलु केरीन एक मोठली सेना बोणाव्या एने गिबोन पोर लडायी केर देना। गिबोनित तान मोदेत केरणे केरता यहोशू फाय खुबेर मोकल्या।

ओवतो यहोशू इस्राएलिने सेनाह एकठो केऱ्यो एने गिबोनियो फाय पोचणेन करीन पुरी रात चालना। वेगाच आंधारलेह एमोरिन की सेनाह बोनगलाड देना लडायी केर देना।

तेदिह बोगवन इस्राएलिन केरता लेडानो। तो एमोरियोह बोनगलाड देनो एने मोठला-मोठला गारा पाडीन मोक्ताच एमोरिह मार टाक्यो।

बोगवान दिह्याह भी वादलाम एक जागे थोबाड देनो काय इस्राएलिह मोक्तोच टायम जुडी एमोरियाह आरवाडने। ती दिह, बोगवान इस्राएलिह एक मोठलो जीक आप्यो।

जेवी बोगवान ता सेनाह आरवाडने बाद, जुलुम कनानी जातिन माणहा इस्राएल पोर लडायी केरणेन एकठा एना। यहोशू एने इस्राएलि ता पोर लडायी केरीन तान सत्यनाश केर देना।

ज्यू लेडायीन बाद,बोगवान इस्राएल ने आखी जातीह वायदान ता देशामाय वालो तान भाग आप्यो। ते बोगवान इस्राएलाह तान आखी उखेर रीन शान्ति प्रदान आप्यो।

जेवो यहोशू डायो एय गियो ते तो इस्राएल ने आखा माणहाह एकठो हादयो। तेवि यहोशू ताह एय केराव्यू का ता ति आज्ञा पालन केरणेन वायदो केरील एता जो काय बोगवान ताह सीनाय बोयडा पोर केरील एतो। ता माणहे बोगवानान प्रति विश्वासयोग्य रेणेन एने व्यवस्था का पालन केरणेन वायदो केऱ्या।