18. राज्यान भाग

दाऊद राजा चालीह वोर्ह्या पोर राज्य केऱ्यो। ओवतो तो मोर गियो, एने तान सोरो सुलैमान इस्राएल राज्य केरणेन चालू केऱ्यो।बोगवान सुलैमान फुशो का तुवाह आखासे जादा काय जुवी काय बोगवान तान केरता केरी। सुलैमान बोगवानाह केयो का माहु जुलुम बुद्धिमान बोणाव दि। जी वात बोगवानाह पोटनी, करीन सुलैमानाह आखी केलीम बुद्धिमान माणुह बोणाव दिनो। सुलैमान मोक्तीच वातूह हिक्यो एने तो एक बुद्धिमान राजो एतो। बोगवान ताहा जुलुम मालदार बोणाव्यो।

यरूशलेम माय सुलैमान ति मंदिरीह बोणाव्यो जीह बोणावणेन तान आबुक केरील एतो एने सामान टोलु केरील एतो। एवी माणहे मिलाप वाला नाह ने ती मंदिर माय बोगवानान आराधना केरताल एने ता केरता बली चेढावताला। बोगवान आवीन मंदिर माय रेया केरतालो एने ताहरी तो तान माणहा हेरी रेतालो।

पुण सुलैमान दिहरा देशान बायकूह पोर प्रेम केऱ्यो। एने तो जुलुम होवटी, 1,000 बायकु हेरी वाराड केरीन बोगवानान आज्ञा टाल्यो! ज्यू माय रीन जुलुम बायकू दिहरा देशानम रीन आयील एत्यू एने त्युन बोगवानान भोक्ती केरताल्यु। जेवी सुलैमान डावालो एय गियो तो भी त्युन बोगवानान भोक्ती केऱ्यो।

ज्या कारण से बोगवान ता हेरी रागाम एतो। तो केयो का इस्राएल देशाह दुय राज्य माय वाटणेन द्वारा ताह दण्ड आपूह। तो सुलेमाल मोर जाय तेवी ज्यो केरण्यो एतो।

सुलैमानान मोरणे बाद, रहबाम राजा बोणनो। इस्राएल देश ने आखा माणहे ताह आपणो राजान रूप माय स्वीकार करणे एकठा।ता रहबामाह केयो का सुलैमान आमुह जुलुम मेहनत केरायील एतो एने जुलुम केर वोसूल केरील एतो। ता रहबाम विनता केऱ्या ताहा कोम काम केरावी।

पुण रहबाम ताहा मूर्खता से उत्तर आप्यो, "तुमु केतेह का मार आबुक सुलैमान तुमूह जुलुम मेहनत केरायील।पुण मी तुमूह उंजू जादा मेहनत केरावूह, एने तुमूह तासे भी जादा तेकलीत केरावूह।"

जेवी माणहा ताह ज्यो केतालू होमल्या ते ता माय रीन मोक्ताच जाणा तान विरोध करणे लागा। दोह जाती ताह छोड़ देनी ; ताहेरी एवी फक्त दुय जाती वोचील एति। ज्या दुय जात्यू स्वताह यहूदान राज्य केया।

बाकीन दोह जाती यारोबाम नावान एक एदमीह राजा बोणाव्या।ज्यू जाती देशान उत्तर-पूर्वी भागा एत्यू। ती स्वताह इस्राएल ने राज्य केया।

पुण यारोबाम बोगवानान विरुद्ध पाप केऱ्यो एने माणहाह पाप केराव्यो।तो तान माणहाह भोक्ती केरावने मूर्ति बोणाव्यो। ता एवी यहुदान राज्याम यरूशलेम माय बोगवानान मंदिर माय तान आराधना केरणेन नाह गिया।

यहूदा एने इस्राएल ने राज्य दुश्मन बोण गिया एने ताल ताल एक दिहरा हेरी लेडाणे लागा।

इस्राएल ने नोवाला राज्यमा, आखा राजा दुष्ट एता। ज्या मायरीन मोक्ताच राजा तान जागे राजा बोणनेण होदणेम दिहरा इस्राएलि राजान द्वारा माराय गिया।

इस्राएल राज्य ने जादातर आखा राजा मूर्तिन भोक्ती केऱ्या। तेवी ता इही केऱ्या, ता वेश्या हेरी हुवताला एने मोक्ताच वार मूर्तिन ओंगाण सोराह भी बलि केऱ्या।

यहूदा राज्य ने राजा, दाऊद ने वोने एता। ता राजाम रीन काहिक जाणा हाजा माणहा एता ता न्याय से राज्य केऱ्या एने बोगवानान आराधना केऱ्या।पुण यहूदा जादातर राजा दुष्ट एता। ता दुष्टता से राज्य केऱ्या, एने और मूर्तिन भोक्ती केऱ्या। ता माय रीन काहिक राजा झूठा बोगवानान ओगाण तान सोरा भी बली केर देना। यहूदान जादातर माणहे भी बोगवानान विरोध केऱ्या एने दिहरा बोगवानान भोक्ती केऱ्या।