19. भविष्यवक्ता

बोगवान इस्राएलि फाय भविष्यवक्ताह मोकेलतीच रेतालो। भविष्यवक्ता बोगवानान फाय रीन वात होमलीन एने माणहाह केताला।

जेवी अहाब इस्राएल राज्य पोर राजा एतो ते ता टायमे एलिय्या भविष्यवक्ता एतो। अहाब एक खराब माणुह एतो। तो झूठा बाल बोगवानान भोक्ती माणहाह केरणे लागाडतालो।केरीन एलिय्याह अहाबाह केयो का बोगवान ता माणहाह दण्ड आपण्यो हि। तो ताहा केयो, "मी जुलबुखे वोर पोशो नय केव का का पाणी पोड ताह वोर इस्राएल राज्य माय पाणी नाय पोडी एने नाय ओहटो।" जी वात से अहाबाह जुलुम राग आवो का तो एलिय्याह मार टाकणे केऱ्यो।

केरीन बोगवान एलिय्याह केयो का जेगलाम जायीन लीकाय अहाब से लीकाय जा। एलिय्याह जेगलाम ता बोदरान जागे गियो जाहरी बोगवान ताह जाणे केरता कियील एतो। दाळीन वेगोच एने हांजपोर, कागला एलिय्याहने केरता रूट एने माह लीन आवताला। जी टायमे, अहाब एने तान सेना एलिय्याह होदताला, पुण तो ताह नाह सापडणो।

पाणी नाय पोडने से काहिक टायमा बाद तो खोदरो हुक गियो।केरीन एलिय्याह आहनल्या एक देशांम जात रिनो। ता देशाम एक गेरीब विधवा एति तीन एक सोरो एतो। ता फाय खाणो निवरी जायील काहाकाय ताहरी कायच उगील नाह एतो। पुण तीभी,ति बायकु एलिय्याहन देखभाल केरी, केरीन बोगवान तीन एने तीन सोरान गरजा पुरी केऱ्यो, ज्या कारण से तीन फिटान एने तेलान ठामलो केदी खाली नाह एनो। ता पुरा आकाल ने टायमे ताफाय खाणो एतो। एलिय्याह काहिक वोर्ह्या ताच रेनो।

साढ़े तीन वोर्ह्या बाद, बोगवान एलिय्याह केयो का तो पोशो पाणी पाडण्यो हि। तो एलिय्याह वापस इस्राएल राज्य माय जायीन अहाब हेरी वात करणे लागाडयो। केरिन एलिय्याह अहाब फाय पोशो गियो। जेवी अहाब ताह देख्यो ते केयो, "हा हि काय, पिढा लावणार!" एलिय्याह केयो, "पिढा लावणार तुच हि। तु यहोवाह सोड दियील हि। तोच खेरो बोगवान हि,पुण तु बाल ने भोक्ती किरीह। एवी तुवाह इस्राएल राज्य ने आखा माणहाह कर्मेल बोयडापोर लीन आवणो हि।"

ओवता आखा माणहे कर्मेल बोयडा पोर गिया। ता माणहे भी आवा जा केताला का ता बाल ने वातूह केणु। ज्या बाल ने भविष्यवक्ता एता।ता आखा 450 एता। एलिय्याह ता माणहाह केयो, "कुलबुखे वोर तुमु तुमरा मोनाह फिराव रीहो? जर यहोवा बोगवान हि तान आराधना केरो! जर बाल बोगवान हि ते तान भोक्ती केरो!"

तेवी एलिय्याह बाल ने भविष्यवक्ताह केयो, "एक बोयलाह बलि केरीन तान माह बलीदान केरणे केरता एक वेदी पोर मेलो, पुण आगठो मा लागाड हो। मी भी तिहीच केरूह, एने एक अलग वेदी पोर ता माहाह मेलूह।तेवी जर बोगवान वेदी पोर आगठो पोडी ते तुमु जाण जाहू का बोगवान खेरलो हि।" तेवी बाल भविष्यवक्ता एक बलि तीयार केऱ्या, पुण आखठो नाह लागाडया।

तेवी बाल ने भविष्यवक्ता बाल फाय प्रार्थना केऱ्या का, "हे बाल, आमरो होमेल!" पूरे दिह ता प्रार्थना केऱ्या एने आयड्या एने ता स्वताह भी चाकू केरिन काट लेदा, पुण बाल उत्तर नाह आप्यो, तो आगठो नाह लागाडयो।

बाल कने भविष्यवक्ता बालाह प्रार्थना केरणेम पुरो दिह लागाड देना। ओवता ता प्रार्थना केरणेन बोंद केर देना।तेवी एलिय्याह दिहरा बोयलान माहाह बोगवानान वेदी पोर मेल दिनो। ता बाद,एने तो तान माणहाह पाणीन मोठला थामला केरीन तुलबुखे वोर टाकने केयो जुलबुखे वोर माह,लाकडा,एने वेदिन आसपास वाली आखी बुय बीज नाह गीयी।

तेवी एलिय्याह प्रार्थना केऱ्यो, "हे यहोवा, अब्राहम, इसहाक, एने याकूबाण बोगवान,आमुह देखाड का तूच इस्राएल ने बोगवान हि एने ज्यो का मी तार दास हि। उत्तर आप काय ज्या माणहे जाण जाती का तूच खेरलो बोगवान हि।"

ताहरूच, वादलाम रीन आगठो पोडणो एने तो माह,लाकडा,देगडा,माटळ्यो एने वदीन आसपास वालो पाणीह भी हेलगाड देनो।जेवी माणहे देख्या, ता बुयीपोर पोडन केया, "यहोवा ही बोगवान हि! यहोवा ही बोगवान हि!"

तेवी एलिय्याह केयो, "बाल ने एक भी भविष्यवक्ता वोची जाणे नाय जुवी!" केरीन माणहे बाल ने भविष्यवक्ताह देर लेदा एने ताहरी रीन सेटा लिजायीन मार टाक्या।

तेवी एलिय्याह ने अहाब राजाह केयो, "जल्दी तार घेर नाह जा, काहाकाय पाणी पोडण्यो हि।" जल्दीच वादला काला एय गिया,एने मोठलो पाणी चालू एनो। यहोवा ता आकालाह बोंद केर देनो। ज्या से मालूम पोडणो काय यहोवाच खेरलो बोगवान हि।

जेवी एलिय्याह तान कामाह निवराव देनो, ते बोगवान एलीशा नावान एदमीह तान भविष्यवक्ता एणेन निवाडयो। बोगवान एलीशान द्वारा जुलुम चमत्कार केऱ्यो। एक चमत्कार नामान हेरी एनो। तो एक दुश्मनान सेनान सरदार एतो, पुण ताह चामडान रोग एय जायील एतो। नामान एलीशा बारामाय होमलील एतो, केरीन तो एलीशा फाय आवो एने तो ताह हाजो केरणेन विन्ता केरणे लागो। एलीशा नामानाह केयो यरदन नदीन पाणीन सात वार बुडीन निकेल जी।

नामान रागामाय आव गियो। तो इही करणे से नाकार देनो,काहाकाय ज्यो ताह मुर्खतान काम लागनो।पुण बाद माय तो तान मोन बोदेल लेदु एने जायीन यरदन नदीन पाणीम सात वारीन बुडीन निकल्यो। जेवी तो आखरी वार पाणीम रीन बाहेर निकेलनो बोगवान ताहा हाजो केर देनो।

बोगवान इस्राएल ने माणहा फाय दिहरा जुलुम भविष्यवक्ताह मोकल्यो। ता सोब ता माणहाह मूर्तिन भोक्ती केरणेन बोंद करणे केया। एने ताह, एक दिहरा हेरी न्याय ने व्यवहार करणे जुवी एने एक दिहरा पोर दया करणे जुवी ज्यो केया। ता भविष्यवक्ता माणहाह चेतावणी आप्या का खाराब कामाह सोडो एने बोगवानान वातु पालन केरणू हि।जर ता माणहे इहि नाय केरती ते बोगवान ताह दोषी मानीन तान न्याय केरी, एने ताह दण्ड आपी।

जादातर टायमे, ता माणहे बोगवानान आज्ञान पालन नाह केरताला। सद्या ता भविष्यवक्ता हेरी हाजो व्यवहार नाह केऱ्या कधी-कधी ते ता ताह मार टाक ताला। एक वार, ता यिर्मयाह भविष्यवक्ताह हुकील वावडीम टाक देना का तो मोर जाय। वावडीम गाराडाम गाडाय गियो।पुण राजाह ता पोर दया आवी ते तो तान सैनिकाह केयो का यिर्मयाह मोरणेन पेल वावडीम रीन बाहेर खेच लिवो।

भविष्यवक्ता बोगवानान उखेर रीन बोलणेन बोंद नाह केऱ्यो बोले माणहे तापोर राग केरने लागा तीभी। ता माणहाह चेतावणी आप्या का जर ता पश्चाताप नाय करती ते बोगवान ताहा नाश केर देय। ता माणहाह ज्यो भी केया का बोगवान ताफाय मसीहाह मोकेलणेन वायदो केरील हि।